رواية روعة روعة ج3

_ليه دخلتى حياتى وجلبتيها؟ ليه اتسربتى چوايا بدون رغبة منى؟ ليه احتلتينى وانا مش راضي ب اكدة؟

صمت للحظة ليمسكها بعدها من مرفقيها يهزها بقوة طفيفة هادرا بغضب:

_انا مكنتش عايز اكدة، مكنتش عايز اني اتعلج بيكِ، مكنتش عايز احبك، كنت عايز افضل مچرد مسئول عنيكِ، بس ليه جلبى اتمرد عليا وعمل عكس اللى انا عايزه وحبك؟
ليه عشجك لدرچة الچنون لدرچة انه لما اختفيتى من شويه كنت هتچنن من كتر خوفي من اللى ممكن يكون چرالك، ولما شفتك بين ايدين صهيب وسل..احه على راسك كان جلبى وجتها هيجف وحسيت انى روحي بتتسحب منى وانك لوچرالك حاچة مش هتحمل وجتها واموت، ليه؟

ليه اتسربتى چوة جلبى وشرايينى لدرچة ان انفاسي بجت مرتبطة بيكِ، ليه؟

اتسعت عينا روفان بصدمة من هذا الاعتراف الغريب بالحب الذى تلقته الان من هذا الرجل امامها والذى عشقته حد الجنون ولكنه تسمرت مكانها حينما رات دموع الغضب والقهر تلتمع بعينيه وهو يهدر بجنون:

_بس انا مش عايز اكدة، مش عايز الحب ده.

حبى ليكِ لعنة هتدمرنا احنا التنين، انا مهما ان حبيتك مش هجدر انسالك اللى عملتيه ولا هجدر اتنازل عن كرامتي جدامك او اثق فيكِ

مش هقدر اتچاهل اللى عرفته وانا عارف ماضى مراتى واللى عملته مع نفسها واهلها، مش هجدر

صمت لتسقط دمعة وحيدة تمردت من اسر جفونه ليمد يده يمحيها سريعا قبل ان يلاحظها احد وهو يقول بعذاب:

_انا ذنبى ايه علشان اعيش الچحيم ده؟ ذنبى ايه فى مقابل انى اساعدك اترمي فى النار دي؟ لا انا جادر اجرب واحبك لان النار اللى جوايا من معرفتى بماضيكى هتحرجنا وهتخلى حياتنا چحيم ولا انا جادر اتجاهل جلبى وحبى واعيش حياتى عادى واتحمل ان غيرى يلمسك خصوصا انى عرفت انك بتبادلينى المشاعر

جوليلى اعمل ايه؟

انهى جملته الأخيرة بصرخة غاضبة جعلتها تتراجع للخلف بالاخص وهى تجده يسقط كل ما يعلو مكتبه بجنون لتشهق وقتها بصدمة بينما دموعها شقت طريقها على وجنتيها بقهر والم على حاله وما يمر به وتلك النار التى تحرق صدره لتدرك الان فقط نتيجة فعلتها وانها لم تنال منها فقط بل وللاسف نالت من هذا الرحل امامها.
بل وان الشخص الوحيد فى العالم الذي يعرف بفعلتها بعد اهلها هو ذاته من كان يجب الا يعلم

هذا الوحش اللطيف، والبرئ، والحنون احرقته والمته بوجودها فى حياته بسبب تصرفاتها الحمقاء لذا…