وعاد من جديد ج2

حازم: لا مش حرام .. بس استنى نسافر سوا

ميار: لا.. انت وياريت تستنى هنا معاها ومع حسين

حازم: استنى ؟.. لسه فيها استنى

ميار بضيق: ارجوك .. داطلبى الاخير منك .. ماتسيبهاش لوحدها لحد ماجوزها يتحسن .. ممكن ولا اسحب الطب ده

حازم وهو يقترب منها: انتى عارفه انى ما اقدرش ارفضلك طلب يا ميار

نظرت ايه وابتسامه ساخرة تعلو شفتيها

حازم باستعطاف: بلاش كده يا ميار ..بلاش

ميار: هو ايه الى بلاش هات التليفون

حازم: بلاش البصه دى .. بلاش تأنبى ضميرى على كل الى عملته اكتر من كده

ميار بسخريه: لا يا سيدى تأنيب ضمير ايه ؟..عادى عادى

حازم بعصبيه: بطلى التريقه دى

ميار: انا هبطل كل حاجه ..ادينى التليفون

اعطاها حازم الهاتف وهو ينظر اليها : هوصلك المطار

ميار وهى تخطفه من يده: متشكرة انا عارفه الطريق كويس .. ماتشغلش بالك .. خليك جمبهم بس لوسمحت

خرجت ميار بسرعه من الغرفه ..سارت بالممر لكن استوقفها صوتا يناديها ..علمت انها نهال

نهال: ميار ..ميار استنى

لم تتوقف ميار ..تمنت ان تفعل لكنها لا تستطيع … يمنعها كل ماحدث .. تشعر ان هذة ليست شقيقتها .

نهال : ميار استنى عشان خاطرى

امسك حازم يدها فجأة : سبيها يا نهال دلوقتى.

نهال باكيه: مش عاوزة تكلمنى ..خلاص مبقتش عوزانى فحياتها

حازم بصرامه: اللى عملتيه مش شويه … سبيها دلوقتى

نهال: بالله ما تزعل منى يا حازم..انا ماليش غيركوا … كنت صغيرة وهبله مش فهمه حاجه … بلاش تعاقبونى على حاجه من عشر سنين

حازم: ما انتى عاقبتينا عشر سنين بالبعد عن بعض ..انتى كنتى اقرب واحده لينا يا نهال .. كانت كل الحكايه عندك انتى…ازاى جالك قلب تخونى الامانه كده؟؟ ازاى

هال : كان شيطان .. شيطان ياحازم

حازم: ر بنايبعد عنا الشيطان

نهال بأمل: يعنى انت مسامحنى .. ياحازم ..اكملت وهى تبكى..مش هتتخلى عنى وتسيبنى زى ما ميار سابتنى

حازم بمرارة: سابتنا احنا الاتنين يا نهال .. انا بقا مغضوب علي انا كمان

نهال: والله هحاول اصلح بينكوا .. والله هصلح غلطى

حازم: مابقاش ينفع معها دلوقتى … خليكى فجوزك دلوقتى .هومحتاجلك

نهال ببكاء: وانا محتجالك .. محتاجه اخويا

شعر حازم بالعطف ناحياتها: انا موجود يا نهال .. مش هروح فحته غير لما اطمن عليكوا ..

نهال بخوف: هتقول لحسين حاجه ؟؟

حازم: اقوله ايه؟… حسين ميعرفش حاجه ومشالازم يعرف يا نهال