ملح بطعم السكر 2

تدفع نفسها من حضن ذلك الغريب وتنظر الي رياض برعب
وجسدها يرتجف بشده،وهو يقترب ويقترب ويطلق نظراته اليها التي كانت كأنها سهام من نار
لتشعر بان الارض تهتز من تحتها وتفقد السيطرة علي جسدها المرتجف وتقول بصوت وهن مهزوز”
رياض انا………
لتميد بها الارض وتنهار مغشيآ عليها،لم تتحمل اعصابها نظراته وخوفها من ما ستتلقاه منه جعلها تستسلم الي غياهب الظلام
______________
صدم جاد من انهيارها ولم يستطيع ان يلحقها قبل ان تقع لينحني عليها يحملها ،وقبل ان ينزل يده تحتها ليسمع صوت رياض يصيح بغضب قائلا ”
بعد عنها يا جاد هملها

استغرب جاد امر اخيه ورفضه حمله لها ، فالقي بامره جانب وصمم علي حملها لينهره رياض وهو يجثو بجوارها ويستر جسدها ويلتقطها ويحملها قائلا بحدة ”
هو انا مش جولتلك هملها ، من ميتي بتكسر حديتي يا جاد!!

ثار جاد معنفا اخية واجابة بنفس الحدة ”
البنت اغمي عليها، عايزني اقف اتفرج عليها ولا اية انا مش فاهمك،ثم مين ادالك الحق تبقي وصي عليها زي ما هي بنت عمك هي بنت عمي انا كمان مش عيب اني احملها ولا هو تحكم وخلاص، اسف يارياض غضبك مش مفهوم وملهوش لزمه!!

ضغط رياض علي اسنانه بغيظ وغضب وتركه ودخل الي غرفته ليلحقه جاد قائلا بعصبية”
انا بكلمك يا رياض ترد عليا ثم انت بتدخلها اوضتك لية
انت….
تقاطعه امه معنفآ بسبب حدة جاد علي اخية لتقول”
اخرص يا جاد، خوك له حج في اللي عمله ومكنش يصح تاخدها بحضنك لما كانت هتجع لكن خلاص اللي حوصل حوصل، واخر مره اسمع صوتك يعلي علي خوك

تعجب جاد من دفاع امه عن رياض اردف بتهكم”
مفيش فايدة كل اللي بيقوله وبيعمله رياض صح، يا ماما رياض اللي بيعمله ده غلط مش كل فرد في العيله بيفرض عليه الحماية كانه ملكية خاصه له، ومينفعش يدخل ورد اوضته ، هي ملهاش اوضه خاصه بيها ولا اية؟!!

لبنظر الي خالته حفيظة بحيرة قائلا”
انتي موافقه علي اللي عمله رياض ده يا عمتي ؟

ابتسمت حفيظة لتقول بهدوء”
حجه يا ولدى، ورد مرته ومحدش له حج عليها غيره

حدق جاد في خالته بشدة ونقل بصره الي امه وسالها”
هو رياض اتجوزها ، وامتي وليه؟ لما اتصل بيا من اسبوع وبلغني انزل لانك زعلانه مني مقاليش انه اتجوز!!

تنهدت عديلة بنفاذ صبر وقلة حيلة”
اتجوز من ٣ شهور ومريدش حد يعرف، مفيش حد خابر بجوازه غير دار عمك الشيخ ياسين واحنا