وعاد من جديد ج2

الفصل الرابع عشر

ألقت ميار المفتاح من الشرفة, اقترب منها خالد والشرر يتطاير من عينيه
حازم: انتى مجنونة..هننزل ازاى دلوقتى
ميار ببرود مستفز: مايهمنيش ننزل دلوقتى على فكرة
حازم بغضب: يهمنى انا..انا بسببك هيفوتى معاد مهم
ميار: أجله
حازم :ميار..ما ترفزنيش اكتر ما انا متنرفز
ميار: لا هدى اعصابك
حازم وهو يتركها ويعود للداخل: استغفر الله العظيم..الصبر من عندك يارب
ميار وهى تدخل فى اثره: اتصل والغى المعاد
حازم : والله؟؟..امشى من وشى دلوقتى قبل ما اعمل حاجه اندم عليها
ميار باصرار: اتصل والغى المعاد يا حازم …لومااتصلتش هيبقى شكلك وحش اوى
اطرق حازم هنيه ..وبكل حنق الدنيا أخرج هاتفه
حازم: السلام عليكم..ازيك يا استاذمحمود
محمود:دكتور حازم ..اهلاوسهلا.. معادنا زى ما هوما تقلقش
بعث حازم نظرة ثاقبه لها: معلش يا استاذمحمود هستاذنك نأجل المعاد
ميار بهمس : ليوم الخميس
محمود:ليه فيه حاجه ولا ايه؟
حازم وهو ينظر ليد ميار وهى تظهر له رقم 4: لا ابدا تعبان شويه والدكتور منعنى من المجهود الكبير على رجلى .
محمود: لا ابد الف سلامه عليك
حازم: الله يسلمك يا استاذ محمود… نتقابل على يوم الخميس ان شاء الله ؟… لو حضرتك مشغول ممكن نشوف معاد تانى
محمود: لا تمام كده ..الخميس الساعه 4 بعد الضهر يناسبك؟
حازم: مناسب جدا..انا آسف مرة تانيه..ومتشكر لتفهمك
محمود: لا ابدا ولا يهمك يا دكتور ..والف سلامة عليك
حازم:الله يسلمك ..فى رعايه الله
اغلق حازم هاتفه والقاه بجوارة وهو ينظر اليها: ها مرتاحه دلوقتى
ميار وهى تجلس الى كرسى امامه : جدا ….
حازم وهو يتمتم بغضب: اصلها غلطتى انى نسيت المفتاح فتابلوه العربيه تحت
ميار : لا غلطه ولا حاجه..ربنا بيحبك
حازم: تعرفى تسكتى بقى دلوقتى خالص
مير وهى تنهض: هقف فلبلكون شويه لحد ما تهدا
حازم بغضب: انا هادى
ميار: لا باين عليك
وقفت ميار لفترة بسيطه بالشرفه وهى تتممى لو تضحك عاليا لما فعلته به .. ترى ما الذى سيفعله عندما يكتشف المفاجأة اأخرى
تمتمت: استر يارب
دخلت مرة اخرى لتجده قد اسند راسه على الاريكه واغلق عينيه وبدا يتنفس بعمق
شعرت انه قد استسلم للنوم.. ظلت تتأمله لفترة طويله .. ترى كم التغيرات الذى ظهر على ملامحه
بعد ربع ساعه كامله فتح حازم عينيه
نظر الى ميار فبادلته النظرات بابتسامه: صح النوم
حازم وهو ينظر الى ساعته: ايه ده انا نمت فعلا
ميار: ايوة نمت بس مش كتير
حازم وهو ينظر حوله: هنعمل ايه دلوقتى
ميار: فايه
حازم: ياربنا…. هنخرج ازاى حضرتك
ميار ببساطه: بالمفتاح طبعا
حازم: واللى هنجيبه منين؟؟؟
اخرجت ميار المفتاح من جيبها: من جيبى
وقف حازم بسرعه بعصبيه: المفتاح معاكى؟؟
ميار: اه
حازم وهو يكظم غيظه: وايه اللى اترمى ده
ميار: المفتاح برضه
حازم وهو يغلق عينيه ويفتحها : يعنى ايه يا ميار فهمينى
