ملح بطعم السكر 7

كان تعب رياض والامها سبب لعدم اكتمال سعادتها ، لكن بعد يومان تحسنت حالته واخذها حتي تتم اخر مرحله في العملية وهي حقن البويضة المخصبة داخل الرحم

بعد ان تمت العملية طلب منهم الطبيب الراحه التامه وعم المجهود لهم سويا هو بسبب جراحته حتي لا يلتهب جرحه وهي حتي يتاكد ثبوت الحمل وخوفًا عليها لعدم صغر سنها

بعد اسبوع عادوا الي الصعيد وكان قلق ورد وخوفها سبب لحالة شديدة من الاعياء جعلت رياض يندم علي اقدامه علي خوض هذه التجربة الي ان انهارت واغشي عليها ليعلم الجميع انها حامل واصبح الحلم حقيقه تتجسد في احشاءها
••••••••••••••••••••••••••••••••••••••••••••••••••☆
باك………….. عادت ورد من رحلة ذكرياتها علي صوت هداية الفرح التي كانت تحتضنها بقوة وتقول لها”
مبارك يا ورد الف مليون مبروك يا خيتي، انا الفرحة مش سيعاني يارب يكمل حملك علي خير المرادى

احتضنتها ورد بحب وفرحة” ربنا يباركلي فيكي يا هداية انا لحد دلوقتي مش مصدقة اني حامل حسا اني بحلم

وضعت هداية يدها علي بطنها وقالت حماس”
ولد الكبير اهني جواتك ان شاء الله ربنا يتمملك علي خير
انا خابرة خوفك وشوجك لاني عشتها ولولا اللي عملتيه معايا
ما كنت حملت في دنيا والحمد لله محدش اكتشف اللي حوصل وجت ولادتي لاحمد ومحمود علشان يدفن الموضوع كله، المهم دلوج نسمع حديت الدكتورة مفيش حركة لحد ما تجومي بالسلامة وانا كل يوم هكون عنيدكي اخدمك بعيوني

ربتت ورد علي كتفها بحب”
تسلميلي يا حبي ربنا ما يحرمني منك بس الدار فيها كتير شلبيه وبنتها وياسمينا وماما وعمتي وحنان يعني متشليش همي ده غير رياض اللي الفرحة مش سيعاه

ضحكت هداية بمزاح”
بتجولي فيها البلد كلتها بتجول اكده، بعد ما دبح بنفسه دبيحة تحت رجل الدكتورة، فرحان بحبلك كانه مخلفش جبل كده وغير انه جايله حفيد بالطريج

تنهدت ورد بقوة واجابتها بثقه”
لان ولدى منه هو مناه ومنايا يا هداية حلمي وحلمه اللي اتحقق بعد سنين من الالم والفراق والوجع ، لان ابني ابن عشقه اللي ما عشق قبله فهمتي

تنهدت بسخرية وقالت بتهكم”
اباه علي حبكم اباه عليه انا مجربتش الحب والعشج ده غير بعد ما اتجوزت علي ليكي حج ولد العاشج غالي جوي
بجولك ايه انا ههملك دلوج واجي عشيا عما عديلة جالت ان الكبير طلب منيها تعمل ليلة لأهل الله وهيبجي فيها ذكر ومدح للصبح يعني هفضل معاكي طول الليل هروح اظبط حالي واعاود انا والولاد وعلي سلام