رواية روعة روعة ج3

_روفان هو انتِ بتحبى يونس؟

تجمدت روفان مكانها لتجيبها برفض:

_ايه اللى انتِ بتقوليه ده يا لينا؟

صمتت لينا لبرهة تجمع افكارها لتجيبها بعدها بتوتر:

_مش انا اللى بقول يا روفان انما انتِ اللى بتقولي، انتِ مش بتحبي يونس بس انما انتِ بتعشقيه كمان، صح ولا انا غلطانة؟

ابتلعت روفان وقتها رمقها بتوتر لتلف عينيها تنظر جهة موضع وقوفه منذ قليل بقلق خشية ان يستمع لحديثها مع شقيقتها لتتنهد وقتها براحة وهي تلاحظ غيابه لتجيبها وقتها بتلعثم:

_كلام ايه اللى بتقوليه ده يا لينا؟ يونس مين اللى احبه!! انتِ عارفة يونس فين وانا فين؟ احنا بينا بحور وسدود محدش يقدر يعديها

جملتها الاخيرة خرجت متهدجة وبصوت متحشرج وكإنها بالكاد تتماسك على الا تنهار فى البكاء وقد لاحظت لينا هذا الامر لتجيبها بحنق:

_طيب تنكرى انك مش بتلاقى الامان غير معاه يا روفان؟ تنكرى انك شايفاه الراجل اللى ملوش مثيل فى العالم كله واللى مفيش راجل فى العالم يضاهيه؟ تنكرى انك اول ما بتقعي فى كارثة عينك دايما بتدور عليه؟ تنكري انك مش عايزة تعملى بس غلط علشان متبقيش وحشة فى عنيه؟ دايما عايزة تطلعي حلوة قدامه سواء بالشكل او بالطبع؟

صمتت للحظة لتهدر بعدها بغضب:

_انتِ ما اشتكيتيش من كلام عمران الزهار او نظرته ليكِ، كلام جدتى، قسوة عمى، اهمال بابا وماما لكن كل شكوتك كانت يونس عمل، يونس سوى، يونس قال، وكإن حياتك من اول لحظة عينك وقعت عليه بقى هو مركزها.
ولا انا غلط يا روفان؟

تساقطت دموع روفان على وجنتيها حينما شعرت ان قلبها مكشوف امام شقيقتها هكذا، فكيف تخبرها انها وقعت صريعة عشق هذا الرجل من اول لحظة رأته بها لتعلم بان كل ما كنته لرشدى لم يكن سوى مشاعر انبهار مراهقة جهة اول رجل قال لها كلمة حسنة واشعرها بانها انثى جميلة ومرغوبة ولكن…

مشاعرها تجاه يونس مختلفة، منذ اول لحظة دخل الغرفة وهي تحادث والده وقد شعرت ان شيء ما بداخلها لم يعد كما هو، ذلك الوسيم ذو العيون الخضراء والهيبة القاتلة كركب كيانها ومشاعرها

ومنذ ان وقف امام رشدي بهيبته ورجولته يجبره على ان يطلقها دون ان يرف له رمش فهو سرق انبهارها به
وبعد ان دخل الغرفة بالاعلى بعد انهيارها ليحادثها بكل تلك الرقة والحنان والتعنيف الطفيف والذي لم يستعمله حتى والديها فهى شعرت بان هذا الرجل سرق بها شيء، قلبها لم يعد كما كان لذا…