ملح بطعم السكر 2

تتوتر ورد شاعرة بالخنقة كيف تبعد.عن رياض مصدر الامان
نبراسها في طريقة الطويل ودليلها الذي تسترشد به
، هل تستحق شهادتها وامنية ابيها ان تضحي بما تشعر به نحوه ومستقبلها الذي تريد ان تحياه معه؟؟؟
هل تتخلي عن امالها في ان تكون زوجته ؟؟؟
هل تعود الي مصر وتبعد عن حياتها التي احبتها من اجله؟؟
يصرخ قلبها رافضا ، ويصمت علقها المشتت من البعد عنه
لتنهار جالسة علي احد الارئك وتنهار عبراتها بلا توقف وتقول بصوت باكي حزين”
انت بتخيرني بين خيارين كل واحد اصعب من التاني، حياتي معاكي وحلمي وحلم بابا اللي عايشة علشان احققه
مستقبلي في اني اكمل مسيرتي وياكم، او اني اسير في المستقبل اللي رسمه ليا بابا واصبح طموحي
حرام عليك يارياض انا محتجالك اكتر من الاول ليه مصر تتخلي عني وتحطني في مواجهه صعبه مع عقلي وقلبي

جلس رياض بجوارها ومسد علي طرحتها بحنان وجذبها لتريح راسها علي صدره ”
غصب عني يا ورد ، لو ينفع مرة ولا مرتين بالسبوع انا موافج

ترتسم الابتسامة علي محياة بسخرية”
ياريت ينفع علي الاقل ٥ ايام بالاسبوع عدم حضوري لشهر كامل من الترم الاول ضيع نسبتي في الغياب
يزيد انتحابها ويحتار رياض في امرها لحسمها قائلا”
يبجي مفيش حل غير انك تنزلي مصر وتكملي علامك، وعاود في الاجازة ، انا مجدرش اتحمل خسارتك لحلمك

تهز راسها بالرفض وتدفع وجهها في جوف صدره بقوة لتقول حاسمة امرها”
انا هاجل دراستي سنه او اتنين لحد ما تجدر تطمن لحد يوديني ويجيبني او يكون عبد الرحمن كبر وساعته هتكون مطمن وانا معاه هو ده الحل الوحيد اللي اقدر عليه

ليتدخل جاد في الحديث قائلا”
مفيش داعي يا ورد تاجلي دراستك وانت متفوقة بالشكل ده، بعد اذنك يا رياض انا اجازتي ٣ شهور هقضيهم معاكم، وممكن اقوم انا بالدور ده لحد ما تعين ليه حد بتثق فيه يكمل معاه ايام امتحاناتها ،ده اقتراحي لو يرضكم

ينهض رياض ويحتضن اخيه بقوة ويمسد علي ضهره بحب”
طبعا موافج مفيش حد اجدر اامن عليه ورد زيك يا ولد ابوي
خلاص يا دكتورة ورد كملي علامك اهني بالصعيد
جاد حلها وانا مرتاح لجراره وكمان لراحتك يا بت عمي

تهللت اسارير ورد ونهضت لتحتضن رياض الذي وضع يده امامها ليمنعها من احتضانه قائلا بغضب”
استحي يا ورد، منضراش خوي واجف
يلا همي هاتيلي كوباية حليب دافي كي ما بحبها،وجولي لشلبية تحضر الفطور علي ما اغير خلجاتي