ياقوت الهجان
زهرة الربيع
معاه بنت على السرير وبيضحكو سوا ودخلت واحده تانيه وقفلت الباب وهيه مرعوبه قال بزهول..انتي مين يا بت انتي ودخلتي هنا كيف
قالت بخوف..اششش وطي صوتك..لاحسن يسمعونا
البنت الي جمبو على السرير لطمت وشدت الملايه عليها وقالت..يا مري يا فضيحتي..فضيحتييي
وقف وبقى يلبس جلبيتو وقال بغضب بس با مره…اكتمي..وبص للبنت التانيه وقال بزعيق … هما مين الي يسمعونا..انا بكلمك ازاي تدخلي علينا كده
البنت بصتلو بخنقه وقالت …يعني انا دخلت عليك القصر يا خوي دي حتت زريبه معفنه لولاش انك معفن زيها متقعدش فيها
اتقدم عليها بغضب وقال…انتي بتقولي على مين معفن يا بت الرفضي انتي
البنت بصتلو بضيق وقالت…هو فيه حد غيرك هنا..لو كان قصدي عليها كان قولت معفنه..انما انا اتكلمت بصيغه المذكر…وبعدين انت زعلان من الكلمه ليه…اكمنها جات في محلها يعني
بقلم …زهرة الربيع
مسكها من دراعها بغضب وقال…لمي لسانك يا بت وغوري من هنا..معايزش اتبلي بيكي على المسا
البنت نفضت يده و قالت بخنقه …انا همشي..مش قاتله نفسي علشان افضل في الواسخه دي… وكملت بسخريه وقالت..نسيبكم تكملو…تكملو نوم..بس استناني ٥ دقايق…خليهم يكونو غارو
قال باستغراب…هما مين دول الي يكونو غارو
البنت قالت …عيسى ورجالتو…بيدورو عليا
قال بتفكير..عيسى..عيسى مين …قصدك عيسى النميري..وعيسى بيدور عليكي ليه..ده انهارده فرحو و
بس سكت وبصلها بزهول وهيه قالت بضحك..ايوه..ايوه اني..اني العروسه…هملت الفرح وطفشت
قال بزهول طفشتي ازاي يا بت العيانه ..انتي مجنونه ارجعي فرحك ازاي تعملي في اهلك كده .. زمانها الناس كلت وشهم
قالت بفرحه..يارب يا خويا ياكلو وشهم… الاهي وانت جاهي عيسى ابن مكارم ياكلو وشو وقفاه كمان…وجوز امي…جوز امي ده ياكلو…ياكلوه كلو ده ويربحوني
بقلم..زهرة الربيع
ضحك وبصلها وقال..انتي بت مين يا بلوه انتي
بس قبل ما ترد سبقتها البنت الي معاه في السرير وقالت بدموع …انت بتتساير معاها..ناولني خلقاتي خليني اروح..قبل ما حد يحس بيا
البنت بصت لها بقرف وقالت..هو انتي تبع مين ..اممم..عرفتك انتي صباح الخياطه…متقلقيش يا اختي سرك في بير ..الا اذا روحتي وقولتي على مكاني ساعتها بقى البير هيقلب نافوره على طول وذمبك على جمبك
