حافية على جسر عشقي ج7

لم تنظر لها وكأنها لم تتحدث أبداً، لتكمل قائلة بحزن:
– من وأحنا صغيرين وأنتِ مش بتحبيني، لما كنت باجي هنا و أنا طفلة كنتي بتضربيني وتروحي تعيطي لجواد وتقوليله أن أنا اللي ضربتك، وساعات جواد كان بيزعقلي مع أن مليش ذنب في حاجة، بس وقتها كنا أطفال مش فاهمين حاجة، بس ليه دلوقتي بتعامليني كدا؟!!!

أنتفضت “ياسمين” كمن لدغتها أفعى ملتفتة لها تلقي بجهاز التحكم أرضاً تقول بغل:
– عايزة تعرفي بكرهك ليه؟!!!، عشان دايماً جواد بيفضلك عني وبيعاملك أحسن، من وأحنا أطفال وأنا بحس أنه بيحبك أكتر مني، ولما كبرنا و أتجوزتوا كرهتك أكتر، أنتِ كابوس بالنسبالي مش عارفة أخلص منه!!!!

قطبت حاجبيها بألمٍ لتردف بصوتٍ خافت:
– للدرجة دي!!!!

نهضت واثبة بحقدٍ صارخة بها:
– و أكتر يا ملك، لو لسة عندك دم ياريت تمشي من حياتنا، أطلعي من حياة أخويا وسيبينا في حالنا بقا!!!

برقت عيناها بالدموع لتنهض واقفة أمامها قائلة بصوتٍ مهزوز:
– صدقيني يا ياسمين جواد بيحبك جداً، و أنا أصلاً مستحيل هفرق بينكوا لأنك أخته، هو ممكن كان بيهتم بيا وأنا صغيرة أكتر منك شوية عشان أنا كان دايماً بابا بيزعقلي وساعات كتير بيضربني، فهو كان حنين عليا زي مـ كان ظافر وباسل ومازن بيعملوا معايا، بس أنتِ باباكي الله يرحمه كان بيحبكوا جداً ومش بيعمل فيكوا حاجة وحشة كان بيدلعك جداً، عشان كدا هو كان بيهتم بيا زيادة بس والله هو في الحقيقة بيحبك أنتِ جداً!!!

ضمت ذراعيها لصدرها مقتربة منها عدة خطوات، لتقول بنظرات متقززة:
– بلاش تمثلي دور الطيبة البريئة دة عليا، عشان أنا عارفاكي كويس، و بردو هتبعدي عن أخويا يا ملك، هخليه يكرهك وميطقش يبُص في وشك!!!!

جائت “إيناس” على صوتهم لتستمع لجملة أبنتها مما جعلها تضرب صدرها صارخة:
– يالهوي!!! أيه يا ياسمين اللي بتقوليه دة، وصوتك عالي ليه؟!!! تعالي يا ملك يابنتي أقعدي معايا في المطبخ!!!

أنهمرت الدموع على وجنتيها لتذهب معها تصارع رغبة شديدة في البكاء، دلفا للمطبخ لتجلسها “إيناس” على المقعد مربتة على خصلاتها قائلة بأسفٍ:
– متزعليش منها يا حبيبتي والله ياسمين طيبة هي بس بتحب أخوها بزيادة شوية، وملكيش دعوة بكلامها محدش هيقدر يعملك حاجة وأنا معاكي!!!

بكت بقوة لحنان كلماتها مردفة بصوتٍ مبحوح:
– لو وجودي مضايقها أوي كدا هقنع جواد أني أقعد عند ماما لحد مـ تهدى، أنا مبحبش حد يبقى كارهني مش بعرف أستحمل!!!! وصدقيني أنا مش زعلانه منها هي بردو عندها حق، وأنا هحاول أحسن علاقتها بجواد و أخليه يهتم بيها أكتر من كدا!!!