ملح بطعم السكر ج5

يحضن وجهها الباكي بين يداه ويقول بهلع”
لاء خروج من الصعيد ليكي لاء، يا ورد انا مش رافض اخدك معايا ، انا خايف عليكي وعلي ولادنا لو سافرت بيكي هكون تحت مقصلتهم وهسلم رقبتي ورقبتك ليهم، انا قولتلك قبل كده انت السبب اللي لسه ربطني ببلدى ، لانهم مش هقدرو بحرموني من زوجتي واولادى زي ما حرموني من اهلي
وجودك معايا هيخلص كل حاجه واببي سلمت نفسي ليه علي طبق من ذهب، لو فهمتي كلامي في انك اماني والشئ اللي بيربطني بجدري مكنتش طلبتي تجي معايا
او تخرجي بره الصعيد انا بامان عليكي مع رياض رغم حبك ليه بس ارحم من اني انزلك مصر ويخطفوكم او يقتلوكم ليكسروني وانتو هنا بالصعيد بين الاهل والعزوه صعب يوصلو ليكم لكن براها وبدون حماية يبقي بضيعكم بايدى
اسف يا ورد معنديش،خيار غير اتك تفضلي هنا تحت رعاية رياض وحمايته ليكي ولا ولادىد

تنتخب ورد بقوة وتصرخ بحسرة وقلة حيلة وتقول”
قولي اعمل ايه انا مش عايزة اخسرك ووهعمل اي حاجه علشان ارضيك واقف جمبي المهم مكونش السبب في اذيتك

اخذها بحضنه وضمها الي صدره بقوة مكفكفا دموعها التي تزرفها بغزارة لم تستطيع ايقافها، ليقبل جاد مفرق شعرها ومسد علي ضهرها بحنان وقال”
ورد وحباة ولادنا متحسينيش بالذنب بسبب وجع قلبك
وكمان مستحيل اقبل تعيشي معايا شفقة عليا
ورد انت عرفتي عني كل حاجه والاختيار ليكي دلوقتي ،
عارف انك مش قادرة تحبيني زي ما بحبك ، لكنك اصيله وعندك قدرة علي التسامح والتصالح مع نفسك زي بالظبط وخير دليل قبولك بزواجي من غيرك
بس دلوقتي الوصع اتغير وقرارك لازم يكون نابع من قلبك مش مجرد ارضاء للي حوليكي وولادك لازم تفكري في نفسك
انا هسيبك لبليل تفكري وقبل ما اسافر هتقوليلي قرارك

همت ورد بالحديث لتسمع طرق شديد علي الباب تركها جاد وذهب لفتح الباب ليري امامه رياض يحمل ياسمين ويقول له”
اتاخرت انت ومرتك كتير، وياسمينا جننتهم، محدش بيجدر عليها غيري وانا عندى شوية اشغال جولت اعديها عليكم ولو ينفع ااخدها معايا لدار عمك الشيخ ياسين لان الولاد اتوحشو جدهم ،هوصلهم بطريجي لهنكا ،

يمد جاد لياخذ ابنته من اخيه لكنها ترفض وتبكي لا تريد ان تفارقه ابتسم لها بحسرة وحزين لكسرة قلبه المكلوم وهو يري ابنته تحب عمها اكثر منه كأنه كتب عليه كل من يحبهم يعشقون اخيه ليقول بقلة حيلة”
طيب البنت مش عايزة تسيبك يارياض وماسكه فيك وامها عايزاها الحل ايه