وعاد من جديد ج2

نهال : مش عارفه .. مش عارفه .. انا كنت بتعذب كل ما اشوفك وانتى بتتكلمى عن حالك مع حازم

اقتربت منها نهال اكثر امسكت ذراعها: سامحينى يا ميار .. بالله عليكى تسامحينى

ابتعدت ميار عنها ..وقفت على مسافه منها ومن حازم ..ظلت تتبادل النظرات بينهما

ميار: انتوا ااتني ظلمتونى .. انتى غدرتى بيا وانت ..انت قسيت عليا وظلمتنى اتمتنى انى اتخليت عنك

اشارت اليهم وقد بدات تحتد: انتوا الاتنين ..من لحمى ودمى وغدرتوا بيا

اختى وابن عمتى ..لحمى ودمى غدروا بيا

اخذت تردد كلمتها فى تكرار اقرب للهستريا

اقترب حازم منها بسرعه من فزعها عليها: ميار ..اهدى عشان خاطرى

ابتعدت عنه ميار بصراخ: متقربش منى .. ما تقربوش منى ..انتوا مستحيل تكونوا اهلى.. مش معقول ..

وضعت يدها فوق صدرها وهى تكمل: انا عاوزة امشى من هنا ..انا مخنوقه عاوزة امشى من هنا

نهال بتوسل: سامحينى يا ميار ..والله ماكان قصدى

ميار وهى تمشى : انا هخرج ..انامخنوقه

سارت بسرعه فامسك حازم ذراعها: استنى يا ميار ..لازم نتكلم

ابعدت ميار يدها بسرعه: ابعد عنى .. مش عاوزة اشوفك ولا اتكلم معاك

حازم : انا زيى زيك يا ميار انتى عارفه ان اول مرة اسمع الكلام ده

ميار بغضب ودموعها تسيل: قولتلك يا حازم قبل كده ..قولتلك انى عمرى ما هسامحك ..انا مش مسمحاك ياحازم

وقف حازم مصدوما من تصريحها .

اقتربت منه نهال

نهال وهى تبكى: حازم ؟… كلمنى قول انك مسامحنى

حازم بغضب حقيقى: انتى .. انتى ربنا اللى يسامحك يا نهال .. انتى دمرتى حيتنا انا وهى من قبل حتى ما نتمنى تبتدى

نهال : انا ..انا ماكنش قصدى

نظر حازم ناحيه ميار وهى تسيرمبتعده: ماعدش ينفع يا نهال خلاص

.سارت ميار وهى لا ترى امامها ..انفاسها تختنق .. دموعها تسيل بغزارة وقدماها لا تحملها .. عقلها يبث لها فكرة واحده.. لم يحبونها يوما .. شقيقتها وابن عمتها .. من تشاركوا معها دما واحدا يفعلون بها ماحدث .. كيف؟؟.. كيف

شعرت بالوهن وهى تسير.. لا تقوى على السير .. لم يدم الا وقد سقطت بجانب احد حوائط المشفى وهى تردد باستمرار : بابا ..بابا

مرت بجوارها ممرضه بالصدفة ..جزعت عندما وجدتها تجلس هكذا ..فى نفس اللحظة اقترب حازم بسرعه انحنى عليها

حازم بلهفه حقيقه: ميار .. ميار

نظرت اليه وهى تبكى وكأنها لا تراه : انا عاوزة بابا