وعاد من جديد ج2

الفصل الثانى عشر

حازم: أومال إيه الشياكة دى؟؟
نطق حازم هذة الجملة وهويرى تاألق ميار حيث ارتدت بدله نسائيه باللونين الاسود والاحمر القاتم وحجاب باللونين
ميار: متشكرة
حازم: على فين دلوقتى؟
ميار: ليه هو الوقت اتأخر ولازم اخد الاذن ولا ايه؟
حازم: لا ما اتأخرش ولا حاجه بس بلاش اسأل
ميار: لا عادى .. رايحه خطوبه منى
حازم : على الدكتور؟
ميار وهى تتحرك: أيوة عقبالك
حازم ببرود: وعقبالك طبعا
نظرت اليه ميار بحنق وهبطت
حازم: تحبى اوصلك
ميار: لا شكرا ..
حازم: طيب حاولى ما تتأخريش
ميار بتحدى: انا استأذنت من عمو
ذهبت وتركته وهو يتميز غيظا
بعد نصف ساعة كانت ميار مع منى بغرفتها
ميار بسعادة: مبروك يا منى..
منى بضحكه: الله يبارك فيكى يا ميرو مين كان يصدق انى اخرج من قايمه العوانس لانضم وباستحقاق للناس المخطوبه
ميار ضاحكه: ايوة ياختى..من ناحيه الجدارة فا انا اشهدلك
منى: وانتى يا حزينه هتطلعى مالقايمه السودة دى امتى
ميار: ما تعكننيش عليا بقى..مش باينلها طلوع..اتهدى خلينى مبسوطه
منى: اتهديت… ربنا يهديك يا دراكولا
ميار: هو انتى طلعتى عليه الاسم دا خلاص
منى: اه طبع اصله يستحقه..هما بيمصوا دم ..وهو بيمص السعادة..انسان نكدى بطبعه
ميار: يالهووووووووى مش هخلص..هو على اتأخركده ليه
منى : على الى الأبد زمانة جاى .. كلمنى قبلما تيجى ..كان بيجيبلى شوكلاته
ميار: ههههههههه شكولاته ايه ياهبله انتى
منى: اه وربنا.. بيقولى مش عاوزة حاجه ؟..خفت اكسفه قولتله هاتلى شكولاته … فراح يجيب
ميار: هتجننيه
منى: ياختى سبينا نتجنن خدنا ايه مالعقل اللى نازل عليكى انتى والبيه..جاتكوا خيبه
ميار:يالهوى على طولت لسانك
وضعت منى يدها على فمها: انا هسكت اهه ..خلينى ف على الى الابد .. ماليش دعوة بيكى
ميار: احسن
سمعتا الزغاريط تأتى من الخارج
ميار: شكله وصل
نهضت منى بسرعه: بصيلى كده شكلى حلو
ميار: ماشاء الله .. انا خايفه عليكى تتحسدى بره
منى: لا ما تخفيش ..يعنى هو فيه حد غريب..دا اهلى واهله بس
مير: اخاف عليكى برضه
منى: سبيها على ربنا.. انا قولت الاذكار…وربك الحارس بقى
ميار: طيب يلا
خرجت منى فابتسم لها على فتورد وجهها
ميار من خلفها بهمس: وشنا بيحمر اهه
منى: بطلى
خطت منى للامام فقبلتها والدة على .. وسلم عليها عمه وخاله
جلست بجوارة وهى لا ترفع عينيها من الارض
عم على: طيب نقرا الفاتحه تانى ..عشان يقراها معانا الحبايب اللى هنا ..وتبقى بركه الخطوبه
بدا الجميع بقراءة افاتحه ..وعندما انتهوا بدات النساء وصله الزغاريط
لبست منى خاتم الخطبه
همس له على : مبروك يا منى
منى بخجل شديد : الله يبارك فيك ياعلى
على : ربنا يقدرنى واسعدك واكون ديما قد المسئوليه
منى: اكيد ياعلى ان شاء الله
على: طيب مش عاوزة تقولى حاجه ؟
منى : بصراحه ايوة
على بنبرة محبه: قولى يا منى
منى: انت جبت الشكولاته جلاكسى ولا كادبورى
ضحك على بشدة نظرت منى لميار فبادلتها ميار نظرة تعنى ” هتجننيه رسمى”
فردت عليها منى بنفس النظرة ” وماله”
بعد ربع ساعه اخرى استأذنت ميار
ميار: ألف مبروك يا دكتور على
