رواية روعة روعة ج3

_كتب كتابك!! على طول اكدة

ابتسم عُدي وهو يهز كتفيه يجيبه بمرح:

_اخاف اتصرف بالراحة العروسة تهرب فعايز املكها فى يدي، والا حد هيخطف الملاك ده منى

ابتسم يونس ولكن ابتسامته لم تصل لعينيه وهو يجيبه بمرح مفتعل:

_ده واضح انك وجعت ولا حدش سمى عليك

_ومن اول نظرة، ما هو مفيش حد يشوف بت محسن الزهار ويفضل على بعضيه، انما لازم يطب ويعمل المستحيل علشان يحصل على الملاك الناعم ده

وتلقائيًا انتفض يونس من مكانه واقفا وهو يهمس بصوت مبهوت بل وبشرة شاحبة وغاضبة:

_روفان!!

تعجب عُدي من مظهر ابن عمه وصدمته الواضحة ولكنه مع ذلك اجابه بهدوء متعحب:

_روفان مين؟ انا مالى ومال روفان ولا شوفتها فين؟ انا بتكلم عن اختها الكبيرة لينا

زفرة راحة خرجت من فم يونس وهو يهبط ليجلس على مقعده براحة وكإنه لتوه فقط التقط انفاسه بعد ان كاد قلبه يتوقف لينظر له عُدي بتعجب وهو يلاحظ ما يعتمل ابن عمه ولكنه مع ذلك لم يشأ ان يتدخل فنظرات ابن عمه فقط توحي بما يحمله في قلبه جهة هذه الصغيرة والتى تكاد تموت الان فى منزلهم من القهر لذا لم يشأ التدخل انما تركه يلملم شتاته بحرية وهو يعلم جيدًا انه ما ان يهدأ سيفضى له بما فى قلبه، ولكنه مع ذلك قال بهدوء متقصد:

_بخصوص انك جبت سيرة روفان، تعرف ان صُهيب كان خاطفها علشان تكتب الارض باسمه بيع وشرا لان طلعت الأرض اللى عليها مشاكل دي مكتوبة باسمها بس البنت مرضيتش؟

اتسعت عينى يونس وهو يهدر بصدمة:

_ايه!! كيف يعنى؟

ابتسم عدي وهو يجيبه بتهكم:

_هو انت هتتصدم بدري كدة!! امال اما تعرف التقيلة وان الباشا كان جايبلها عقد جواز ورسمي كمان وكان عايزها تمضيه وتتجوزه لكنها رفضت

وهنا انتفض يونس من مكانه ملتفا حول ذاته كاسد حبيس وهو يهدر بغضب ويخرج السباب من فمه على ذلك عديم الرجولة تحت نظرات عُدي الصقرية والتى كانت تتابعه ليقول بعدها بحسرة على ما مرت به الصغيرة:

_وطبعا ابن الچمال ما سكتش على اكدة وحاول يعتدي عليها سواء بالضرب او غيره علشان توافج بس هى قاومته وربنا ستر وانت وصلت فى الوجت المناسب

هنا وشعر يونس بان احدهم سحب قلبه ليعتصره بين كفيه ليطلق وقتها صرخة غاضبة وهو يلقى كل ما على يقبع على مكتبه مطلقا سباب لازع وهو يهدر بوعيد:

_هجتله، هجتله ولد الچمال وهجطع يده اللى اتمدت عليها وهفچر رايه اللى فكرت فى اذيتها، هجتله