ميار: اقولك يا سيدى… محمد سابلى المفتاح عند البواب بعد ما غير الكالون
حازم: وانتى غيرتى الكالون ليه؟؟
ميار: طبيعى يعنى هغيره .. افرض حد معاه مفتاح تانى؟؟
حازم: وانتى بتعملى كده مع كل العملا
ميار: لا طبعا… بس دا مش اى مكتب دا مكتب ابن عمتى لازم معامله خاصه طبعا
حازم: اومال ايه اللى رمتيه ده
ميار ببساطه: دا المفتاح القديم
حازم وهو يقترب منها ويتتحدث بغضب: يعنى انتى كان معاكى المفتاح طول الوقت وبتقولى رمتيه .. وضيعتى منى المعاد المهم
وضعت ميار يدها فوق رأسها بسرعه وكأنها تخشى بطشه
زفر حازم وتراجع
ميار: دا لمصلحتك على فكرة…. دا انت نمت مالتعب
حازم: روحى افتحى الباب يا ميار
ميار: وهتروح معايا
حازم وهو يجز على اسنانه: روحى افتحى الباب
ميار بتحدى: وهتروح معايا ولاملهوش لازمه فتح الباب
حازم بعد صمت قصير: حاضر
فتحت ميار الباب واعطت حازم المفتاح
هبطا معا ركبت سيارتها ولاحظت انه لم يأتى بسيارته
ميار: اومال فين عربيتك
حازم بسخريه: فجيبى طبعا
ميارك حازم
حازم: يعنى رجلى وجعانى هسوق ازاى؟؟
ميار: طيب يلا تعالى بدال ما انت واقف كده
حازم: مالى يعنى
ميار: ولا حاجه
حازم باب السيارة بغضب فارتطمت ساقه العليله فأن بصوت مكتوم
ميار بلهفه: خد بالك
اغلق حازم عينيه للحظة وهويتنظر ان يخف الألم
ميار برقه حقيقه: حازم نروح المستشفى احسن
حازم بعد مده قصيرة : مافيش داعى .. كنتى عوزانى اروح البيت ..ادينى هروح غصب عنى
ميار بأسى: انا آسفه
استرخى حازم بمقعده وغض عينيه: يلا يا ميار … وبطلى اسف
صعد حازم الى غرفته ببطئ شديد وهو غير قادر على السير بساقه
نظرت اليه ميار ومن اسفل وقد تجمعت الدموع بعينيها: كله بسببى
مديحه وهى تربت على كتفها:وانتى ذنبك ايه يا حبيبتى بس
ميار وهى تجلس الى اقرب كرسى: ما انا الى عصبته لحد ما اخدش باله فخبط رجله تانى
مديحه: دا نصيب يا حبيبتى.. هياخد الدوا ويبقى كويس
ميار وهى تنهض من جديد: انا هطلع اغيرهدومى وافوت عليه اشوفه هياكل ولا لا عشان علاجه
مديحه: طيب يا حبيبتى
صعدت ميار بنظرت مديحه لرأفت: شايف بتحبه ازاى؟؟
ابتسم رأفت ولم يجيب
طرقت ميار باب غرفته بتردد
حازم من الداخل: ادخلى يا ماما
ميار: دا انا يا حازم… ادخل؟
صمت قصير بعدها: ادخلى يا ميار
دخلت ميار لتجده يجلس الى كرسى ولازال بملابسه وقد رفع ساقه على كرسى أخر
ميار: حاسس بإيه
حازم: انا كويس
ميار:انت مش كويس ما تضحكش عليا… انا هنزل اجيبلك الاكل ..تاكل وتاخد دواك
حازم: مش جعان يا ميار..انا هنام
ميار وهى تتجه الى الباب: مفيش نوم قبل ما تاكل ..ولو لاقيتك نايم هصحيك تاكل بالعافيه
حازم:بالعافيه
ميار: اه
خرجت ميار فرن هاتف حازم فأطلت برأسها اليه
ميار: وتخلص التليفون دا بسرعه
حازم بابتسامه:تمام يا فندم
حازم: ازيك ياعادل
عادل: ازيك يا عادل؟..لا ياراجل …. يابرودك وربنا
