رواية روعة روعة ج3

صمت ليهدر بغضب:

_انتِ بنت الزهار، فاهمة يعني ايه،؟ يعنى ماانتيش لوحدك انما وراكِ رچالة يحموكِ، واللى يفكر بس يتعرضلك بنظرة او بكلمة تچيلى من غير تفكير وانا وجتها هدفنه مطرحه وملوش دية عندي.

ومتخافيش وجتها النظرة اللى هوچهالك هتبجى نظرة فخر انك مسمحتيش لواحد زيه يضايجك حتى ولو كان مين

اهتزت حدقتي روفان حينما سمعت حديثه لتبتلع رمقها متسائلة بتوتر:

_هو انت عرفت؟

انتفضت وقتها من مكانها حينما اقترب منها يهدر بغضب:

_ايوة عرفت يا بت الزهار، عرفت مين اللى جلجك وخلاكِ تتنفضي كيف الفرخ المبلول من الخوف اكدة، عرفت مين اللى وچهلك نظرة جلت منك وخليتك تجرفي من نفسك اكدة.

عرفت ومسبتلكيش حجك انما چيبتهولك

والان فقط وعت سبب حالته الغير مهندمة لتعلم انه دخل معركة طاحنة مع الاخر خرج منها بهذه الحالة ولكن…

ما توقنه جيدا ان حالة الاخر ستكون يرثى لها

انتبهت من افكارها على صوته الاجش والقوى المعتاد وهو يقول بغضب محاولا السيطرة عليه ولكنها ايضا لمحت داخلها بعض العتاب والالم:

_اسمعينى يا بت الزهار وافهمي كلامي زين، انتِ مسئولة منى طول ما انتِ اهنه، يعنى لو عوزتى حاچة رجبتي سدادة، ولو ناجصك حاچة جوليلى، ولو فيه حاچة ضايجتك جوليلى حتى ولو كانت فيا واچهيني بيها وملكيش صالح انا هتجبلها

صمت لتلتمع عيونه بالحزن بينما رقت نبرته على غير المعتاد وامتزجت بألم وعتاب واضحين:

_بس اللى مش هتجبله او اسامحك فيه اني اعرف اخبارك من الغريب، انى اكون اخر من يعلم اللى يخصك وانك تفضلى واحد متعرفيهوش عليّ وتروحي تحكيله اللى بيضايجك، لاه وتجوليله ميجوليش وإن اذاكي على يدي

اخفضت روفان عينيها ارضًا بحرج من عتابه الهادئ والذى لامسها هذه المرة اكثر من صراخه وصوته المدوي ولمس جزء من قلبها ولكن….

انتفض قلبها من مكانه حينما وجدت اصبعه يمتد ليرفع وجهها ليواجه خاصته وهو يهمس برقة:

_افهمي يا روفان اني مش عدوك انما سندك، انا مش كارهك يا بت الناس انما دعمك وحمايتك.

جولتلك انى مدب ودبش فى كلامى ف اتحمليني، لكن والله انا ما يضاجنى حِملك انما انا اشيله العمر كله وانا راضى المهم اشوفك مبسوطة وبتضحكي

هنا وانتفضت روفان متراجعة للخلف حينما شعرت بشيء غريب يحدث وكإنها تقع صريعة هذا البربرى صاحب العيون الخضراء الساحرة، وهى بالنهاية اخر واحدة فى هذا العالم تود السقوط بهوته السحيقة لذا…