رواية روعة روعة ج3
_ومن الواضح ان العصفورة دخلت الفخ وبرچليها كمان
الفصل الثالث عشر
جلست تحت شجرة من الاشجار تتكئ بظهرها عليها ويدها تمسك هاتفها تضعه على اذنها تستمع لحديث شقيقتها بابتسامة سعيدة بينما الاخرى تداعب خصلات الصغيرة الناعمة والتى كانت تنام على ساقها
ابتسمت روفان بسعادة وهي تستمع لصوت شقيقتها الغير مصدق لما حدث حتى الان:
_انا مش مصدقة لحد دلوقتى اللى حصل يا روفان، مش مصدقة ان عُدي الزهار بجلالة قدره متقدملى، لا ومش طالب خطوبتى انما ده مُصِر على كتب كتاب على طول، قال ايه خايف حد من زمايلى يحاول يخطفنى منه فهو عايز يثبت حق ملكيته ليا ويمنع اى عين تبصلى
تلقائيًا تعالت ضحكات روفان الناعمة مما لفت انتباه ذلك الواقف على بعد ليلف وجهه جهتها يناظرها بتعجب ليلمح ذلك المنظر الجميل وهو يجد هذه الصغيرة تبتسم ابتسامة ولا اروع بينما صغيرته تنام على ركبتيها بينما هي تداعب خصلاتها بحنان.
تلقائيًا ارتسمت ابتسامة حانية ولطيفة على وجهه ليعود بعدها بعينيه جهة من امامه يحدثه بانتباه
اما روفان فابتسمت تجيب شقيقتها بنعومة:
انت تستاهلى كل الاهتمام والحب ده واكتر يا لينا، لانك فعلا لطيفة وحنينة ورقيقة واللى زيك لازم يتعشق مش يتحب بس، واحدة بنعومتك تستاهل واحد يعاملها برقة ويخاف عليها من اى لمسة او همسة ممكن تجرحها، والواضح ان عُدي واعي لكدة وهيقدرك
استشعرت لينا الالم فى نبرة شقيقتها لتسألها بحزن:
_وانتِ يا روفان؟
هزت روفان رأسها تسألها بتعجب:
_وانا ايه؟
اجابتها لينا بضيق:
_وانتِ مش شايفة انك تستحقي انسان يهتم بيكِ ويحبك كدة؟ انسان يقدرك ويخاف عليكِ؟ انسان يتحدى الدنيا كلها علشانك ويحميكِ من الهوا الطاير؟
واحد لو اتجرحتي بس يحرق الدنيا قدام جرحك، ولو ابتسمتي يعمل فرح علشانها؟ واحد يكون راجل فى كلمته ووعده ويكون حمايتك ودعمك وسندك؟ واحد يكون مع العالم كله حاجة ومعاكي انتِ حاجة تانية؟
تلقائيًا حولت روفان عينيها جهة هذا الوسيم الواقف على بعد منها بابتسامة شاردة وقد شعرت فى هذه اللحظة ان كل حديث شقيقتها لا ينطبق سوى على شخص واحد، هذا الرجل المهيب الواقف امامها بكبريائه وشموخه وقوته وحنانه لتظل تتطلع له بعيون راجية ومتمنية ولكن ايضا متألمة لتجيب وقتها شقيقتها بحزن:
_صعب يا لينا، صعب اني احلم حلم زي ده، حلم زي ده عايز اميرة وانا مش اميرة يا لينا انما انا واحدة غلطت فى حق اهلها والاكيد ان اللى تزعل اهلها عمر الدنيا ما هتنصفها بامير ابدا
