وعاد من جديد ج2

الفصل السادس عشر

نهال: عشان انا الى فرقت بينكوا .. انا يا ميار

صمتت ميار وحازم من صدمة تصريحها

ميار محاوله الاستيعاب: انتى بتقولى ايه يا نهال ؟؟…..انامش فاهمه حاجه

نهال وقد بدات فى فقدان أعصبها : مش فاهمه ايه يا ميار ؟.. مش فاهه ان انا اللى كنت السبب ان حازم يفتكر انك بعدتى عنه بعد حدثته؟؟…. مش فاهمه ان انا اللى كتبتله جواب على لسانك اقوله فيه انك مش عوزاه

لسه مش فاهمه ..لسه

نهضت ميار بسرعه من جوارها نظرت لحازم الذى ظهر على وجهه الذهول

ميار بصوت مرتجف:ليه يا نهال..عملتى كده ليه؟

نهال ببكاء شديد: سامحينى يا ميار ..كانت غيرتى وغضبى منك عامينى … طول الوقت حازم مهتم بيكى انتى ..بيحبك انتى ..انتى وبس ..عمره ما حس بحبى ليه ولامحاولات قربى منه .. ديما كان جمبى صحيح بس اخ ..اخ بس وانا كنت عوزاه اكتر من كده..كل دابقى ليكى انتى وبس

غضبى عمانى …كل ما اسمعك بتحلمى بإسمه ويزيد وانتى عيانه ..وهو فالعمليات وبعد البنج يفضل ينادى عليكى … ماعرفتش انا عملت كده ازاى

اكملت وهى تنظر اليها ببكاء اشد :كان شيطانى بيغرينى اخرب علاقتكوا ببعض ..ونجح ..معرفتش ازاى كتبت الجواب ولا ازاى اديته للامن يديه لاى ممرضه وتدخهوله

اكملت بتوسل من عينيها: كان غصب عنى يا ميار ..والله غصب عنى

حازم بحده: وكل الكلام ده ما اتقلش بعد ما اتجوزتى ليه يا نهال .. حرام عليكى… حرام

نهال وهى تدافع عن نفسها: خفت.. خفت اتكلم … كنت انت سافرت وميار عايشه حياتها عادى ..قولت الموضوع مات خلاص

ميار وهى تذرف دموعها لكن تتحدث بتماسك: طيب وانا ..ما صعبش عليكى حالى .. قلبك ما اتحركش وانتى بتشوفيى بموت كل يوم .. خالص يا نهال ..ماحستيش باختك خالص

وقفت نهال فجأة وهى تقترب منها:كنت بتقطع عشانك ..بس ماقدرتش اتكلم ..ما قدرتش ..قولت انتى صغيرة وهتنسى ..كله هيعدى

ميار: وان اللى مش ليكى ما ينفعش يبقى ليا صح

صمتت نهال للحظة وهى تظر ليها: سامحينى يا ميار

حازم: وايه اللى خلاكى تتكلمى دلوقتى..ايه اللى اتغير يا نهال

نهال وهى تنظر اليه بعذاب : حسين ..حسين يا حازم ..لما شفته بيضيع منى عرفت اللى عملته معناه ايه ..عرفت انى عملت مصيبه سوده

ميار باختناق: يعنى كان لازم حسين يجراله حاجه عشان تتكلمى؟… لو كانت كل الامور كويسه كنت هفضل كده ما اعرفش حاجه