البوص ج1

قائلاً بعصبية مفرطة: شكلك كده حنيتي لعقابي، ومش هترتاحي غير لما أفرغ كل اللي جوايا عليكِ يا فريدة.

هرب الدم من وجنتيها وغاص قلبها بين قدميها من شدة رهبتها منه قائلة له بنبرة مرتجفة:- أنا…أنا بس عايزة… عايزة… بترت عبارتها عندما ضغط على ذراعيها بكفيه القويتين قائلاً بغضب: عايزة إيه انطقي…

جف حلقها على الفور من نظراته القاسية التي تندلع من عينيه كاللهيب الحارق يكاد يلتهم كل ما هو أمامه في الحال.

قائلة بنفس النبرة: كنت… كنت… عايزة أطمن عليك بس، ضغط بيديه بعنف أكبر على ذراعيها، مُزيداً إياها من إلصاقها بالباب…. توجعت على إثره.

قائلاً بانفعال: اتألمي يا فريدة يمكن تحسي بالنار اللي انا فيها… حاولت أبعدك لكن لأ راسك ناشفة ومش راضية تسمعي الكلام من أول مرة.

تحجر بصرها على محياه الحاد والغاضب منها قائلة بألم: أنا حاسه بيك يا أبيه علشان كده أصريت إني أتكلم معاك…. وآسفه علشان مسمعتش كلامك.

قطب حاجبيه بحنق وزاد تجهم وجهه صائحاً بها: وانا أعمل إيه بأسفك دلوقتي ها فهميني… بعد ما هربت ملك ومعرفش هيه فين وياعالم هلاقيها ولا لأ… واشمعنى انتِ يا فريدة اللي هتحسي بيه ها…

أغمضت عيونها غير قادرة على استيعابها لعذابه الآن من أجل شقيقته… شعرت بخطؤها الجسيم في مساعدة ابنة عمها على الهرب من شقيقها الأكبر عاصي.

مجيبةً إياه بصوتٍ مخنوق: اطمن يا أبيه أكيد هتلاقيها مع الوقت، تركها بغتةً وابتعد عنها عابس الوجه لا يريد رؤيتها ولا رؤية أي شخص الآن… وقد أولاها ظهره قائلاً بحزم مقتضب: فريدة اخرجي بره الأوضة بسرعة.

لم تنفذ كلماته أيضاً هذه المرة، عكس ما عهد منها دائماً، انما جازفت بنفسها مرةً أخرى، مقتربة منه ببطء…. لامست بطرف أناملها برقة على كتفه.

قائلة بحذر وارتباك:- أبيه عاصي أنا موافقة أنك تطلع كل عصبيتك فيه أنا وتعاقبني كمان إذا كان ده يريحك…. لكن أرجوك سيبني معاك لغاية ما تهدى.

لمعت الدموع بعينيها وهي تراه حزيناً ومهموماً لأول مرة هكذا في حياتها معه، والتفت إليها مواجهاً إياها بغضب كبيرقائلاً بغيظ منفعل: نفسي أعرف إنتِ عايزة مني إيه ها… شكلك محتاجه تضربي علشان تسمعي الكلام وتعرفي ان مش ههدى غير لما ألاقي ملك أختي.

طفرت عبراتها رغماً عنها قائلة بوجع: أنا راضية بكل ده إذا كنت هترتاح…. همَ بصفعها بعنف على وجنتها بالفعل… لكن يده توقفت بالهواء قابضاً إياها بقوة…