ملح بطعم السكر 7

تنهد بقوة ضاغطًا علي اعصاب فكه بنفس الوقت وقال”
لاه يا ورد مجدرش انا مش هعناد ربنا رايده تعيشي معايا وانا راجل عاجز وتجفلي علي الموضوع ده نهائي زين،ماريدش انتي حره لكن هتعصيني وكل يومين تتحدتي فيه هجولك لاه
وانتي الجانيه علي نفسك
لحد دلوج مشفتيش مني غير عشجي ومجربتيش غضبي لو فضلتي تفكريني بعجزي ،هتنالي مني اللي مش هيعجبك او يلد عليكي ، لما الراجل بيحس انه مش مالي عين مرته بيحرم عليها العيشه معاه حتي لو بيعشجها عشج الموت بالنسباله بيكون ارحم وانتي اختاري
وياريت تتعلمي من درس خديجه اللي خلعت نفسها من جلبي بافعالها انتي كمان بضغطك عليا وتذكيري باني راجل مش كامل بعينك هتخلعي نفسك من جلبي وبيدك

انا داخل اتسبح واصلي ركعتين لله، وادعي ربنا يهديكي عليا ومضيعيش الحلو اللي بيناتنا وتسمعي حديتي مره، وينصرني بيكي مش كل واحدة اتجوزها تكسر حديتي بكيفها وتستغل حبي ليها وحناني عليها

فتح دولابه واخرج طقم ملابس جديد والقي ما كان يرتديه وقال لها قبل ان يدخل المرحاض”
لما اخرج مش رايد حديت تاني في الموضوع ده اتجفل يا ورد، وانتي اللي هتحطي حد لحياتنا سوا بطاعتك لرغبتي

تركها تسقط في هوة افكارها وحنين شوقها لتتجرع مرارة رفضه، التي اصبحت نقطه فاصله في حياتهم سويا
•••••••••••••••••••••••••••••••••••••••••••••••••

قلب إنسان
البارت الرابع والثلاثون
••••••••••••••••••••••••••••••••••••••••••••••••••☆
الحمد يا الله لأن بابك.. لا يغلق ووجودك غير منقطع.. ورحمتك سقاء لكل ظمأ.

بعد صدمة ورد من رفض رياض التام لفكرة خوض رحلة العلاج من جديد بعد ان منحهم صديقتها بعض الامل، لكن ما لم تتوقعه رفضه وبشدة مثل ما فعل، بل وصل به الحال بان هددها من عدم الحديث في الموضوع الحمل والا سيكون لها معها شأن اخر سيوجعها كم ووجعها بان شبهه بخديجة وانانيتها فيه دون النظر لاحساسه الموجع بالعجز

كتمت حزنها داخل قلبها حتي لا يظن انها تضغط عليها وحاولت إن تعود الي النوم من جديد،لكنها افتقدت وجوده وحنانه ودفئ احضانها فقررت إن تنتظره عودة رياض من صلاة الليل والتي طال انتظاره له بدون سبب فخشيت ان يكون هجرها وبعد عنها لكي تعلم مقدر ضيقه منها
ارتدت ثيابها وخرجت تبحث عنه وتحاول ان تصالحه لو فعلا زعلان منها لتراه مازال راكعًا علي سجادة الصلاة ، ويدعو ربه برجاء، وتضرع يهز الوجدان مما جعل قلبها ينزف دموع قبل دموعها التي ذرفتها من مقلاتاها بغزارة علي وقع كلماته المؤلمة ذلك حين سمعته يقول بتتضرع وخشوع”
يارب اهديلي مرتي الانسانة الوحيدة اللي بتمنى اكمل حياتي معاها لحد ما تسترد امانتك يارب ما تجعل عجزي يفرجني عنيها ولا تغيب عن دنيتي اللي بتنورها بوجودها فيها، يارب
أن رضيت بجضاءك وسلمت امري ليك، وضحيت بيها لاجل تنال حجها من الامومة اللي بعجزي كنت هحرمها منيها،
ياما كان صعيب عليا جوي جووي اوهبها لخوي وتحمل في حشاها الولد اللي اتمنيته مني
،لكن رضيت بقدري، فاكملت انت رضاك عليا ورديتها ليا بعد صبر ووجع جلب ليالي طوال
ودلوج شوجها لضني مني بيهدد حياتي معاها ويوجع نفسي وكبريائى ويحط من جيمتي جدام حالي
يارب اهديها لحالها واجعلها ترضي بالمجسوم ، لتصبرني علي الجاي وياها لاني تعبت من عجزي اللي كاسر جلبها ومحطم امانيها،
يارب كي ما عوضتني بيها ردها عن عنادها واهدى نفسها وريحني برفجتها لانها راحتي وسكني وفرشتي ونعمتك عليا اللي بيها عوضتني كل ما اتمني حتي الضنا اللي كنت اتمناه منبها جبليها