ملح بطعم السكر 7
ضحك وهو يكمل ارتداء ثيابه وما ان انتهي امسكها من كتفها وضمها الي صدره بقوة وهتف ”
مجدرش اخرجك من دارك يا وردتي لانه بيتك انت وانا ضيف فيه ، انا هخدك وندلوا مصر لدكتور وفيج منتظرنا بكرة في عيادته علشان نعمل العملية وكله لجل خاطرك
رفعت ورد راسها عن صدره غير مصدقه ما سمعته وسالته بتوتر وارتباك بالغ”
قصدك انك موافق تخوض التجربة رغم انها ممكن تفشل وتتوجع تاني بسبب شعورك بالعجر،
هز راسه بالايجاب لتعيد وتكمل بلهفة وعجل”
بس ازاي والعلاج لازم تاخده اربعين يوم وكان في تجهيزات علشاني لزمته ايه النزول واحنا معملناش حاجة
تركها واخرج من احد الادراج اكثر من علبة برشام واعطهم لها وقال”
خدي يا جلبي انا خلصت امبارح اخر جرص وحجزت مع الدكتور علي بكرة باذن الله، ولما خرجت حجزت بالجطر اللي جايم علي مصر بعد.ساعة ها هتهمي تخلصي حالك ولا هنتاخر علي ميعادنا وناجله اربعين يوم تاني
هزت راسها بقوة واحتضنته مقبله اياه ”
انا بموت فيك يا رياض بس ليه وامتي معقول عملت كل ده علشان ترضيني ولا شوقك غلبك زيي
غامت عيناه واجابها ”
انا بعدك مليش امنية تاني في الحياة غير ولد.منيكي لكني مش شوجي كيفك، اللي خلاني رجعت وفكرت واتصلت بالدكتور اساله عن نسبة نجاحها اللي ضيئلة لكنها موجودة
كانت دموعك المكتومة والحزن اللي جتلك وجتل روحك من غير ما تحسي كل ده من وقت حمل حنان
حسيت بوجعك اللي وجعني وخلاني ارفض انانيتي فيك كي رفضتها زمان ايه تجربة اتصدم فيها مش احسن من الندم علي فرصة ضاعت وجتها جررت وكلمت الدكتور واتفجت معه علي كل حاجة منيها اني ابدا اخد الاجراص من ميعادك الشهري وجالي لما يمر الميعاد التاني بسبوع لازم اكون خلصت الاجراص والحمد لله مر سبوع علي تاني ميعاد ليكي وخلصت الاجراص وانا وانتِ مستعدين يلا بجي نهم بحالنا يا وردتي يمكن ربنا يعوضنا خير ويرضينا ولد يطفي شوجك
عانقته بقوة وبكت دون ان تشعر سعيدة بتضحية رياض وتقبله خوض تجربة هو واثق من فشلها لكن من اجلها سيفعلها حتي لا تشعر يوم بالندم لضيع فرصة كانت متاحه لهم
مر الوقت سريعًا بورد لا تعلم كيف غير انها الان بانتظار دخولها عند الدكتور وفيق الذي طلب منها قبل الكشف علي زوجها اخذ بويضة حية منها تكون جاهزة علي التخصيب
قامت الدكتورة دعاء باخذ البويضة منها وحفظها الي ان يقوم رياض بعمل الخزعة
