رواية روعة روعة ج3

تراجعت للخلف وشهقات بكائها تتعالى اكثر واكثر على حالهما وحالته هو بالاخص وهى تجد هذا الرجل المهيب ذو الكبرياء المرعب والذي يخيف الكل بنظراته فقط يقف امامها كمن خرج من معركة منهزم بل وخالى الوفاض ليطالبها بالحل لذا..

ابتلعت رمقها وهي تنظر جهته بشفقة والم تجيبه بوجع وقهرة:

_انا اسفة يا يونس، اسفة على اللى عملته فيك وفى نفسي، انا عارفة ان اسفى مش هيحل حاجة بس وعد عليا انى اخرج من حياتك نهائى ومش هسمح لنفسى ادمرها اكتر من كدة

ومن بعد حديثها اعطته نظرة اخيرة كنظرة وداع ثم ركضت بعدها لاسفل ودموعها تسبقها على وجنتيها، ولكن ما وصلت للردهة حتى وقفت مكانها تمسح دموعها بعنف وتسحب شهيقا طويلا تهدئ به مشاعرها المضطربة لتتحرك بعدها جهة الداخل لتقول بصوت حازم:

_ستى انا عايزة ارجع البيت

ارتفعت الاعين جهتها بتعجب ولكن وقبل ان يقول احدهم شيئًا فهى رمقت جدتها بنظرة راجية متألمة ومقهورة لتنظر لها راوية بصدمة ثم اومأت برأسها لتتحرك برفقة الفتاة بصمت وهي تتساءل داخلها ترى ماذا حدث للصغيرة لتنهار هكذا امامها

ـــــــــــــــــــــــــــــــــــــــــــــــــــــــــــ

كانت تضمها لصدرها بقوة تاركة اياها تفضى ما لديها من الم على شكل تلك الدموع التى كانت تغسل قلبها، وشهقاتها تتعالى لتمزق قلبها

ابتلعت راوية رمقها لتضم الصغيرة لصدرها تهمس بوجع:

_بكفياكِ يا جلب ستك، حرام اللى بتعمليه فى نفسك ده

بكت روفان باحضان جدتها تحيبها بقهر:

_بحبه يا ستى، بحبه وهو يستاهل الحب، بس للاسف انا حرقته معايا وهو ملوش ذنب، مش كفايا الوجع اللى شافه من قبلى على موت مراته وحرقته على بنته واللى ابتدى يتعافى منها علشان اجي انا واحرقه كدة معايا!!

ليه يا ستى؟ ليه كنت جاحدة وغبية ووحشة كدة؟؟

تعالت شهقاتها لترفع عيونها جهة جدتها تكمل بحسرة:

_عمى يوم ما عرف باللى عملته قالى جملة مش هقدر انساها، قالى انى معرفش الحب لسة ولا جربته، وانى لسة مقابلتش قدرى بس باللى انا عملته ضيعته

صمتت لتتعالى وقتها شهقاتها وهي تقول بحرقة:

_وانا دلوقتى ادركت انى ضيعته يا ستى، ضيعت انسان لو لفيت عمرى كله مش هلاقى ضفره، ضيعت الانسان الوحيد اللى عمره ما بصلي بشهوة او بنظرة مش كويسة او شافنى جسم انما كان دايما داعم ليا

ظلت تبكى بقهر لتقول بعدها برجاء: