ملح بطعم السكر 1

يضحك رياض ولثاني مره يهوي قلبها له ، ليجذبها ويجلسها امامه ويقول لها بغموض وخبث”
انتي رضيتي وجبلتي وموافجه كمان وخلاص اللي بينا زواج بشرع الله انت من دلوج خليتي جوازنا حلال

لتنظر اليه بريبة ووتهتف حانقه ”
رضيت ازاي؟ وانا بقول بعلو صوتي مش عايزاك

يتطلع اليها والبسمه تعلو شفتاه بسخرية”
لو ندرتي نفسك هتعرفي زين انك جبلتيني، ورضيتي بيا زوج ليكي، يا ورد انتي مش ساترة نفسك وواجفة تتخانجي معايا ومش خجلانه خابرة ليه
لانك جابلي بيا كزوج ليكي لسانك بيرفض لكن جسمك موافج وعلشان اكده مش بستحي مني
واوعاكي تجوليلي انه عادى تتكشفي اكده جدام الرجاله، لانك غالية اووي بعيني يا بت عمي، ولو سجطي من نظري عمري ما هرفعك فيه تاني

ترتبك ورد وتجذب الغطاء لتستر جسدها لكنها تتسال مع نفسها ، لماذا لم اشعر بالخجل منه هل لانه زوجي ام لنظرة الحنان التي تملاء عيناه ام لانه كثير الشبه بأبي رحمة الله عليه ،لتنظر اليه وتراه بانتظار ردها لتثور لكرامتها قائلة”
انا اشرف منك ومن كل بناتكم ،انا عمري ما انكشفت علي حد

يربت رياض علي خدها بحنان لم تتوقعه منه”
كنت واثج ، علشان اكده بجواك جوازي منيكي صحيح مش باطل كي ما بتجولي لانك ريداني وحسا الامان معايا

وقبل ان ترد عليه يلتقط جلبابة ويرتدية ويبتسم لها ويخرج
لتلقي ورد نفسها علي الفراش تفكر بكلامه وتتساءل
هل فعلا جسدها وقلبها قبل الزواج منه، قبل عقلها ام ماذا حدث لها لتشعر بكل هذا الراحه معه
*************
يخرج رياض من غرفته لتقابله امه سائلة بتعجب وقلق”
فين مرتك يا ولدى؟
علي ما نزلت اسلم علي بنات عمك لجيتهم مشو وسناء جالتلي انك خدتها ودخلت اوضتك

يمسد علي يد امه بحنان ”
ايوة دخلتها ترتاح عروسة ،الحياة لستها جديدة عليها انت خابرة

تتطلع الية بابتسامه حانية وتنظر الي حفيظة الصامته بوجوم لتجذبه من اذنة وتهمس قائلة”
اوعاك تكون افتريت عليها، البت صغار كي ما جالت امها

يضحك رياض بصوت صاخب ”
لاه يا اماي متجلجيش مفترتش عليها ولا حاجه ، هي اللي كي البسكوته مدلعه، وانت خابريني زين مبقدرش اجسي علي اللي مني، وعلشان اكده جولتلها ترتاح اليوم

تقبله امه من خده وتحتضنه بقوة”
مبارك ياولدى ربنا يجعلها سال اخضر عليك ويزيد ذريتك منيها بالبنين ، انا خابرة انك حنين جوي ورجل صوح ،
هي خديجة عشجتك من هبابه يلا ادخل صبح علي ولادك وتعالي افطر معايا انا وسناء ، و…..
لتسكت برهه ويشعر رياض بانها تريد ان تتحدث في شئ اخر ليسالها ”
في اية يا اماي كملي حديتك؟!!