ملح بطعم السكر 2

تملكت الدهشة من جاد وتعجب موقف اخيه ليقول بضيق”
طيب ليه مش عايز حد يعرف علشان صغيره عليه!
نهرت امه بغضب وعصبية”
واه بتجول ايه يا جاد ، من ميتي البت بتغلي علي راجل مهما كانت صغيرة، بس خوك هو اللي رايد بيعلمها اصولنا لول

يتأفف جاد بعصبية شاعرا بالخنقة لان ورد زوجة أخيه الكبير وكبيرهم ليقول بضيق واضح”
امره غريب بس محدش ليه بيتكلم او يعقب علي افعاله،
الف مبروك له والحمد لله انه اتخلص من سيطرة شبح خديجة عليه وهيعيش حياته

اشارت امه له بعصبية ليصمت والا يخوض في سيرة خديجة لتحذرة قائلة”
اكتم خالص متجيبش سيرة خديجة،مين جال ان خوك نسيها او اتخلص من سلطانها عليه،
هو اتجوز ورد في ظروف اكده ، ولما تروج هبجي احكيلك عنيها اطلع انت ارتاح هبابه علي ما نجهز الوكل ونشوف جري اية لورد همي يا حفيظة روحي اندري بتك، وانا هعملها حاجه دافية واحصلك

يمتعض جاد من كل ما حدث ويحمل حقيبته ويطلع قائلا”
انا هرتاح شوية ولما تطمنو عليها ابقو طمنوني ولما يخرج رياض انا هتعذر منه رغم اني واثق بانه هيعاقبني
ويصعد الي غرفته التي دخلها والقي نفسه علي الفراش ، وحدث نفسه بحزن قائلا”
بقي ورده زي دى تندفن في التراب مع راجل اكبر منها بعمرها تقريبا وكل ده بسبب العادات والتقاليد والله حرام
ليغمض عيناه مستسلملا ، ليسرح في ملامح وجهها الرقيقه وعيناها الواسعتان العسليتان التي سحرته وشغلت باله واثارة حواسه
_____________
تستفيق ورد شاعرة بخمول شديد وجسد مُهلك، لتنظر فيما حولها لتري امها بجوارها وبيدها قطعه من القماش تتهيأ لتضعها علي رأسها لتسألها ورد”
ماما هو في ايه هو انا محمومه ولا اية؟

ابتسمت حفيظة في وجهها والقت ما بيدها لتحتضنها بقوة”
حمدلله بالسلامه يا جلب اماتيك ، ٣ ايام وانتي محمومه كل كام ساعه تفتحي عينيك تنادي علي رياض وتعاودي تاني للنوم
انا هجول لرياض انك فوجتي ،هيفرح جوي ،اصله كان جلجان عليكي جوي وطول الليل بيسهر جارك يعملك هو الكمادات

تخرج حفيظة ليدلف رياض وعلي وجهه ارتسمت ابتسامه حنونه ، واختفت فجاءة كما ظهرت دنا منها ووضعه يده علي جبينها يتحسسها ويقول بضجر”
زين الحمد لله الحمه راحت، خلعتي جلب الكل عليكي يا ورد

نظرت اليه ورد باشتياق وهمت بالاعتدال ليعيدها مكانها قائلا بنفاذ صبر وضيق ”
راحه فين ارتاحي، اماتيك هتجبلك الوكل وانتي مطرحك