طُعم بيد أليفة ج3
_أنا مستحيل أوافق انك تتجوز علي، متخلنيش اتجنن عليك تاني
دنت تلكزه بصدره
_جواز لا… وخاصة البنت دي
قبض على ذراعها بغضب
_عارفة لو قربتي من خديجة هعمل فيكي ايه
نظر إليها بغضب، واشار لساعته
_ساعة وتجهزي، علشان هنروحلها، وتقولي انك موافقة
_ههه لا والله وايه كمان
سحبها من كفيها بقوة حتى ارتضطدمت بصدره، لتصبح بأحضانه،رفعت عيناها اليه
_هتروحي ياماسة، لأني هتجوزها، فخلي مظهرك قدام الناس حلو،وانك موافقة
_انا مش موافقة هتاخدني غصب عني
انحنى يهمس لها بعض الكلمات،تراجعت تنظر اليه بصمت للحظات، ربما مضى دقيقة
_تمام ياعبدالرحمن، بس بشرط
حك ذقنه وقال
_خير
_يوم الفرح تبات معايا
مط شفتيه وهز رأسه
_اوكيه… ولو عايزة نخاوي سيليا معنديش مانع
اقتربت تنظر لعيناه
_مترجعش في كلامك بس
_هز رأسه واشار اليها
_غيري يلا… انا اتصلت بالمأذون
تجمدت تنظر اليه بذهول
_انت كنت مقرر حتى لو مش هوافق
احتجزها بينه وبين الجدار
_ماسة خديجة دي حب حياتي، من وانا عيل وبرسم انها تكون مراتي، محصلش نصيب في الاول، وربنا دلوقتي قالي نصيبك قدامك، تفتكري ممكن افوت الفرصة
_وانا
_هتفضلي زي ماانت، وافتكري قبل جوازنا قولت لك لو جاتلي ربع فرصة علشان تكون ملكي ههد الدنيا دي علشانها
_طب وانا
_نسيتي عملت ايه علشانك، انت ماحفظتيش عليه،مصرة تفضلي ماسة اللي بتغلط وابوها يطبطب عليها
اقترب وهمس بجوار اذنيها
_احسن لك،خليني ناسي،وخليني اتهنى بحبيبتي، اهو ترتاحي مني ياماسة
نظرت لقربه، حتى وقعت عيناها على خاصته
_عبدالرحمن انا بحبك…قالتها وهي تقترب اكثر لتقبله
ضم رأسها لصدره
_وأنا كمان، بس غير حب خديجة ياماسة
لكمته وهي تدفن رأسها بصدره
_انت قولت اتجوزت، انا بكرهها البنت دي
_بس انا بحبها واوي كمان،واظن كنت واضح معاكي من الاول
ابتعد واحتضن وجهها
_ماسة…انا هفضل معاكي زي مااحنا
_بس هتحبها هي، هتبقى عندها هي
_مش دا كان طلبك اول ماجينا، مش انت اللي شرطي، لو ناسية كله متسجل
_مكنتش اعرف اني هحبك يااخي
_وانا طلبت منك ايه، لو ناسية افكرك
_مكنتش اعرف انك هتتجوزها
_يعني عايزاني اتخلى عنها بعد اللي عرفته
_انا ماليش دعوة تتخلى ولا لا
_يعني ايه؟!
_يعني متتجوزهاش
_ماسة اجهزي زمان المأذون على وصول
نظرت اليه ثم قالت
_والله… طب مترجعش تندم بقى
امسكها من ذراعيها ينظر اليها بغضب
_خديجة لا ياماسة، مش هعيد كلامي
واجهزي علشان منتأخرش
