رواية روعة روعة ج3

زمت روفان شفتيها بضيق لتنظر جهته تقول بحسم:

_خليك هنا دقيقة وانا جاية

ومن بعدها انطلقت للداخل تحت نظراته المتعجبة ولكنه لم يملك سوى ان يتكئ على باب السيارة عاقدا يديه امام صدره ليجدها تأتى بعد دقيقتين تركض جهته وهى تحمل حقيبة ما تعطيها له وهي تقول بحرج:

_ولو انها مش اد المقام بس اعتبره شكر للي عملته علشاني واعتذار للتعب اللى بتعبهولك

رمش يونس بعينيه بتعجب ليفتح الحقيبة ينظر جهة العلبة بالداخل والتى كانت تحتوي على طعام لازال ساخن كما يحبه تماما لينظر لها هامسا بذهول:

_ايه ده؟

هزت كتفيها تجيبه بمرح:

_مكرونة بشاميل، وانا اللى عملاها المرادي مش شرياها زي الكريب علشان المرادي لما تتعب وتعمل غسيل معدة قول بقلب جامد روفان السبب

ضحك يونس بمرح على جملتها لتهمس وقتها بحرج:

اتمنى تكون بتحبها، بس لو مبتحبهاش…

قاطعها بابتسامة وهو يعلم ما ستقوله:

_لا بحبها وهخلصها كلياتها، حتى انى مش هجاسم حد فيها، بس المهم تكون حلوة

ضحكت روفان بسعادة لتجيبه بمرح:

_انت ونصيبك بقى، يلا علشان يبقى المرادي مكرونة بشاميل وملح

ضحك يونس بخفة ليجدها تقول بنعومة مليئة بالامتنان:

_بالهنا والشفا، انا اسفة مقدرش اقولك ادخل وكل معانا بس اتمنى الاكل يعجبك

ومن بعد تلك الكلمات تحركت لتدخل وهي تهمس بحرج:

_ودلوقتى استأذنك ادخل لاني مينفعش أفضل واقفة معاك فى الشارع كدة لانه غلط

ولكنها ما ان حاءت لتدخل حتى سمعت صوته يهتف باسمها لتلف وجهها جهته بتساؤل لتجده يقول بابتسامة لطيفة:

_خليكِ اكدة، بلاش تنهاري او تبكى لانه مش لايج عليكِ، انتِ لايج على وشك اكتر الضحك والهزار

وشك الطفولي اتخلج للضحك ما اتخلجش للدراما والحزن

اومات روفان برأسها ومن بعدها تحركت صوب الداخل تاركة اياه ينظر فى أثرها بابتسامة

ــــــــــــــــــــــــــــــــــــــــــــــــــــــــ

كان يجلس برفقتهم على مائدة الطعام مستمتعًا برؤية تصرفاتها العفوية الناعمة واللذيذة بدون اسوار، ليتفاجأ بصوت والدها يتنحنح ليقول بعدها بنبرة خشنة:

_لينا فيه موضوع عايز اكلمك فيه

همهمت لينا تحثه على الحديث لتسمعه يقول بصوت اجش:

_انتِ چالك عريس وطلب يدك مني

وكإن هناك صاعقة ضربت فى المكان لتصيب قلبه لذا…

تجمد عدي مكانه لتسقط المعلقة من يده محدثة صوت مدوي اثناء شعوره بالم حاد فى قلبه وكإن احدهم مد يده لينتزعه من صدره