البوص ج1
جف حلق الرجل قائلاً بصوتٍ خفيض: شركة عمار الفيشاوي يا بوص.
اتسعت عيونه بقوة وهو يرمقه بغضب قائلاً بصوتٍ هادر: هوه تاني…. ده بيتحداني بقى…. هوه مش عارف ان شركتي بتاخدها كل مرة وبردو وقف قصادي.
ابتلع ريقه بصعوبة قائلاً بتوتر: أيوة عارف زي كل مرة بس أكيد يعني مش هنسكتله وهوه واثق من كده كويس أوي.
شرد سليم في هذا الموضوع الذي تفاجىء به قائلاً بجمود: خلى السواق يجهز العربية بسرعة.
أسرع ابراهيم في تنفيذ أوامره…. جلس سليم على المقعد خلفه يشتعل من الغضب قائلاً بحدة: إن ما ندمتك يا عمار…. ما يبقاش أنا البوص.
بوغت عمار الفيشاوي بمن يقتحم عليه باب غرفة مكتبه وبعضاً من رجال البوص يقفون حوله مسلحين بأسلحة يشهرونها في وجوه الموظفين.
على الفور استسلم الجميع مع صدمة عمار الذي نهض من مقعده هاتفاً بحدة مزعومة: إنت إزاي تدخل مكتبي بطريقتك الهمجية دي….
تطلع سليم إلى اثنان من رجاله وهو يشير لهم بنظره الحاد، بأن ينتظروه بالخارج مع باقي معاونيه، أغلق أحدهم الباب خلفه.
هرب الدم من من وجنتي عمار الفيشاوي عندما اقترب البوص منه بخطواتٍ مهددة قائلاً بغلظة غامضة: من زمان ما تقبلناش يا عمار… إيه ما وحشتكش يا راجل.
شعر بغصة في حلقه قائلاً بصوت مرتجف: قولي… قولي عايز إيه مني بالظبط يا بوص.
جلس أمامه على المقعد واضعاً قدم فوق الأخرى بكبرياء قائلاً بسخرية: إيه وحشتني قلت آجي أشرب القهوة بتاعتي معاك.
تصبب العرق من جبهة عمار بقلق واضطراب تام قائلاً بنفس النبرة: واللي عايز يشرب قهوة يعمل كده ويرعب كل موظفين الشركة.
حدجه ببصره بصمتٍ يعصف بداخله… متأملاً لأوراقه الكثيرة على مكتبه قائلاً بجمود: دي طريقتي مع حرامية المناقصات، ومحدش قالك تقف قصادي وسبق ونبهتك قبل كده بس انت الواضح شقاوتي من المرة اللي فاتت عجبتك.
اتسعت عيني عمار بذعر… فهو يعرف غضبه جيداً عندما يشعله في وجه أحدهما قائلاً بارتباك: يا بوص انت بقالك فترة مستحوذ على معظم المناقصات اللي في السوق فامفيهاش حاجه يعني لما آخد واحده.
ثار عليه سليم هذه اللحظة فجأة وهو يطرق بقبضته القوية بعنف على مكتب عمار حتى بعضاً من أوراقه تناثرت على الأرض صائحاً به: مش أنا اللي يتغش ويتعمل معاه كده…. ولا شكلك نسيت أنت بتتعامل مع مين.
