رواية الثلاثة يحبونها ج2
قالت بإبتسامة :
صباح النور.
تنهد يحيي قائلا:
يرضيكى برده فى صباحيتى مصحاش ألاقى عروستى جنبى قاعدة تبصلى وتتأمل ملامحى وأنا أبتسملها وأكسفها وبعدين أبوسها وأبوسها وأبوسها..وهنا تسكت شهرزاد عن الكلام المباح..
تعالت ضحكات رحمة ليبتسم يحيي وهي تلتفت تواجهه بعينيها الرائعتين الضاحكتين قائلة:
ده كلام روايات يايحيي..إنت بقيت بتقرا روايات؟؟؟
تأمل ملامحها الجميلة وهو يقول:
إنتى ناسية عشقك للروايات يارحمة؟..من بعد ماسيبتينى بقيت أدور عليكى فيهم..أشوفك وأشوف نفسى فى أبطالهم..وأفرح بالنهاية السعيدة لحكاياتهم..للاسف دى كانت الحاجة الوحيدة اللى بتصبرنى على بعدك..
تأملته بعشق وهي ترفع يدها تمررها على وجنته ليذوب من لمستها وهي تقول:
لما إنت بتحبنى أوى كدة يا يحيي..ليه إتخليت عنى..ليه ضيعت من عمرنا كل السنين دى؟
مال يقبل يدها وهو يغمض عينيه يخفى ألمه من فعلته التى أثرت بمحبوبته بهذا الشكل ليفتحهما مجددا وهو ينظر إلى عمق عينيها قائلا:
غلطة كبيرة هفضل عمرى كله أندم عليها..و أعوضك عنها..بس لازم تعرفى انه كان غصب عنى..المشهد اللى شوفته وحبكته تخدع أي إنسان وخصوصا لو إنسان بيحب وبيغير على حبيبته.. الغيرة شئ بشع يارحمة..بتخليكى عامية ومش شايفة أدامك..وأنا ساعتها مشفتش غير جرحى من الغدر..كان لازم أكون متأكد من مشاعرك أيوة..بس عذرى إن إحنا كنا لسة معترفين لبعض بالمشاعر دى..ومكنتش ساعتها متأكد من حاجة غير مشاعرى من ناحيتك وبس.
إقتربت منه حتى لفحته أنفاسها وهي تقول:
ودلوقت؟؟
تأملها بشوق ..بعشق ملك عليه كيانه ..ليهمس أمام شفتيها قائلا:
دلوقتى أنا متأكد إن يحيي بيعشق رحمة ورحمة بتعشق يحيي..وإن لقاهم نصيب وعشقهم قدر وفراقهم …
إبتسمت وهي تقاطعه قائلة بهمس:
مستحيل..فراقهم مستحيل يايحيي.
غامت عينا يحيي وهو يقول بعشق:
قلب يحيي وعمره كله.
ليميل ويقبلها قبلة ناعمة رقيقة وكأنه يتذوقها..يرشف من شهدها.. يذيبها بقبلته تلك..لترفع يدها إلى عنقه تتخلل شعره بأصابعها تضمه لها مبادلة إياه قبلته الرائعة ليتعمق بقبلته وقد انتفض قلبه من لمساتها ليتركها فقط كي يتنفسا وهو يضع جبهته على جبهتها..مغمض العينين يقول بهمس:
بعشقك يارحمة .
ثم وفى ثوان كان يحملها بين يديه يدلف بها إلى الحجرة ليكمل لها تلك المعزوفة والتى يعزف فيها بلمساته وقبلاته على أوتار مشاعرها ..تلك المعزوفة الرائعة التى لها بداية ولكنها بالتأكيد…….بلا نهاية.