على: دكتور ايه الى جابها فوسط الكلام؟… ميار انتى اختى وربنا العالم ومافيش بينا القاب
ما تقولى حاجه يا منى
منى: ايوة يا ميار هانم بطلى االقاب
ميار مبتسمه: ماشى..الف مبروك مرة تانيه…وهمشى انا بقى
منى: تمشى تروحى فين.. لسه بدرى
ميار: معلش يا منى .. عشان بس الطريق ..وعمو ما يزعلش انى اتأخرت
منى: طيب يا ميار..مسمحاكى عشان عمو بس
ميار: يلا اشوفك على خير… السلام عليكم
ذهبت ميار فنظر على الى منى
على: ربنا يهديه…. ميار ما تستاهلش منه كل ده هى عملت ايه صحيح
منى: قالتله كل حاجه بعد ما قعد يعصب فيها
على: وما علقش
منى: ولا الهواااااااا… د مش حاسس خالص
على بابتسامة: ما افتكرش
* * *
عادت ميار الى المنزل فوجدتهم جميعا بانتظارها
مديحه مبتسمه: ها اتبسطى؟
ميار: الحمد لله ياعمتو
رأفت:عقبالك يا حبيبتى
ميار وهى تنظر لحازم نظرة سريعه: شكرا يا عمو..بعد اذنكوا هطلع انام عشان عندى شغل الصبح بدرى
حازم: هنروح الشقه؟
ميار: ان شاء الله.. تصبحوا على خير
بدلت ميار ملابسها واستلقت فوق سريرها…اخرجت صورته التى تخفيها وظلت تنظر اليها فترة حتى سالت دمعه عتاب على خدها
بعدها ردت صورته الى مكانها ونامت
استيقظت مبكراً فاليوم التالى بدلت ملابسها بسرعه ثم هبطت لاسفل
لتجد حازم قد ارتدى ملابسه وف انتظارها
ميار: صباح الخير
الجميع: صباح النور
ميار وهى تنظر لحازم: يلا؟
حازم: افطرى الأول
ميار وهى تجلس وتصب بعض الشاى : مش جعانه
مديحه: انتى بقالك مده مش بتفطرى..طيب عالاقل كلى الموزة بتاعت كل يوم اللى انتى مجننانى بيها دى
ميار: ماليش نفس يا عمتو
انهت ميار كوبها ونهضت ..نهض حازم بدوره وتوجه الى الخارج
ميار: انت امشى قدامى بعربيتك وانا همشى وراك
حازم: ما تيجى معايا احسن
ميار: لا عشان هروح النادى بعض ما نخلص
حازم: طيب
بعد مده ليست بطويله كانا امام البنايه التى بها شقه حازم
ميار: الدور الكام
حازم : العاشر..
دلفا الى المصعد فاكمل حازم : تخيلى لو مافيش اسانسير كنا هنعانى
ميار: عادى انا بحب الطلوع والنزول والمشى ماعنديش مشكله
حازم: يبقى المشكله عندى انا
لا تتحمل تكراره الدائم لحاله من بعيد او قريب..حساسيته مفرطه..لكنها ستصمت لن تعلق على ما قال
وصلا الى الشقه اخرج مفتاحه وفتحها ..سمح لها بالدخول وترك الباب مفتوحا
وقفت ميار تتأمل الشقه
ميار: ما الديكورجميل اهه ..دا شكله جديد حتى
حازم: اه السمسار بيقول ان اللى اخدوا الشقه ما استنوش فيها اكتر من 6 شهور بعد كده سبوها
ميار: ما تسيبها على حالها ..ولا هى بعزقه فلوس وخلاص
حازم بسخريه: ايه ده خايفه على فلوسى
ميار وهى تبتعد : لا طبعا د مصلحه ليا ..انت حر
اخرجت ميار من حقيبتها دفتر ملاحظات صغير وقلما وكاميرا
بدأت فى معاينه المكان والتقاط الصور هنا وهناك وكتابه ملاحظتها
وقفت بمنتصف الصالة وهى تدون وتسأله
ميار: قولى انت متخيل المكتب ازاى ؟… يعنى عاوز ايه ونبقى نناقشه مع بعض
ظلت تدون لحظات وعندما لم يتحدث رفعت وجهها اليه لتجده ينظر ليها
ميار: فيه ايه ؟
حازم بهدوء : مفيش حاجه..بس بدور على ميار التانيه