حازمك فيه ايه يابنى
عادل: انا ملطوع بقالى ساعه مستنيك فالكافيه ..وانت بتقوى ازيك
خبط حازم على رأسه: أخ …نسيت يا عادل والله ..وبعدين ياعم انا كنت محبوس
عادل: محبوس فين يابنى ..عملت مخالفه ولا دوست مين
حازم : الموضوع ابقى احكيهولك بعدين
عادل بغلاسه : ومش دلوقتى ليه انا فاضى
حازم :وانا تعبان يا باشا
عادل: مالك
حازم:خبط رجلى ومش طايقك دلوقتى
عادل: سلامتك يا كبير ..عموما هبقا اكلمك تانى
حازم: شاطر سبنى بقى عشان انام يابنى
عادل: طيب طيب ..سلام ياكبير
هبطت ميار بسرعه واعدت له الطعام على صينيه
صعدت فوجدته لازال على حاله
ميار مبتسمه : كويس صاحى اهه
حازم:خفت انام انضر,ب ولا حاجه
ميار وهى تضع الطعام بجواره: طيب يلا كل عشان تاخد الدوا
حازم: طيب افتحى نفسى يلا
ميار بضحك: والله تاقيك هتاكلنا وعامل فيها مش جعان
حازم مبتسم رغم ألمه: متشكر يا ستى
تناولا طعامهما واعطته ميار الدواء
حازم:متشكر يا ميار تعبتك معايا
ميار: تعب ايه يا حازم..احنا اخوات ..هسيبك تنام
نظر اليها ولم يتحدث
انتهت ميار وخرجت لغرفتها ..لتجد منى وقد اتصلت بها 3 مرات
مير: السلام عليكم
منى:وعليكم السام ..ايه كنتى فين كلده.. اتهبلت رن عليكى
ميار: ما عندكيش خطيب تدوشيه بدالى
منى: على فعمليه دلوقتى ..اكلمه ازاى يعنى..ش بتردى على طول ليه
ميار: كنت عند حازم بديله دواه
منى: شكل وقع منى حاجه..دوا ايه..هو دراكولا بيتعب عادى زينا كده
ميار: اتلمى يا زفته..والله تعبان ..اتخبط فرجله الوجعاه مرتين
منى: لا حول ولا قوة الا بالله..وعامل ايه
ميار: تعبان يا منى
منى:ربنا يشفيه..ايوة يا حنين .. القلب يتعب عليه اهه
ميار: بت هو انا حكيتلك اللى حصل لما النور قطع
منى: اووووووووووووووبا ..نور قطع بقى وقهوة فرت واجو ده….اه يا منحرفه
ميار: ههههه..تصدقى اك قليله الادب
منى: دى احلى حجه فيا ..قولى ايه حصل
قصت عليا ميار كلما حدث
منى: طيب وانتى فعل مش مسمحاه ولاكلام كده وكده
ميار: ممكن فيوم اقدر ما سمحوش على ظلمه ده يا منى … طعم الظلم وحش
منى: انتى قررتى تربى دراكولا ولا ايه
مير: لما بشوفه بفتكركلامه فبحس انى عاوزة اقسى عليه
منى: وهكذا قررت “الينا” وضع الوتد الخشبى بقلب دراكولا
ميار بحيرة: إلينا مين؟
منى: ياختى انا اعرف؟… اهى واحده هتنتقم من دراكولا وخلاص.. انها انتى إلينا
ميار: يارب عوضنى على صبرى بصاحبه عاقله
منى: اخيييييييييه..دى تبقى تقيله عالمعدة كده ..عسيرة الهضم
ميار: دا تأثير على واضح
منى: يا بنتى على إلى الأبد دا عامل زى فيتامين B كده بالنسبالى .. داجلكوز حياتى
ميار:ههههههه يخربيت كلامك
منى: حفظتى يا اوختى … المهم هتعملى ايه
ميار: هعمل يه يعنى..يبقى الوضع على ما هو عليه
منى: ميار عندىاقتراح
ميار باهتمام : ايه
منى : ماتضر,بيه على دماغه ويفقد الذاكرة وهو تبتدوا على نضافه
