ملح بطعم السكر 2

يشير عليها ان تغلق الباب المؤدي علي وسط الدار اول الامر
ترتاب في طلبه وتغلق الباب وتجلس امامه
تنظر اليه امه واخيه وحفيظة باستغراب ويسالوه”
في اية يارياض وليه جفلت الباب ولسته شلبية وباتعه مخلصوش شغلهم

يجلس رياض امامهم ويقول بجدية”
علشان رايد اللي جوله محدش منيهم يسمعوه، والحديث ليكي يا ورد،
انت من اليوم تنامي في مع امايتك، مش رايد حد يجول فيكي الشينه، انا واثج ان مفيش حد منهم يجدر يخرج سر داري لكن النفس امارة بالسوء ومتعرفيش يجي في باله ايه عنيكي، لما يشفوكي كل يوم خارجة من اوضتي

تعجبت ورد من حديثه وسالته بحيرة”
واية يعني لما اخرج او ادخل اوضتك انا مراتك وده حقي

ياخد رياض نفس عميق واجابها قائلا بضيق”
انت صوح مرتي لكن محدش خابر غير دار عمي واحنا، الجواز اشهار يا ورد وللاسف جوازي منيكي مكنش فيه اشهار
لما كنت مريضة مكنش حد واخد باله منيكي، لكن دلوج انت جومتي بالسلامة وبجو يعرفوكي زين، ودخولك اوضتي وهما ما يعرفوش انك مرتي فيه غلط كبير بحجك
تندفع ورد بتهور قائلة بغضب”
يعني ايه ميعرفوش اني مراتك، انت قلت انك عملت ليا ليلة كبيرة ،واني وافقت رغم اني مش فاكرة ، كل ده كان كذب

ابتسم رياض ونظر الي اخيه الذي احتار في امرهم وسأله”
فعلا يا رياض ازاي اتجوزت ورد لما هي نفسها مش فاكرة وسيبك من حكاية انها لسه هتتعلم تكون مرات الكبير، انا كمان عايز اعرف ليه مداري جوزك من ورد، وهي تشرف اي راجل تكون من نصيبه

نهض رياض ومشي ذهابا وابابا ووقف امامه قائلا”
هجواك ياجاد وانت يا ورد، انا عمري ما كنت هفكر اتجوز علي خديجة، لكن ظروفك انت ارغمتني،معزتي لعمي منصور وغلاوته في جلبي،خلتني اجبل بيكي مرتي وانت عاصية ومتمردة،وانا فاكرة زين يوم كنت عندكم وطردك لي،حسيتك جويه ومفيش راجل هيجدر عليك غير بالعنف،ولو حصل وجوزتك لوحد من ولاد عمك ،هتطلجي تاني يوم وتبجي فضيحة لبوكي ولليكي ، اتجوزتك لاجل اعدل من سلوكك مش علشان تبجي مرتي، ولما اتجوزت بجيتي جدري اللي لازم ارضي بيه، جولت اعلمك كيف تكوني زي بناتنا وتجدري مجامي وساعتها هجيم ليكي فرح يشهد بيه الجاصي والداني
وافتخر بيكي جدام الكل بجوازي منيكي،
يا بت عمي انا بتشرف بيكي، واي راجل دلوج يشرف بانك تكوني مرته ، ولاجل اكده لازم اعلي مجامك جدام الكل واشهر زواجي منيكي فهمتي ليه محدش خابر انك مرتي