ميار: ميار التانيه واخده قيلوله…مش هتصحى دلوقتى
حازم: خسارة كنت بحب اشاكس فيها
ميار: سبحان الله ما كنت مش بتطيق كلامها
حازم: عمرى ماقولت كده
ميار بتهكم: يبقى بيتهيألى.. نناقش الشغل احسن ..نبتدى من هنا ولا من الاوض
نظر له ثم اجاب: اللى تشوفيه
ميار: نشوف اوضة مكتبك الاول
دلفا الى الغرفه فوقفت ميار للحظة
ميار: الحيطة دى كلها هتتهد ويبقى كله ازاز عشان المنظرجميل اوى من هنا
حازم: يكون احسن ..عشان مش بحب الاماكن الضيقه
ميار بتلقائيه: عارفه
استدركت ما قالت فأكملت بسرعه: هنحط هنا ترابيزة الاجتماعات .. ولا مكتبك؟
زفر حازم بغضب: لا المكتب بتاعى احسن .. عشان ما اضايق ابص علمنظر
ميار: ماشى… عاوز الوان معينه
حازم : ما انتى عارفه الالوان اللى بحبها
ميار ببرود: يمكن اتغيرت ..عادى يعنى ماكل حاجه بتتغير دلوقتى
حازم: لا لسه زى ما انا بحب البنى والازرق
مدونت ميار اللوان وعندما انتهت اخيرا نظرت الى ساعتها
ميار: ياربى…كل ده باخد بس فلتفاصيل ؟..اومال لما اشتغل هعمل ايه
حازم: اكيد هنتأخر وناخد وقت اكتر من كده
ميار باستفهام: نتأخر وناخد؟؟
حازم مبتسم: اه اناماقولتلكيش… اصل اناهتابع الشغل معاكى
ميار: يعنى ايه؟
حازم: هشوفك وانتى بتشتغلى
ميار بعصبيه: بص يا حازم انا كل اللى بيشتغلوامعايا عارفين طريقتى..انا باخد ملاحظات مالعميل واتصرف على اساسها ولما بخلص بيجى يتفرج ويقول ملاحظاته..مش كل شويه يجيلى ويوترنى
حازم: يعنى بلاش اشوف اللى بتعمليه فمكتبى
ميار: المفروض انك واثق فقدراتى .. اخترتنى وعارف انى اقدر اعمل الشغل ده
حازم مبتسم باستفزاز: بس مش انا اللى اخترتك
ميار: اه صح نسيت..وطبعا عشان انت مش اللى اخترتنى لازم تراقبنى زى الصقر الى بيراقب الفريسه
حازم: ايه التعبير الحاد ده
ميار بحده اكبر: وانت مستنى اقولك ايه وانا بسمع منك انك هـــ
حازم: بس .. بس انا كنت بهزر مش اكتر
ميار: بتهزر!! … طيب بلاش الهزار ده بالله عليك بالذات فالشغل
حازم: مالك يا ميار؟
ميار: ماليش ..ومش كل ما تشوف وشى تسألنى السؤال ده..انت اللى مالك يا حازم…طول الوقت بتتريق وبتسخر وبتضغط على اعصابى بكلامك ليه كل ده
حازم بهدوء مستفز: دا انتى شايله بقى
ميار وهى تتجه الى الباب: لا شايله ولا حاطه..انا خلصت الى عوزاه النهاردة وبكرة هبدا ان شاء الله فشغلى ممكن نمشى
ظل حازم بمكانة للحظة ثم سار اليها
حازم: اتفضلى
خرجا من المبنى واتجهت ميار لسيارتها
ميار وهى تركب: ياريت تقول لعمتو وعمو رافت مايقلقوش … اناهتغدى فلنادى
حازم : لوحدك؟
ميار: لامع منى
حازم: مش المفروض خطيبها معاها
ميار وهى تزفر: على عنده شغل وبعدين مش معنى انها تتخطب تتقطع عن الدنيا بقى
حازم: بالراحه خلاص فهمت..مع السلامه وخللى بالك من نفسك
ميار: طيب
انطقت مير بسيارتها فى حين وقفحازم فترة يراقبها حتى اختفت
رن هاتفه فأخرجه من تأمله
حازم: ايوة ياعادل
عادل: الناس تقول السلام اوالصباح
حازم: سلام وصباح يا سيدى
عادل: انت فين
حازم: كنت بفرج ميار المكتب بتاعى عشان تبدأ الشغل
عادل: شغل ايه؟
حازم: دىحكايه طويله لما ابقى اشوفك ابقى احكيهالك.