ميار: يلا فداهيه يا منى ..اه يصبره على والله
منى: على قلبه زى العسل .. يلا سلام الحقه وهوببنجه
أغلقت ميار هاتفها ..بدلت ملابسها وهبطت لتتناولطعامها مع عمتها وزوج عمتها
عادت الى غرفتها .. انهت بعض الاعمال على حاسوبها
حوالى العاشرة مساءا قررت مير ان تذهب وترى حازم وتطمئن على حاله
طرقت بابه فلم يجب ..لكنها سمعت تمتمات بالداخل
طرقت مرة أخرى لم يتحدث
فتحت اباب بتردد ..وجدته نائمابفراشه بملابسه ويتململ وهويتحدث
قتربت ميار من سريره
ميار بصوت هادئ: حازم
لم يجب حازم فقط بقى على همهماته
ميار وهى تهز كتفه : حازم
شعرت ميار بحراره تخرج من جسده
وضعت يده على جبهته فوجدت حرارته مرتفعه للغايه
عادت لغرفتها واحضرت مؤشر للحرارة وعدت اليه
ميار بهدوء: حازم افتح بقك
لم يستجب حازم مباشرة …فوضعت يدها عند فهمه تفتحه ففتحه..وضعت مؤشر الحررة بفمه وانتظرت
بعد مدة بسيطه اخذت المؤشر فوجدته يشير الى 38 ونصف
خرجت ميار وهبطت لاسفل وجدت عمتها جست وقد بدأت تنعس
ميار بهدوء: عمتو انتى نمتى
مديحه: شكلى كده هنام ي ميار ..عمك رأفت سبقنى
ميار بنبره حاولت ا تجعلهامطمئنهك طيب بصى اا هجيبميه باردة عشا اعم حازم كمادات .. حرارته مرتفعه شويه
نهضت مديحه بسرعه: ماله ابنى
ميار: ما تخافيش يا عمتو حرارته عاليه شويه..يمكن الخبطه اثرت
صعدت مديحه بسرعه فقالت ميار ن اسفل :عمتو ما تخضيش عمو ..عشان الضغط
اومأت لهامديحه ودخلت غرفة ابنها
عادت ميار بالماء البارد فاخذته منها مديحه وبدأت بوضع الكمادات على رأس ابنها
بقيت على هذة الحاله حتى الثانيه عشر وبعدهابد الارهاق يظهر على وجهها
ربتت ميار على كتفها:عمتو … قومى يا حبيبتى رتاحى شويه
مديحه:لا انا مشتعبنه
ميار بابتسامه: قومى يا عمتو انا هقعد جمبه ما تقلقيش ..ولما اتعب هصحيكى
استسلمت لها مديحه: حضر يا بنتى ..ابقى طمنينى يا ميار
ميار: حاضر ياعمتو
جلست ميار مكانها وبدأت بوضه الكمادات مرة أخرى
كلما ضاعت برودة امياه عادت الى الاسفل واحضرت اخرى باردة
ساعه اخرى وهى هكذا
شعرت بنخفاض الحرارة.. فسندت ظهرها الى مقعدها واغمضت عينيها بارتياح
فتح حازم عينيه بعد فترة شعر بتلك البرودة فوق جبينه
نظرحلوه فوجد ميار وهى تسند رأسها
حازم: ميار
فتحت ميار عينيها بسرعه وابتسمت: عامل ايه؟
حازم: فيه ايه؟
مير: كنت بتغلى ..شكل الخبطة السبب
حزم وهو يشعر بجفاف حلقه: مش عرف..حسيت انى محتاج انام حتى ما غيرتشهدومى
ميار وهى تنهض: انت عطشان
حازم : يعنى
ميار : طيب هجيبلك ميه واجى
هبطت ميار واعدت له كوبا من اليمون وحضرت المياه وصعدت
ميار: اشرب شويه ميه ..وبعدهاكوبايه اللمون دى
اعتدل حازم وشرب بعض الماء ..وتناول منها كوب اليمون
حازم: الساعه كام دلوقتى
ميار: حوالى 2 ونص
حازم: انا سهرتك … انا اسف
ميار: بطل يا حازم الكلام ده ..احنا ..
