رواية روعة روعة ج3

صمت ليتفاجأ به يضع الس..لاح على راس ذلك المسجى ارضًا وهو يكمل بشراسة مرعبة:

_انا اكدة عملت اللى عليّ علشان المرة الچاية محدش يلومنى، ولا ابنك هيكون ليه عندى ديه

ومن بعد كلمته اطلق رصاصة لتمر بجانب ذلك الراقد تماما لتخترق الارض ثم وضع بعدها سل..احه فى حزام بنطاله يقول بصوت اجش:

_ودلوك السلام عليكم يا حاچ

ودون كلمة اخرى تحرك جهة سيارته بالخارج وكأن شيئًا لم يحدث تاركا الاخر واقف مكانه ينظر له بنظرات مبهوتة ويتساءل داخله كيف له ان يواجه هذا الوحش الطليق

ــــــــــــــــــــــــــــــــــــــــــــــــــــــــــــــــــــ

انهت اخر محاضرة لها وهي تزفر انفاسها بارهاق حينما سمعت صوت صديقتها تسالها بمرح:

_ايه ناوية تتغدي معانا النهاردة ولا كالعادة هتهربى؟

نفت لينا برأسها تجيبها بانهاك:

مش هينفع يا رشا، اهلى مبيرضوش انى اخرج وانتِ عارفة كدة، هو من البيت للجامعة ومن الجامعة للبيت، وان ناويت اتغدى يبقى فى بيتنا

زمت رشا شفتيها تجيبها بتهكم:

_انا بدات اصدق ان اهلك بخلا يا بت يا لينا، دول رافضين انك حتى تاكلى

ولكن بالنسبة للينا كان الامر منتهي لها لتجيبها بحسم:

_وفرى اسلوبك ده يا رشا انا مش خارجة، ولو جوعت ممكن اجيب اكل من اى مطعم تيك اواى، لكن مش انا اللى اضيع ثقة اهلي فيا حتى ولو كان حاجة بسيطة، ودلوقتى سلام علشان ما اتاخرش

انهت حديثها لتخرج بالفعل من مدرجها تحت نظرات ذاك الذي كان واقف بالخارج والذي رقت عينيه والتمعت بالسعادة لمرآها وسماع حديثها ليدرك وقتها انها جوهرة نادرة ونفيسة وليس الجميع محظوظ بالحصول عليها لذا…

سار خلفها وهو يمتع عينيه بالنظر لجوهرته الحبيبة وكإنه يريد حفظ تفاصيلها بل وحمايتها حتى من نظرة لا تروقه وهو يرفع هاتفه على اذنه يتصل بها وما ان اجابت حتى سالها برقة:

_خلصتى محاضراتك ولا لسة؟

اجابته لينا ببساطة وهي تعدل حقيبتها على ظهرها امامه:

_اه، لسة مخلصة دلوقتى، ليه في حاجة؟

ابتسم عُدي وهو يجيبها ببساطة:

_لا بس انا لسة مخلص محاضراتي فقولت اشوفك لو خلصتى اخدك فى طريقي بدل بهدلة المواصلات مادام طريقنا واحد

توقفت مكانها امامه ليقطب حاجبيه وهو يجدها تعيد غرتها للخلف بتفكير لتجيبه بعدها بحرج:

_انا مش قصدي حاجة بس مظنش ان بابا هيوافق لما يلاقينى جاية معاك كل يوم والتانى كدة