ملح بطعم السكر 1

يتطلع اليها بحيرة ليزفر بضيق ”
تاني يا عما انا وعدتك وجولتلك الله في سما ما هجرب منيها غير برضاها، ولتاني مره هاكد عليكي ، انا مليش غرض فيها بس بتك عنيدة ومحتاجه تتأدب بجد
ومتجلجيش انا هكون ليها الاخ والسند جبل ما اكون ليها الزوج والشريك ، دي لحمي يا عما وامانه حملتهاني وهصونه
وواعي سبب خوفك عليها زين، لانك منقذتهاش من واحد بيستغل براءتها ،لتعطيها لراجل ياخدها بالغصب مش اكده

تنهدت حفيظة بارتياح وهدا بالها بعد ان طمئنها رياض وفهم ما تعانيه من قلقها علي بنتها لتشكر ربها علي نبل اخلاقه معاها
***************

يخرج ليصلي الظهر مع عمه الشيخ ياسين ويطمن علي احوال الارض والمزارعين ويعود الي داره لتقابله حفيظة وهي تحمل له صينية الاكل عليها ما لذ وطاب وتقول له”
اتاخرت يا ولدى وبتي من عشيه مكلتش لجمه وانت حابسها خد انا جهزت ليكم الوكل بيدى

يحمل منها رياض صينية الاكل ويشكرها ليقول له”
يا عما اصبري عليا بنتك لسانه غلاط ، مريدش استعمل معها الشدة كي ما تكرهني وتعمل حاجه في نفسها
انا بادبها بالين والهوادة واحدة واحدة هينصلح حالها اصبري بس عليا ، الله في سماه لاخليكي تتشرفي بيها انتي وعمي

ليتركها ويذهب الي غرفته مع “ورد” ويدلف عليها ليراها مازالت نائمة علي حالها منذ أن تركها يضع الصينية علي جنب ويجلس بجوارها يصحيها بهدوء وحنان”
ورد بت يا ورد جومي بجيني العصاري بيكفي جومي

تفتح عيناها وتبتسم كانها كانت تحلم حلم جميل وتظل ترمق رياض بنظرات باسمه لتنتفض فجاة وتنهض مفزوعه”
في اية عايز مني ايه؟!!

يتطلع اليها رياض باستغراب وحيرة ليسالها”
كنتي مبتسمه ووشك منوره ليه اتخضيتي وجومتي مفزوعة اكده! ايه كنتي بتحلمي وصحيتك من حلم جميل؟

تتبلع ارياقها وترمقه بنظرات محيرة لا تعرف لماذا ترتاح له رغم كل ما عانته بسبب اجبارها علي الزواج به لتقول”
ايوة كنت بحلم ببابا ولما فتحت شوفتك هو لحد ما فوقت ولقيتك انت اتخضيت ، نعم عايز اية؟

يضحك ويحمل صينية الاكل ليضعها امامها ”
مفيش امل لسانك كي الافعي متلفحه بيه ، كل هبابه تلدغي لدغتك بكل وقاحه ، هكون رايد منيكي ايه
جايب ليكي الوكل نتغدا سوا ولا هترفضي تكلي لحد ما تموتي، واكده هتضيعي حلم بوكي فيكي

لتحدق اليه بقوة غير مصدقه ما يلمح اليه بحديته لتقول بفرحه مكتومه”
افهم من كده انك هتخليني اكمل تعليمي !