رواية روعة روعة ج3
_وعلى فكرة الموضوع مكانش من الباب للطاج اكدة انما اني كنت مخطط انى اچيب عمي عمران واتجدملها ولكن بعد ما تخلص السنادي علشان منه تكون مركزة فى دراستها وخلصتها على مهل من غير ضغط او تشويش وخصوصا انها من الاوائل، ومنيه علشان متحسش انها مچبورة على جبولي وخايفة من اذيتي ليها او انه يكون فيه حرچ بيناتنا اكمني استاذها واكدة لكن اللي لازم تعرفوه….
صمت ليحول وجهه جهة لينا قائلا بعيون تلتمع بالحب:
_انى رايدها واتمنى توافج عليا، وبس المحظوظ اللي يحصل على واحدة زي لينا بنعومتها ورجتها، چوهرة ثمينة تتصان وتتحط فوج الراس
بهتت ملامح الجميع حينما سمعوا حديث عدي ولا احد منهم يستطيع تصديق ما يحدث ليحولو وقتهم عيونهم جهتها ليسألها والدها بصدمة:
_وانتِ ايه رأيك يا لينا؟
رمشت لينا بعينيها تجيبهم بصوت متحشرج:
_في ايه بالظبط؟
كتم عُدي ضحكة كادت تنفلت من بين شفتيه على مقدار صدمتها وبلاهتها ليسمع بعدها صوت محسن المغتاظ:
_فى اللي جاله الراچل اللى جاعد جدامك ده
وامام صمت الفتاة المصدوم فقد تنحنح عبد السلام ليقول بقوة:
_طيب بجولكم ايه، احنا نسيبهم مع بعض يتحدتو وبعدها نشوف
بدى الامر معقولا بالنسبة لهم لذا تحرك كلاهما جهة غرفة استقبال الضيوف ليجلسو سويا وما ان فرغت الغرفة سوى منهم حتى تنحنح عُدي يجلي حنجرته قائلا برزانة:
_ايه رأيك يا لينا؟
هزت لينا رأسها تجيبه بوجه شاحب مصدوم:
_فى ايه؟
تنهد عُدي ليرفع بعدها عينيه مجيبًا بصوت هادئ وعاقل:
_بصي يا لينا، انا عارف انى صدمتك وفاجئتك بطلبى بس خليكِ عارفة ومتأكدة انه مش بتاع وقته، وانى فعلا كنت ناوي اتقدملك بس كنت مستني الوقت المناسب، بس اذا كان الوقت ده معناه انك هتضيعي من ايدي فاسمحيلى اقولك انه في داهية اى شيء المهم انتِ
ظلت لينا تنظر جهته لتسأله بتعجب:
_واشمعنى انا؟ علشان قريبتك!!
لم يفهم عُدي ما العلاقة ليرفع عيونه جهتها يجيبها بحزم:
_لا علشان انتِ لينا يا لينا، علشان انتِ الملاك اللي بتمنى ينور بيتى، علشان انتِ حمامتى اللى بتمنى تودعلى السلام
صمت ينظر جهتها ليلاحظ نظرات عدم الفهم التى تطوف بوجهها ليرفع عيونه يكمل بنبرة عاشقة:
_علشان انتِ الوحيدة فى العالم اللى خليتي قلبى يريدك، انتِ اللى من اول نظرة ليكِ صحتيه من نومه وخلتيه يشاور ويقول يا دي يا بلاش