عادل: ما انا فاضى اهه ..ورايا ايه
حازم: وراك دلوقتى انك تبدا فاجراءات المكتب القانونيه و تدورلى على سكرتيرة
عادل: ماشى ياسيدى ندور.. اسيب شغلى وادورلك
حازم: يعنى ماكنت من شويه بتقول انك مش مشغول .ايه اللى حصل
عادل: بهزر يا بنى ..لا خلاص خلصت ..
حزم: طيب انا ورايا مشوار لحد البنك كده..هخلص وافوت عليك
عادل ضاحكا: ايوة ياسيدى طلع الى تحت البلاطه طلع
حازم: امشى يا عادل
عادل: ماشى يا سيدى سلام
ركب حازم سيارتة وانطلق الى المصرف فى نفس الوقت كانت ميار تجلس بإنتظار منى
منى: بخ
ميار وقد فزعت: خضتينى يا زفته..مش تعقلى بقى
منى وهى تجلس: واعقل ليه كفالله الشر
ميار: اصلك اتخطبتى ياختى وهتبقى زوجه بعد فترة
منى: ماشى ما انا عارفه..وايه دخل ده فده
ميار: ولا حاجه ولا حاجه
مى: متعكننه ليه؟..م تقوليش ..دراكولا صح
ميار: هيجننى يا منى..النهاردة من اول ماخرجناوهو قاعد يتكلم باهتمام يتكلم عكس ماكان بيتكلم معايا اليومين اللى فاتوا خالص
منى: قلبه الحجرى دا هيحن ولا ايه
ميار: احلمى احلمى
منى: وماله نحلم … مهومش نحر,ق دمنا وكمان مانحلمشى
ميار :انا تعبت يا منى
منى بتعاطف: مهولوتحاولى تنسيه هترتاحى
ميار وهى تمسح دمعه سريعه: ازاى وهوقدامى طول اليوم ..ازاى ؟
منى: طيب بس ما تعيطيش
مير وهى تدمع مرة اخرى: عارفه لويتجوز صحيح هتعب بس يكون قدامى امرواقع..ان لاطايله سما ولاطايله ارض ..لا عارفه بيحبنى ولا نسينى حتى بعد ماقولت ..تصرفاته بتلخبطنى ..مرة يبقى جاف ومرة يبقى كويس ..انا مبقتش فهماه خلاص
منى: مهواصلا ما يتفهمش….امبارح بقول لعلى على اللى حصل فشرم كان عاوز يطمن عليكى يعنى ..بقوله دا ما اتحركش ولا الهوا مش بيحس..قالى بيتهيالك
ميار: وايه فايده الكلام مادم مش باين تصرف
شكلى هسيب البيت قريب..والمرة دى بجد
منى:بطلى عبط …
ميار: نفسى مرة ابقى عبيطه بدال اللى انا فيه ده
منى وهى تحاول التخفيف عن صديقتها بضحك: ربنا يهبلك قريب
ميار مبتسمه: مش هتبطلى الطريقه دى
منى: لا..يلا اطلبيلنا الغدا انا ما فطرتش..
ميار: ولا نا
طلبت ميار الطعام ..وبعد ان انتهوا ذهبتا معا الى الاسطبل ..سرجت ميار فرسها وتمشت به قليلا
ميار: ما تيجى يا منى تركبى
منى: لا ياستى…انا امشى عالارض احسن..تتقطم رقبتى ما الحقش ادخل دنيا ..وانا عاوزة اتجوز على الى الابد
ميار ضاحكه: هو ثبت على كده؟.. عملتى ايه فموضوع الشكولاته
منى: اكلتهاطبعا ياختى
ميار: ربنا يكون فعونه
منى: ما تقلقيش ..هوفرحان بهبلى ده
ميار: ربنا يسعدك يا منى..انا هلف لفه بهثكليف وارجعلك
منى: طيب وانا هروح اشرب عصير فريش لحد ما ترجعى
سارت ميار ممتطيه جوادها وهى تحدثه
ميار: عاجبك الى بيعله ده..يعنى انا دلوقتى لا عارفه هو سافر ليه.. ولا رجع ليه؟؟ ولا اصلا هنفضل على كده لامتى
هزهثكليف رأسه علامة التحير
ميار: وانت كمان محتار !! ..وانا االلى قولت انك هتساعدنى ؟…خلينا نتمشى واحنا ساكتين احسن
بعد ساعة كامله عادت ميار الى المنزل القت التحيه عليهم جميعا
مديحه: تاكلى يا حبيبتى؟
ميار: لا ياعمتو اكلت فالنادى مع منى..هغير هدومى وانزلكوا
بدلت ميار ملابسها وهبطت اليهم..تسامرت معهم حتى موعد نومها
ميار: هقوم انام بقى..تصبحوا على خير
مديحه ورأفت: وانتى من اهله يا حبيبتى
حازم:ميار عاوزك دقيقه
نهضت ميار وتوجهت معه الى المكتب جلس حازم الى المكتب واخرج دفتر شيكات ودون رقما
حازم وهو يعطيه اليها: اتفضلى
ميار: ايه ده
حازم: دفعه اولى للوازم الديكور .. مش انتى محتاجه حاجت برضه
التقطته ميار من بين يديه : ايوة طبعا..عموما انا ديما بكتب كشف بالمصروفات وبيتسلم لمستر جلال
حازم مبتسم: ما تخفيش مش بشكك فذمتك
ميار : تصبح على خير
نهضت ميار فاوقفها حازم
حازم: ميار
ميار: نعم
حازم: انتى زعلانة منى ليه؟
ميار: مش زعلانة
حازم: لا زعلانة وبقالك كام يوم متغيرة
ميار: انا مش متغيرة يا حازم ..انا زى ما انا
حازم بهدوء :بتتعاملى معايا بجفاء كده من ساعة مارجعنا من شرم
ميار: ممكن بلاش سيرة شرم دى خالص
حازم: ليه
ميار: من غير ليه
حازم: ندمانه؟؟
ميار وهى تنظر اليه: مش بندم على حاجه قولتها
وهى تتجه الى الباب: تصبح على خير
صعدت الى غرفتها بسرعه وبكل غضب منه اغمضت عينيها ونامت نوما بدون أحلام
صباحا ذهبت الى الشقه وقد سبقها طاقمها الى هناك
ميار: محمد .. هدلى الحيطة دى..وشوف الحجات اللى فالورقه دى واطلبها
محمد: حاضر يا بشمهندسه
استمرت ميار فالعمل حتى الساعه الخامسه مساءا ..عادت الى المنزل ولم تتناول طعامها ونامت
استقظت فاليوم الذى يليه مبكرة جدا..صلت وابدلت ملابسها وخرجت
ظلت هكذ كل يوم مدة اسبوع كامل
حتى ظهر الارهاق على وجهها جليا بأحد الايام..هبطت ميار وقت الافطار جلست الى المائدة معهم وهى تشعر بتكسر بجسدها
رأفت: انتى شكلك عامل كده ليه؟
ميار محاوله الابتسام: صباح النور يا عمو..مالى
مديحه: شكلك مش عاجبنا يا ميار..شايفه وشك بقى عامل ازاى..عنيكى دبلت يا بنتى
ميار : هى ورده يا عمتو عشان تدبل
مديحه: بطلى هزار .. انتى بتتعبى نفسك فاشغل اوى ..هو انت مستعجلها ياحازم
حازم وهو يتفحص وجهها: ابدا يا ماما .. انا لسه قدامى وقت بخلص فيه حاجات تانيه..على مهلها
مديحه: سامعه
ميار: ياعمتو انا ملتزمه بمعاد تسليم لازم اخلص فيه.. وبعدين انا كويسه ما فيش حاجه
مديحه بعتاب: افضلى قولى كويسه كويسه كده..مش عارفه انتى بتضحكى على مين..عليا ولا على نفسك
نهضت ميار : مش بضحك ولا حاجه ياعمتو..هروح اسخن العربية
مديحه:وترجعى تفطرى زى الناس
ميار: حاضر
اتجهت ميار الى باب المنزلوهى تشعر بطرق خفيف وبدوار بسيط برأسها
ماهى الا خطوتين الا وقد مادت بها الدنيا وسقط مغشيا عليها
اخر ما سمعته هوصوت حازم الفزع وهى ينادى باسمها
مديحه بصراخ: بنتى
نهض حازم بسرعه واتجه اليها ركع بجوارها بلهفه: ميار…. فوقى يا ميار
مديحه: قومى يا حبيبتى
حازم: ماما هاتى برفان او اى حاجه
نهضت مديحه بسرعه: استرها يارب
ضر,ب حازم وجه ميار بخفه وهويحاول افاقتها:ميار ..سمعانى..
