ملح بطعم السكر 2
ملس علي خدها ووقبل رأسها ”
لاه يا ورد مفيش عجاب ولا حاجه، بس انا رايح حلجة ذكر مع عمي الشيخ ياسين ولو كلت كتير بتعب واسالي اماي انا جايل ليها اني هاكل خفيف من جبل ما تطلعي
مش صغير انا علشان اتعامل معاكي كي الاطفال، اجعدى معاهم وفرقشي ومتحمليش علي حالك لو تعبتي ادخلي ارتاحي لحد ما اعاود
لتساله برجاء”
هتتاخر ؟
يهز راسه نافيا واجاب”
والله معرفش يا ورد لكن مينفعش اعاود جبل عمي يلا ههملك انا دلوج لاجل متاخرش عليه
لينظر الي اخية المراقب لهم ليساله”
هتجي معايا يا جاد ولا ملكش كيف؟
يؤمي بالرفض”
لاء مليش خلق للحاجات دي سلملي علي عمي
يجيبه رياض بضيق”
وماله حاضر هوصل سلامك
، يدخل غرفته وتلحقه ورد وتحرص علي ان تجهز له ثيابه وتعطيهم له ليرتديهم ،وتتاكد من هندامه وتتتمني له السلامه
يغادر رياض وتخرج وراءه ورد لتجالسهم، علي استحياء من وجود جاد الذي قام باحتضانها في اول لقاء بينهم
يجلس جاد بجوارها ليساله ”
مالك يا ورد حاسس انك مش مرتاحه لوجودى، وده سبب انك مش عايزة تقعدى معانا!
رسمت ابتسامه ودودة علي شفتاها واجابته بخجل”
لاء ابدا ده بيتك انا بس مش متعودة علي وجودك ومستغربه لكنتك انك بتتكلم زينا في القاهرة
يضحك جاد بتلقائية ويجيب عليها”
انا بتكلم صعيدى عادى، بس لاني في امريكا مش بتكلم غير انجليزى لساني اتعود وبقيت اتكلم زيكم علشان اظبط مفردات الكلمات في الترجمه فهمتي
تؤمي بالفهم تساله علي استحياء ”
ممكن اسالك سؤال ثقيل شوية بس انا عندى فضول اعرف
يحثها علي ان تساله بدون تكلفه لتقول له”
انا عرفت من سناء وصورة العيلة ان كان ليك اخ تؤام ، اسمه “علي” ممكن اعرف مات ازاي وليه سافرت بره؟
ارجع ضهره للخلف واخذ نفسا عميقا يعبر عن حزنه اجابها”
فعلا “علي” اخويا التؤام ، كان في الكلية الحربية، وانا كنت في اقتصاد وعلوم سياسية اتخرجت قبل منه بشهر ،واترشحت لبعثه لاخذ الماجستير والدكتوراة لتفوقي
رفضت لاني مقدرش ابعد عن تؤامى ، وقبل ما ابلغهم رفضي جالنا خبر وفاة “علي” في مناورة للذخيرة الحية وكانت قبل تخرجه باسبوع ، جالي اكتئاب وكانت فكرة السفر الحل الامثل علشان اقدر ارجع لنفسي
سافرت واتفوقت وتفوقي لفت نظر الدكاترة اللي بيشرفوا علي رسالتي ،وطلبو يستفادوا من علمي للطلبه واستلمت عمل في نفس الكلية اللي بعمل فيها رسالتي،وحاليا انا استاذ دكتور جاد وجدى الاسناوى بجدارة ومع مرتبة الشرف
