رواية روعة روعة ج3
ابتسم عدي حينما لاحظ اهتمامها بأهلها واخلاقها فى كل شيء ليجيبها وقتها برزانة:
_انا استأذنت والدك اننا لو خلصنا مع بعض اجيبك فى طريقي، واهو انا اضمن من التاكسي وافضل من بهدلة المواصلات العامة
تنهدت لينا لتجيبه وقتها بخجل:
_تمام
ابتسم عُدي وهو يجيبها بسعادة:
_تمام، استنينى فى نفس المكان وانا هجيلك
تنهدت لتتحرك امامه ليبتسم وقتها هامسا بحب:
_ملاك!! ملاك نازل من السما!!
________________________
ظلت تنظر جهتها وهي تهمس بضيق:
_ يا بتى يرضى ربنا عنيكِ فهمينى ايه اللى حصل وخلاكِ وشك اصفر كيف اللمونة وعنيكِ حمرا كيف الكبدة اكدة
تنهدت روفان وهي تجيبها بحنق:
_قولتلك مفيش حاجة يا ستي، انا مرهقة ومصدعة مش اكتر
زمت راوية شفتيها بضيق من هذه الحالة التى وصلت لها هذه الفتاة لتجيبها بحنق:
_خلاص لما تعوزي تتحدتتى ابجا تعاليلى
انهت كلماتها لتتحرك مبتعدة عنها اما هى فتحركت تمسك هاتفها تضعه على اذنها وحينما اجابها الطرف الاخر حتى تنهدت قاىلة بارهاق:
_روحتى ولا لسة؟
اجابتها الاخرى بهدوء:
_خلصت بس لسة ما روحتش
تنهدت روفان والتمعت عيونها بالدموع لتقول بوجع:
_لينا انا عايزة احكي معاكِ فى حاجة بس اوعدينى متحكيش لحد، انا مكنتش عايزة اتكلم بس حاسة انى لو فضلت ساكتة هطق.
توقفت لينا مكانها وهي تستمع لحديث شقيقتها الصغرى بينما انقبض قلبها عليها ولكنها مع ذلك حاولت اظهار الهدوء وهي تعدل حقيبتها على كتفها:
_ايه اللى حصل؟
ابتلعت روفان رمقها لتبدأ تقص عليها ما حدث معها نهاية بانفجارها فى احضان يونس لتنهي الحديث قائلة بألم ودموعها تسيل على وجنتيها بقهر:
_انا مش عايزة اشوفه تانى يا لينا، مش عايزة اسمع منه كلمة عن اني كنت اد ايه رخيصة لما اترميت فى حضنه وسمحتله يلمسني، وفى نفس الوقت مش عايزة احكيله عن اللى حصل معايا ولا احسسه انه زي ما بيقول فرحانة بلمة الرجالة حواليا وبرضو مش عايزة اقول لبابا وعمي علشان ما ازودش المشاكل معايا اكتر لبعدها يقفلو عليا ويمنعوني اخرج نهائي
تنهدت لينا وقد التمعت عيونها بالدموع على شقيقتها لتجيبها بحزن:
_والمفروض هتعملي ايه؟ انا خايفة لا اللى اسمه صُهيب ده يتعرضلك تانى
تلقائيًا ارتجف بدنها حينما تذكرت نظرات الاخير لها لتتراجع وقتها للخلف كإنها تحاول الهروب منها وهي تجيبها بخوف:
