رواية روعة روعة ج3

صمتت لتحول وجهها بعيدا تكمل بقهر:

_وبعدين مفيش امير من الاساس يا لينا، كل اللى بشوفهم هما ديابة بيرجفونى ويخوفونى، نظراتهم كلها بتنهش في جسمي ولحمى، بيحسسونى انى مش انسانة انما شيء تانى ميقدرش حتى لسانى ينطقه.

كل نظرة منهم بتخلى جسمى كله يقشعر وتلقائيًا بحس انى معدتى بتقلب وعايزة ارجع

ظلت لينا صامتة لتقول عدها بتعجب:

_ويونس كدة برضو؟؟

تعجبت روفان من سؤال اختها لتسألها بذهول:

_يونس مين؟

اجابتها لينا بهدوء:

_يونس الزهار

تجمدت روفان مكانها لتجيبها بعدها بحدة:

_اوعي.. سامعة؟ اوعي تتكلمي عن يونس او تفكرى فيه كدة يا لينا حتى ولو بينك وبين نفسك.
يونس ممكن يكون شديد شوية، مدب زى ما بيقول، بس مفيش انسان محترم فى العالم كله زى يونس، مفيش انسان بيخاف عليا اكتر من اهلى زي يونس، مفيش انسان شال مسئوليتى من غير ما يشتكي زى يونس

يونس يمكن يكون قاسي فى تصرفاته بس ده نابع من تربيته وبيئته مش اكتر لكن عمره ما بصلي اى بصة تقل منى او منه، رغم غلطي، ورغم كل اللى عملته وحتى من اول مرة شافنى فيها يونس عمره ما بصلى باى نظرة مهينة.

يونس الوحيد اللى بيجرى يحمينى ويعادي الناس علشانى بدون اهتمام، يونس هو اللى زعل بس علشان عرف اني حكيت لعم عتمان اللى مضايقنى وراح جابلى حقي وبعد ما جابه جه يعاتبنى وكإنه مكانش ليه عين يواجهنى وهو مش جايبلى حقي.
يونس هو اللى راح بيت صهيب الجمال واتخانق معاه وضربه فى قلب بيته بس علشانى، يونس اللى خرجنى من مصيبتى مع رشدي وما ارتحش غير لما فتحت عيني وعرفت الصح من الغلط ومهديش غير لما طلقنى منه وفوق كدة انتِ بنفسك قولتى انه رجعه مكسر وخلاه ساب المنطقة بعد ما رجع الفلوس اللي كان واخدها مني..

يونس ده اللى اول ما انهارت اخدنى فى حضنه وقعد يطمنى ويقولى انى انسانة وطفلة وما اتلامش على غلطي، يونس اللى اهلى موثقوش فيا ورموني هنا هو على العكس وثق فيا وامني على بنته الوحيدة فعلشان كدة…

صمتت لتهمس بعدها بتحذير:.

_انا اقبل انك تهينينى براحتك يا لينا لكن يونس اوعي حتى تفكري تقلي منه حتى بينك وبين نفسك

تجمدت لينا مكانها وهي تستوعب كلمات شقيقتها وقد وعت فى هذه اللحظة لامر كبير وهو…

ان شقيقتها واقعة فى عشق هذا الرجل حد النخاع لذا ابتلعت ريقها تسألها بتوتر: