وعاد من جديد ج2
منى: اشربى ده عشان تهدى
تناولت ميار منها الكوب وارتشفت منه بعضا ..تركتها منى حتى هدأت قليا
منى: ها هديتى
اومأت ميار براسها
منى: طيب بالراحه كده احكيلى ايه اللى حصل
تجمعت الدموع بعينا ميار وهى تتحدث
ميار: عارفه مين اللى كان باعت الجواب لحازم يامنى؟
منى: انتى عرفتى هو مين
ميار: قصدك عرفت هى مين… طلعت نهال..اختى نهال يا منى
صمتت منى امام تصريح ميار قليلا
منى: نهال تعمل كده؟.. ازاى..دى بتحبك جدا دى اختك
قصت عليها ميار كل ما حد ث
منى بعتاب: وحازم ذنبه ايه يا ميار .. يعنى هواللى قالها ابعتيلى الجواب
ميار بعصبيه: هو صدق اللى فالجواب واتعامل على اساسه … هو وهى ما يختلفوش عن بعض .. الاتنين ظلمونى
منى: طيب بس اهدى عشان خاطرى .. طيب دلوقتى هتعملى ايه
ميار: مش عارفه .. لوروحت لعمتى بشكلى ده هتعرف ان حصل حاجه …انا مش هقدر اقولها يا منى ,, مش هقدر
منى وهى تمسح دموع ميار: محدش لازم يعرف حاجه عن الموضوع ده.. انتى هتستنى هنا لحد ما تهدى وبعدين تبقى تروحى على مهلك..بس انا عندى كلامى ..حازم ملهوش ذنب يا ميار .. دا زيه زيك
ميار: ما تجبيش سيرته ..انامش طيقاه
منى: كدابه .. وكدابه جدا كمان .. انتى نفسك كل الخلافات اللى بينكوا تتحل بعد الى عرفتوه .. بس انتى مصدومه فاللى حصل ومش عاوزة تديله فرصه ..انتى عارفه كويس انه بيحبك ,,بس هو كمان كان معذور .. انتوا الاتنين ماكنتوش تعرفوا حاجه ..كنتوا عاملين زى العميان اللى ماشين يخبطوا وخلاص …واول ما شفتوا تكرهوا بعض؟؟… اقنعينى بحاجه تانيه وانا احاول اصدق
ميار وهى تنهض: اناجيالك عشان اتكلم وافضفض وارتاح ولاتزودى تعبى يا منى
جذبتها منى لتجلس: لا يا حبيبتى .. مش بتعبك انا بس بفوقك .. كفايه عليكواكده يا ميار .. حازم ما يستاهلش
ميار: خلاص يا منى قفلى عالموضوع ده
منى بابتسامه : حاضر نقفل …طيب سؤال صغير
ميار: قولى
منى: دلوقتى انى وعدتى انك هتساعدى فموضوع البازار .. هترجعى فكلامك معاهم
ميار: لا مش هرجع .. بس مش انا اللى هعمله .. هبعت اى حد تانى غيرى.. ان شالله ابعتك انتى
منى : اوبااااااااااااا.. تبعتينى فين؟.. شرم
ميار متوسله: هتاخدى اجازة وهتكون مدفوعه منى .. وكل حاجه هتبقى على حسابى انا
منى:ايوة ياعم نايمه على خميرة حلوة
ميار : لا خميرة ولاحاجه .. انا بس عاوزة اوفى بوعدى
