ملح بطعم السكر 4

حدقت ورد لابنتها وعندما رات ابتسامتها رقص قلبها طربا وقالت ساخرة بفرحه ”
يعني انا احمل تسع شهور واسهر الليالي ويجي عمها ياخد اول ابتسامه ليه، بذمتك يا جاد ده مش ظلم

علت ضحكة جاد الرنانه بصوت صاخب وظل يضر,ب جبيته بيده وقال بمرح”
والله يا ورد شكل بنتك عاشقه،ولو قعدت انا وانتي نلعبها ونسهر جمبها ليل ونهار ما هتعبرنا وتبتسم لينا زي ما ابتسمت لرياض، مش واخده بالك انه اول ما خدها سكت وابتسامتها ليه ده تاكيد انه مش عايزه غيره
لا بنتك دي حكايتها حكاية ، ممكن اعرف يارياض انت عامل ليها ايه علشان تحبك بالشكل ده، متكونش بتحسبك ابوها

كانت وقع الكلمه علي سمع رياض بها لكنه غريبة جعلته يجفل ليحدث نفسه بانزعاج”
فعلا هي بنتي وبنت عمري لكن ياتري تقصد ايه بكلامك يا ابن ابوي ، من الواضح ان اهتمامي بيها وحبها ليها خرج عن السيطرة ولازم اخد بالي من اللي جاي زين

يكفهر وجهه معبرا عن ضيقه ليناولها الي حاد مره اخره بعد ان غفت بين يداه ويقول”
هي بتي فعلا يا جاد لانها من دمك ،ودمك هو دمي ولا عندك شك ، في ان اللي منك يبجي مني وجلبي عليه زيك
بلا انا همشي دلوج لاتي انا اتاخرت جوي علي اشغالي ، اشوفك بخير يا ولد بوي
ويغادر رياض بدون كلمه اخري لبتملك ورد شعور بالضيق بسبب زعل رياض من حديث جاد الغير منصف لتقوله”
ممكن افهم تقصد ايه بكلامك بانها بتحسب رياض ابوها

جذبها واجلسها جاد ليقول بهدةء وتريث ”
والله ما قصدت حاجه بس ياسمينا بتشوف رياض اكثر مني وفتحت عينها عليها،واللي اعرف ان الطفلةبتعرف امها بسبب رعايتها ليه لكنها بتبحث عن ابوها في الرجاله اللي حوليها
ولان رياض كان موجود معاها في شهورها الاولي،وحاليا بيزورها كل يوم تقريبا، وبسبب حنانه حسبته ابوها، هز ده كان قصدى يا ورد مش اكثر
ليتنهد بضيق وهو يضمها هي وابنتها التي تحملها الي صدره”
بس الواضح ان كلامي ضايق رياض، يارب يكون فاهم قصدى صح ، هو كمان لازم يتاكد ان لو عندى ذرة شك فيكي او فيه كنت استحاله اترككم في رعايته بالشهور

يلاحظ وجوم ورد وصمتها ينحني ليقبل ثغرها ويغمز لها بشقاوة ”
بقولك ايه مش المزعجة نامت ما تجي احنا كمان ننام مستاق لحضنك وبسبب ياسمين مبقتش عارف اتلم عليكي

ضحكت ورد واكتسي وجهه بحمرة الخجل ليتنهض حامله ابنتها بين يداها وقالت له”
طيب انا هسبقك انيم البنت وانت حصلني وانت وبختك
ينهض جاد وياخذ ياسمينا منهة ويهمس له ”
لاء هاتي انيمها انا لتنامي في حضنها وتضيعي عليا حضنك
روحي انت استعدي لاسعد جوزك المشتاق ليكي علي ما انيمها
تدخل ورد غرفتها وتتهيأ لقضاء ليله في حضن زوجها الذي غاب علبها كثراً في وضع ابنتها بالفراش ،
وبعد ان ملت الانتظار تذهب اليه لتعرف سبب تاخيره عليها لتراه غفا وابنته في حضن لتملس علي وجهه البرئ وتضحك ساخرة مما حدث لتقول بمزاح”
اه منك يا بنت ورد سرقتي مني رجالتي ،مش كفاية عليكي سرقت قلب رياض كمان تسرقي حضن جوزي
ليه حق ابوكي لما قال شكلك واعرة بس مش زي امك اللي طلعت غلبانه منك
تقبلها بحب وتقبل جبين زوجها وتطفي قابس النور وتخرج
••••••••••••••••••••••••••••••••••••••••••••☆
تنتهي اجازة جاد سريعا ليسافر مره اخرى، تاركا زوجته تعاتي الويلات بالمعيشة في بيت العيلة وتحت رعاية رياض الذي عزف عن زبارتهم في الفترة الاهير قبل سفر اخية بعد حديث جاد المبهم عن سبب تعلق ابنته الصغيرة به