ملح بطعم السكر 2

خجلت ورد من تهورها ونظرت الي جاد بحياء وهتفت بصوت خجول ”
اسفة يا رياض وشكرا يا جاد بجد انت اجدع جاد في الدنيا
ثواني هروح الحق أحلب الجاموسة واجيبلك كوباية دافية

جذبها رياض من ساعدها حتي كادت ان تقع لينهرها قائلا”
انا جولتك مفيش حلب تاني ليه بتعصيني يا ورد،ومش بتنفذي حديتي ليه رايده تغضبيني وتزعليني منيكي

تبتسم علي استحياء وتجذب ذراعها منه الذي ادماه بقوة جذبه لها، تدلكه لتخفف من المه وتقول له بصوت هادى عذب خافت لا يسمعه غيره”
انا مش عصيتك، انا بحبك وبعشقك يا رياض وفاكرة كلمتك في،اول يوم خليتني احلب الجاموسة لما قولتلي ،انك عايز تشربها من يدى، لو جبت خدامين بعدد شعر راسي، محدش هيمنعي احلب ليك كوباية الحليب كل يوم ، وده وعد عليا بقطعه ليك يارياض طول ما انا مراتك محدش هيهتم بكل شئ يخصك غيري ، هي عندك مانع يا زوجي الحبيب

غامت عيناه بقوة ناظرآ اليها بطريقة غامض لم تستطيع تفسيرها، يبعد عنها ويقول بهدوء مربك”
همي هاتي كوباية الحليب يا ورد، وبطلي حديت كتير

ابتسمت براحة وفي عيونها عشق جعل رياض يرتبك من نظراتها الهائمة له ليبعد نظره بعيدا عنه ويقول لجاد”
تعالي يا جاد نجراء ورد من القران لحد ما يجهزو الفطار

يربت جاد علي كتفه بموده”
ماشي يا كبير اللي تقوله بس عايز اقولك انك مكار وداهية بجد عرفت تدبسني ، عارف اني احرجتك قدامها، لانك كنت تقدر تخلي سويلم يوديها او حد من رجالتك،بس حسيت انك عايزها تنزل مصر او متدخلش طب مش فاهمك ليه،بس يارب مكنش عملت حاجة ضايقتك لما اقترحت اوديها

تنهد رياض بقوة واحتضنه بمودة واخاء”
ولية متجولش اني جصدت انك توديها ، لانك خابر اهمية حضورها،غيرك هيعتب عليا انى سايبها تنزل البندر كل يوم
يعني متجلجش اجتراحك ريحني كتير يا ولد ابوي
***************
استعادت ورد نشاطها وحيويتها بعد اقتراح جاد،الذي تكفل بايصالها كل يوم الي كليتها، لتستعيد ثقتها في نفسها وتحقق حلمها وحلم ابيها الراحل
في المساء والكل مجتمعين وطرح جاد اقتراحه الذي رحبت به حفيظة وتحفظت عليها عديلة لكنها وافقت ممتعضة بعد موافقة ابنها الكبير وزوجها علي اقتراح اخية
لتقول لجاد بلهجة حازمة”
وانت يا ولدى هتفضل كده من غير جوز ، جربت علي الثلاثين واللي في سنك معاهم بدل الولد اتنين وثلاثة
ايه يا جاد مش ناوي تفرحني بيك كي اخوك، ده رياض اللي جولت مش هيتجوز بعد خديجة اتجوز وانت لاه