قاطعها حازم: ماتقوليش اخوات ي ميار
ميار : بس احنا اخوات
زفر حازم وبعد صمت قصير اقر: عرفه انى مش عارف انام من يوم مااتكلمنا هنا؟
ميار : ليه؟
حازم وهو ينظر ايها : بفكر فكلامك
ميار: تقصد فظلمى
حازم : اقصد انك مش مسمحانى
نظرت ميار لاسفل ولم تجب
حازم : انتى مش مسمحانى يا ميار
ميار: هيفرقمعاك يا حازم ؟
حازم: مش مسمحانى
ميار بعد صمت بسيط: لا
حازم بجفاء: انا بقيت كويس .. تقدرى تروحى ترتاحى ..متشكر اوى ..تصبحى على خير
نظرت اليه ميار لدقيقه ثم نهضت وذهبت لغرفتها
ظل حازم جالسا كما هو شاردا
لا يعلم فيماذا شروده
فقط يريد ان يمحى ردها من ذهنه
شئ يدفعه لتصديقها .. ان كانت تحبه فما الذى يدفعها للابتعاد عنه؟؟
وضع الكوب بجواره نهض من مكانه بحذر
دخل حمامه اغتسل وبدل ملابسه وعاد لسريره مرة اخرى وهو يشعر انه صبح افضل
طرقات خفيفه على بابه
حازم: ادخل
دلفت ميار : معاد المضاد الحيوى بتاعك
حازم: ايه الى مصحيكى لدلوقتى
ميار: هنام بس قولت افكرك الاول بالدوا
حازم : متشكر ..هاخده دلوقتى
ميار : تصبح على خير
حازم: وانتى من اهله
فى صباح اليوم التالى طرقت ميار بابه
حازم:ادخلى يا ميار
ميار :صباح الخير ..عامل ايه النهاردة؟
حازم: كويس الحمد لله
دخلت ميار وامسكت مقياس الحرارة :قست الحرارة النهاردة؟
حازم : مافيش داعى بقيت كويس
ميار بغيظ: قيس الحرارة يا حازم
امسك حازم لمقياس مها ووضعه بفمه وهويظر اليها
بعد مده اخرجه : 37
مياروهى تخطفه من يده : اشوف بعينى الاول
نظرت اليه ميار : 37 ونص
حازم: يبقى 37
ميار: خد علاجك ياحازم ..ماتبقاش زى العيال كده
حازم بسخريه: حاضر يا ماما
تركته ميار وخرجت … هبطت لاسفل فقابلتها عمته وهى تخرج
مديحه:رايحه على فين دلوقتى
مير: متأخرة ي عمتو لازم روح الشركه دلوقتى .. حازم صاحى فطريه عشان دواه بقى
مديحه: هطلعله دلوقتى
ذهبت ميار الى عملها وعادت
اطمأنت عليه وذهبت الى غرفتها ونامت كأنها لم تنم
تعافى حازم بعض الشئ .. باقدر الذى يجعله يواصل اعماله
ذهب حازم الى موعده يوم الخميس وعاد الى المنزل
حازم: انا عازمكوا عالعشا
رأفت: ويه المنسبه اسعيده
حازم: واحد عملى خدمة مهمه عشان المكتب ..وانا شايفها فرصه نغيرجو
رأفت: ماعنديش مانع
مديحه:ولا انا ..وانتى يا ميار؟
ميار بتعب: هوانا لازم ؟؟
حازم:يلاقومى بطلى كسل … يلا
خرجوا جميعا معه..اصطحبهم حازم الى مطعم راقى م يزوروه من قبل
حازم: صاحب المكان صاحبى على فكرة
ميار: يبقى ضمنا اكله حلوه ههههههههه
اقترب منهم شاب يبدو أصغر من حازم بأعوام بسيطه ..شعر أسود قصير جسم ممشوق وابتسامه جذابه
-ماصدقتش عنيا وانت داخل
نهض حازمك زيك يا أمير ..اخبرك ايه؟
أمير: كويس لما شوفتك ..فينك يا معلم … مرة واحده تيجى فيها وماحدش يشوفك بعد كده..ماكنتش هغرمك على فكرة
حازم:مشاغل يا امير والله ..اعرفك ..والدى والدتى ..ميار بنت خالى
امير: ها وسهلا المكان نور بيكوا والله
رأفت : ربنا يخليك يابنى
امير : شربتوا حاجه ولا سه
حازم مازحا: لا لسه ..شكل الخدمة هنا مش حلوة ..يلا بينا يا جماعه
امير: دا انا اخدمكوا بعنيا ..ثوانى والمشروبات تكون موجوده
بعد اذنكم
استمتعوا بجلستهم وطعامهم
رأفت: يلا يا ولاد هنام وانا قاعد
حازم:يا بابا بكرة الجمعه
مديحه: يا ود احنا كبرنا عالسهر
ميار: انتى لسه صغيرة يا ديحه
مديحه: ديحه !!! ..انتى هتبقى زيه ؟
ضحكت ميار ورن هاتفها
ميار: دى نهال … بنت حلال …ازيك يا نونا
نهال باكيه: الحقينى يا ميار ..حسين هيضيع منى ..حسين بيموت