حافية على جسر عشقي ج7

ألتفت “جواد” ممسكاً بكتفيّ “ملك” قائلاً بحنان:
– حبيبتي أنا هسلم على أمي و همشي عشان عندي شغل كتير، لو أي حاجة حصلت كلميني ومتخافيش، أنا مش هتأخر هرجع على طول وأنتِ اقعدي مع أمي أو نامي زي م تحِبي، تمام؟!!

أومأت “ملك” بإبتسامة تحاول طمئنته:
– حاضر يا حبيبي، متقلقش عليا!!!

ضمها لصدره مقبلاً رأسهأ قائلاً بمزاح:
– أيوا أنا عارف أني متجوز راجل!!!

ضربته على صدره توبخه متذمرة، قائلة بحزن زائف:
– يعني أنا راجل ف نظرك يا جواد؟!!

أبعدها عنه قائلاً بإبتسامة عاشقة:
– أسكتي يا هبلة، دة أنتِ ست البنات!!!

ضحكت “ملك بشقاوة لتأتي “إيناس” والدته التي أرتمت في أحضانه تضمه لها بشوق، تردف بعتابٍ شديد:
– حرام عليك يا جواد والله تسيبنا كل دة من غير حتى مـ أشوفك و أطمن عليك!!!

أبتسم “جواد” قائلاً:
– في أيه يا جماعة دول هما يومين تلاته، هو أنا كنت في العراق، وبعدين يا أمي كلنا كنا خايفين على مازن ومكنش ينفع أسيب ملك لوحدها..

أبتعدت عنها لتنظر لـ “ملك” التي أبتسمت لها، ولكنها تلقتها في أحضانها قائلة وهي تربت على ظهرها:
– حبيبتي يابنتي والله أنتِ كمان وحشتيني زي جواد بالظبط..

هتفت بسعادة وهي تبادلها عناقها:
– والله حضرتك أكتر!!!

أبعدتها عنها قائلة بقلقٍ:
– أخوكي بقى كويس صح؟!!!

اومأت “ملك”سريعاً تحمد ربُها، لينظر “جواد” في ساعته قائلاً بجدية:
– أنا اتأخرت اوي، أمي أنا مش هتأخر معلش خلي بالك من ملك..

– في عنيا يا ضنايا…
قالت “إيناس” ليذهب “جواد” بعد أن ودًعهم، فجلسا ثلاثتهم ونظرات “ياسمين” الحاقده تنغُزها، فقررت “ملك” الصعود لغرفتها لكي لا تحتك بها، لتستأذن “إيناس” تقول لها بكلامٍ لبِق:
– معلش ياماما أنا هطلع بس أخد شاور و أغير هدومي وهنزل أقعد مع حضرتك..

اومأت الأخيرة قائلة:
– أكيد يا حبيبتي أطلعي!!!

وفي ثوانِ كانت “ملك” بجناحهم، لتدلف للحمام لكي تستحم.. وبعد دقائق خرجت منه تلُف جسدها بمنشفة طويلة، جففت خصلاتها ثم جلست تُمشطها، لترتدي منامة مريحة ثم أطلقت خصلاتها للعنان، لتنزل لهم فوجدت “إيناس بالمطبخ “وياسمين” جالسة أمام التلفاز، حمحمت بإحراج لتجلس جوارها فهذا هو الوقت لفض الخلاف بينهما لم تعيرها “ياسمين ” إهتمام ممسكة بجهاز التحكم، أخذت “ملك” نفساً عميقاً ثم قالت برفق:
– ممكن أعرف أنتِ بتكرهيني أوي كدا ليه!!!