رواية روعة روعة ج3

_ابدًا، انا لا وعلانة ولا عتبانة ولا اى حاجة، انتو مقصرتوش ولا غلطتوش معايا فى حاجة، انتو حتى فى غلطي ما اذتونيش انما بعتونى عند ستى علشان تحموني من غلطي لحد ما اعقل

صمتت لتتساقط دموعها على وجنتيها وانفجرت شهقاتها فجأة وهي تجيبها بقهر:

_انما ان كنت زعلانة من حد فهو من نفسي، من اللى عملته، انا اللى ظلمت نفسي وهنتها، انا اللى بعتكم وبعت نفسي بالرخيص اوى وعلى راى عمي اللى ترخص نفسها متطلبش من حد يكرمها، واللى تهون عليها نفسها متستناش من حد يهتم بيها

انهت حديثها لتنفجر فى البكاء محتضنة ساقيها لركبتيها وهي تهدر بحسرة:

_وانا وحشة يا ماما، وحشة اوي ومستاهلش الحب، انا رخصتكم ورخصت نفسي اوى

شهقت تهانى تركض جهة ابنتها تسحبها لاحضانها تهمس ببكاء:

_لا يا ضنايا، انتِ ست البنات كلهم، كلنا بنغلط يا ضنايا وانتِ لسة طفلة وياما هتشوفى

انفجرت روفان فى البكاء وهى تحتضن والدتها بقوة تلتمس منها الدعم وذكرى تلك الكلمات تعاد لذاكرتها بحسرة وألم من شخص اخر همسها بصوت دافئ وحنون ليرفضها من بعدها

تعالت شهقات كلا من الام وابنتها لتمتد يد ثالثة تحتضنهم وصوت شهقاتها الناعمة تتعالى لترفع روفان تنظر جهتها لتهمس لينا وقتها بمرح من بين دموعها:

_ما هو مجاتش عليا بقى

ابتسمت روفان بخفة لتمتد يد لينا تمسح دموعها وهى تقول بمرح:

_كويس انك رجعتى يا روفان علشان انا فعلا محتاجاكي، انا خلاص كتب كتابي بعد اسبوعين وعُدي مش مدينى فرصة اتنفس، فمستنياكي تساعدينى

اومات روفان بابتسامة وهي تحتضن شقيقتها لصدرها بسعادة وهي تقر بان لينا تستحق السعادة على عكسها هي والتى تستحق كل ما تمر به واكثر

ــــــــــــــــــــــــــــــــــــــــــــــــــ

كان يجلس بمكتبه يدقق فى تلك الملفات امامه حينما سمع دق على باب غرفته يعقبه دخول احدهم لذا…

رفع خضراوتيه يتطلع جهته بتعجب ليجده ابن عمه يتطلع جهته بابتسامة مرحة وهو يقول بمزاح:

_ما هو بما اننا مش عارفين نكلم چنابك او نوصلك فعلشان اكدة چينا ليك

تنهد يونس ولم يجب انما اعاد عينيه جهة الاوراق امامه قائلا بحزم:

_جول اللى عنديك وخلص يا عُدي

ابتسم عُدي ليتحرك جهته يجلس على المقعد امامه قائلا بسعادة:

كتب كتابى الاسبوع الچاي فعلشان اكدة چيت ابلغك

رفع يونس وجهه جهته يساله بتعجب بنظرات مصدومة تملكت منه