ملح بطعم السكر 6

ضحكت الطبيبة وتنهدت قائلة”
ان شاء الله خير

خرج رياض متعصب وجلس واضع راسه بين راحة يده، فجاءة دنت منه ياسمينا ورفعت راسه وقالت باسمة”
مالك يا بابا إيه مضايقك،هي ورد زعلتك

ضحك رياض وضمها لصدره بقوة”
ورد الحاجة الحلوة اللى في حياتي كي تزعلني، انا بس جلجان عليها جوي، جوليلي إيه مصحيكي دلوج

مطت شفتاها بعدم معرفة وقالت وهي تلقي نفسها بحضنه”
كنت عايزة اشرب وملقتش تيتة حفيظه في الاوضة

نهض وهو يحملها وقال لها ببشاشة”
بوكي حبيبك هيجبك الميه

قبلت ياسمينا خده بشقاوة واحتضنت رقبته بيداها الصغيرتان وقالت بمرح”
لاء مش عايزة انا خلاص شربت ، بس عايزاك تاخدني معاك

انزلها رياض وجلس مرة اخري ”
اخدك ويايا فين يا جلب بوكي، انا بنزل الغيط وبعديها بروح الشركة وبعاود بعدها الي المجلس العرفي ، اجولك هجول لعمك علي ياخدك وياه وهو نازل للمزارعين الصبح

هزت راسها برفض ودبت بارجلها بعنف بالارض”
لاء انا عايزة اجي معاك انت ، عمو علي بيحب يلعب مع ياسين وعلي وانا لاء

ضحك رياض وهو يعانقها ليجمح جماح غضبها وقال”
عمك علي بيحبك كي خواتك واكتر بس انت اللي مش بتحبيه يحضنك

هزت راسها رقوة وقالت بمشاكسه”
اه مش بحبه يحضني لانه بيفضل يبوس فيا ويقولي اني جميلة ونفسه في بنت زي وانا مش بحب حد يبوسني

زدات ضحكت رياض اتساعًا وقال”
حرة يا ياسمينا كي امك

وقبل ان يكمل حديثه خرجت امه تزغرد ومن وراءه الطبيبه التي قالت”
الحمد لله ورد فاقت وبنسبة كبير احب ابشرك ورد حامل بس محتاجة شوية تحليل واشاعة سونار علشان نتاكد ونطمن
والأهم الفيتامينات اللي كتبتها تمشي عليها

وقف رياض ساكت كالمصدوم دنت منه امه وعنانقته بقوة ”
مبروك يا ولدى الحمد لله دعوتي استجابت وربنا رضاك

ابتسم رياض وعينه ترقرقت بالدموع”
اباه يا اماي ده حلمي عمري اللي بتمناه، مبارك عليكم وعلي
انا هدخل اطمن علي ورد
خليكي اهني مع جدتك يا ياسمين ولاجل الفرحة الكبيرة دي هاخدك معايا كي ما تريدي

تركهم ودخل الي ورد النائمة بخمول ، ما ان اقترب منها ضمها لصدره بقوة وتنهد”
ياما كان نفسي يكون اول طفل في حشاكي مني، لكنه امر الله ، يارب دلوج تكون سعيدة وفرحانة

ضحكت ورد واحتضانته بقوة وقالت”
فرحانة علشانك وانت عارف ان الحمل ده يهمك ويهمني يا رياض وان شاء الله مرة ولا مرتين كمان واوعدك بعدها مش هفكر بالحمل تاني اتفقنا