ملح بطعم السكر 7

اول الامر دخل رياض وحده الي الطبيب وانتظرت ورد بالخارج الي ان ينتهي من اجراء اخذ الخزعة
بعد.نصف ساعة طلب دخولها ما ان دخلت رات رياض يتالم بشدة وينظر اليها بحنان ويقول”
ادعي لربنا يكرمنا اصل جوزك مبجاش جادر علي الالم ده تاني

اقتربت منه والقت راسها علي صدره وبكت بحرقة”
انا فعلا مفرقتش حاجة عن خديجة وجعتك زيها والمتك ليه تتحمل كل ده وانت عارف كويس ان الامل شبه معدود علشان ترضيني طيب انا ليه مرضاش زي ما انت راضي
انا حقيرة وندلة وانانية ومستحقش حبك وتضحيتك والمك

اخذ نفس عميق كي يبلع الامه وقال لها بحنان بالغ”
لو متوجعتش علشانك اتوجع لاجل مين، ثم وجعك مدام فيه سعادتك انا جبله وراضي بيه، ادعي انت بس ان ربنا يكرمنا من عنده ويكون فيه امل يعوضا صبرنا خير

اثناء حديثها دخل عليه دكتور وفيق ومعه زوجته الدكتورة دعاء التي ذهبت الي ورد واحتضنتها بقوة لا تعلم هل تواسيها ام تبارك لها ليقول الدكتور وفيق حاسمًا للامر ”
انت بينك وبين الله ايه علشان ينعم عليك بكل الرضي ده، حالتك شبه مستحيلة مع سنك ده غير طول فترة عقمك كنت واثق من استحالة وجود حيون منوى حي لكن انت معجزة الخزعة كان فيها حيوان منوي واحد ودي حالة نادرة جدا
وعلشان منخسرش الفرصة تم حقنه في بويضة زوجتك وخلال يومين هيتم عمل التلقيح الصناعي للرحم
انا في حياتي كطبيب عمري ما اجريت عملية بالسهولة واليسر ده ولا صادفت حالة زي حالتك اكيد انت راجل ليك بينك وبين ربك عمار كبير وهو انعم عليك بيها لصبرك وتقاك

ابتسم رياض بسعادة رغم المه واجابه قائلًا”
الي بين وبين ربنا الرضا بالمكتوب والصبر علي البلاء والدعاء اليه بالحمد والشكر علي ما اعطانا والبعد عن اليأس لانه كفر بنعمة ربنا علينا الم يقل في كتابه الكريم”
وَلَا تَيْئَسُوا مِن رَّوْحِ اللَّهِ إِنَّهُ لَا يَيْئَسُ مِن رَّوْحِ اللَّهِ إِلَّا الْقَوْمُ الْكَافِرُونَ

(إن عملية حقن الحيوانات المنوية “الحقن المجهري” هي عبارة عن علاج للعقم يتم كجزء من عملية أطفال الأنابيب، حيث يتم حقن حيوان منوي واحد مباشرة داخل البويضة. إن عملية الحقن المجهري تشكل فتحاً كبيرا في علاج العقم عند الرجال، وقد تكون فعاّلة حتى فى حالة وجود حيوان منوي واحد.) “حقيقة علمية”
لم تسع الفرحه قلب ورد ونست كل الامها ما ان اخبرها الطبيب ان بويضتها تخصبت الان من زوجها ظلت تحضن في رياض غير مصدقه ان حلمها اوشك ان يتحقق