يونس 2
-ست الكل منورة أوضتي!!..تعالي يا صفوة قلبي
-إبتسمت صفوة وقالت:إزيك يا عدي!!
-ضحك عدي وقال بـ مزاح:أنتي أول مرة تشوفيني ولا إيه!!
تقدمت منه وجلست بـ جانبه..ولا زالت تبتسم ثم قالت
-أنا فعلًا حاسة أني أول مرة أشوفك من سنتين
-أمسك عدي يدها بـ حنو وقال:عاوزك تنسي السنتين دول يا ماما..يونس هيرجع بس لما يرجع الحق لأصحابه…
-ربتت على وجنته ثم قالت بـ دعاء:ربنا يرجعهولي بالسلامة ويخليكوا ليا..
-ويخليكي لينا يا ست الكل
ثم مال على يدها يُقبلها لتبتسم بـ رضا وهى تربت على خُصلاته السوداء..إرتفع بـ رأسه وسألته بـ جدية
-ها قولي بقى مالك!!
-عقد ما بين حاجبيه وقال:مش فاهم..أنا كويس
-إبتسمت مرة أخرى وقالت:عيب تكون شحط كدا وتكدب عليا
ضحك عدي وهو ينظر إلى والدته..ثم قال بـ هدوء
-أولًا أنا مبكدبش..ثانيًا أنا فعلًا كويس ومفيش حاجة
-أنا أمك يا عدي ومهما كبرت هفضل فهماك
صمتت قليلًا..وعدي يُحدق بها بـ جمود..عادت لتُكمل حديثها قائلة
-واللي فيك دا حب..وحي من طرف واحد
إتسعت حدقتي عدي بـ قوة..ليقول بـ تلعثم
-آآ..أنا..مبحبش..آآ..حد
قهقهت صفوة بـ قوة..ثم ربتت على يده وقالت بـ هدوء
-أمشي ورا قلبك..وقول اللي جواك..الحياه مش هتعيشها مرتين..وبدل الوجع والهم دا روح قولها
-تنهد عدي وقال بـ خفوت:ولو رفضتني!!
-تبقى ع الأقل حاولت عشان متندمش لما تروح منك..الحاجة اللي بتحبها عافر عشان توصلها..
صمتت ثم قالت
-“وما نيل المطالب بالتنمي ولكن تُؤخذ الدنيا غِلابا”..الحاجة مش هتجيلك لحد عندك..لأ لازم تتعب عشان تحس بـ حلاوتها…
نهضت صفوة ثم قالت بـ نبرة ضاحكة
-أما أروح أعمل الأكل لسيادة العقيد زمانه جي
وتحركت في إتجاه باب الغُرفة..وقبل أن تدلف إلى الخارج هتف عدي
-ماما!!
إلتفتت إليه صفوة فـ إبتسم عدي وقال
-شكرًا يا حاجة صفوة..عقبال لما تفرحي بيا
-فرحتك هتكمل بـ وجود أخوك معاك…
ثم خرجت وتركت عدي..وبداخله شُعلة أمل وحماس قد إشتعلت..جعلته يأخذ مفاتيحه وهاتفه..ثم دلف إلى الخارج عازمًا على الذهاب إليها…
*******************************************
طفى على سطح الماء..وأخذ يدور بـ رأسه بحثًا عنها..ليجدها تشق الماء وتخرج من أسفله مُخرجه شهيق قوي من فاها..إتجه يونس إليها وأمسك يدها ثم سحبها قائلًا بـ جدية