مديحه: امسك يابنى
قرب حازم العطر من انفها حتى بدأت تتململ
فتحت ميار عينيها لتصدم بوجه حازم الشاحب
ميار: حصل ايه؟
حازم بحنان بالغ: اغم عليكى
مديحه: من قله اكلك من ساعتها بقول وشك تعبان
رأفت: مش وقته يا مديحه
حازم:تقدرى تقومى
هزت ميار رأسها ..نهضت بمساعدة عمتها التى جلستها الى اقرب مقعد مريح
ميار: انا كويسه يعمتو ما تخافيش
احتضنتها مديحه : ربنا يحميكى يا حبيبتى
ميار: انا دلوقتى هبقى كويسه.. هاكل وهبقى تمام
حازم: تاكلى وترتاحى
ميار: حازم انا بقيت كويسه
حازم : مافيش شغل النهاردة
ميار: مش هينفع
حازم بحده: يتحر,ق المكتب ..قولت ما فيش شغل
ميار: الناس مستنينى هناك ما ينفعش مااروحش
جذب حازم هاتفها بسرعه وبدا بالبحث عن رقم معين
ميار: بتعمل ايه
حاولت اخذ هاتفه الا ان الطرق براسها تزيد فعادت لو ضيعتها
رأفت: مصدعه اكيد
وجد حازم رقم وطلبه بسرعه
منى بضحك: ايوة مادام اتصلتى بدرى كده يبقى دراكولا عملك حاجه
حازم بجديه: انا حازم بن عمة ميار يا آنسه منى
تعلثمت وارتبكت منى: اهلا ..ازيك يا دكتور..حازم
حازم: كويس الحمد لله..لو سمحتى ميار مش هتقدرتيجى اشغل النهاردة
منى: مالها؟؟
حازم:تعبانة شويه..ممكن تكلمى الناس اللى بيشتغلوامعاها وتبلغيهم انها مش هتروح النهاردة؟؟
منى: الف سلامة عليها..حاضر هكلمهم حالا وهكلمها لما اخلص ان شاء الله
حازم: متشكرجدا مع السلامة
ميار بضيق: برضه نفذت اللى فدماغك؟
حازم:مش هتخرجى وخلاص خلصنا
مديحه: اسعى الكلام يا حبيبتى
ميار: حاضر يا عمتو
مديحه: لاهجيبلك تفطرى وتطلعى اوضتك تنامى شويه اتفقنا؟
ميار: اتفقنا حاضر
تناولت ميار الافطار وصعدت الى غرفتها
اوقفها حازم عند باب غرفتها
حازم: ميار
مير: نعم ياحازم
حازم : حاسه بايه دلوقتى
ميار: بقيت كويسه ولله الحمد لله..اسفه عالازعاج اللى سببته
حازم: بطلى جنان..منى صاحبتك هتبقى تكلمك تقولك عملت ايه
مير:طيب
بدأ حازم فالسير مبتعدا لكنه توقف فجأة وكأنة تذكر شيئا : اه ..ميار؟
ميار: نعم
حازم بابتسامة :لما منى تتصل ابقى قوليلها دراكولا بيقولك مبروك الخطوبه
صمتت ميار ولم تعرف بماذا تجيب