البوص ج3
أجابته على الفور قائلة باستغراب: وده يزعلك في حاجه.
ابتسم بخفة وهو يأخذ من الفشار التي تضعه أمامها
قائلاً: لأ أكيد ده يبسطني طالما انتِ مبسوطة.
تأملته بحب لأول مرة مر الكثير من الوقت كي يراه ويشاهده يتحقق.
قائلة بخفوت: عارف يا فتحي ان ربنا عوض عليا بيك في حياتي.
صُدم من رد فعلها عليه ، وتأمل عيونها التي تتألق بحب وهي تنظر إليه دون خوف هذه المرة.
قائلاً بدهشة: يعني معقول مبقتيش بتخافي مني زي الأول، هزت رأسهها ببطء تتفقد عيونه الواسعة وأهدابه الطويله وأمسكت بيده قائلة برقة: استحالة إني أخاف منك تاني، وأنا آسفه على كل لحظة زعلتك فيها يا فتحي.
ابتلع ريقه بصعوبة فها هو حب عمره يتحول إلى حقيقة أخيراً ويحدث مالم يفكر به أو يتوقعه من قبل.
لم يستطع أن ينطق بحرف واحد بل ظل صامتاً، دون التحدث إليها مستمتعاً بما تقوله وتتفوه به.
مما جعلها تستكمل بكلمات خافته على استحياء منها وما فعلته في الماضي.
قائلة بأسف: انا عارفه اني غلطت في حقك كتير من زمان بس بجد كان غصب عني.
قاطعها بوضع اصبعه على شفتيها مشيرا إليها بالا تتحدث او تستكمل ما تقوله.
تلاقت نظرات الأسف من عيونها مع نظراته الغير مصدقه لما تقوله.
قائلاً بحنان: خلاص يا سهر أنا مش عايزك تفتكري الماضي، علشان بحاول انساه وانتِ كمان انسيه علشان، نقدر نكمل مع بعض من غير مشاكل، وأنا اوعدك من دلوقتي، اني هعوضك عن السنين اللي ضاعت من عمرنا، واي حاجه حصلت في الماضي انسيها خالص ومتفكريش فيها تاني.
امسكت بيده ووضعت كفها الاخرى فوق قبضته قائلة بحب: انت عارف ان انا مش بطيق البوص ولا بحبه بس رغم كده احسن حاجه عملهالي هو جوازي منك، يمكن كانت بطريقة مزعجه علشان يعلمني الادب صح، بطريقه مستفزه شويه بس بجد هي احسن حاجه حصلت لي في حياتي.
ابتسم ابتسامه جذابه جعلتها تنجذب إليه تلقائياً هي الاخرى وتبادله نفس الابتسامه الرقيقة.
قائله بخفوت: ربنا يخليك ليه وما يحرمنيش من وجودك في حياتي.
دقق النظر بعيونها بهيام وحب تراهما لأول مرة ثم وضع كفه الأخرى فوق يدها هامساً: يعني خلاص مش زعلانه مني.
هزت رأسها ببطء بالإيجاب ثم وضعت رأسها على صدره بحب، أغمضت أهدابها تشعر بأمان لم تحس به من قبل.
أحاطها بذراعه من خصرها هامساً بجانب أذنها: إنتِ أجمل ما في حياتي يا سهر.
