ملح بطعم السكر 1

تتنهد وتزفر بضيق”
مش هترد خيتك لجوزها، ٥ شهور غضبانه ردها يا ولدى بكفاية

يهز راسه بقوة رافضا حديث امه ليقول لها”
لاه سناء مش هتعاود دار جوزها غير برضاها، وجبل ما تعاود لازم يجي هو ويجبر بخاطرها
كيف يتجوز عليها بعد ٦ شهور من زفافهم علشان محملتش ، ده مش عدل هو ظلمها، ومرته الجديدة اللي اتجوزها من البندر هي كمان محبلتش يعني العيب فيه مش في خيتي
انا جولتها كلمه، سناء لو مريداش ترجعله انا هطلجها منيه لكن تعاود مجهورة ومَكسور نفسها لاه ،دي اخت الكبير ومجامها من مجامي ومادام محترمنيش يبجي منتظرش منيه يحترم خيتي ،

يضرب كف بكف ساخطا بغيظ علي اختها لترددها”
هي بس اللي لسته عندها امل انه يعاود ليها بعد ما يجدر خسارتها لولا اكده، كنت طلجتها منيه،وياريت يا ست الكل متعاوديش تاني الحديت في الموضوع ده

تربت امه علي ظهره وتبتسم له بحنان وحب”
خلاص متتعصبش اكده يا عريس، بس جولي ليه مفرحتنيش بيك وعملت ليلة كبيرة تفرح عروستك بيها والكل يعرف انك اتجوزت ولا خايف يجولوا كيف اتجوز علي خديجة بعد عشجه ليها اللي كانو بيتحاكووو بيه

يؤمي رأسه وينظر اليه بغموض”
اكده مريدش حد يعلم اني اتجوزت، ده سرنا انتِ وبيت عمي حتي جوز هداية بلغتها متجلوش ، ورد محتاجه وجت لحد ما تتعاود علي عاداتنا وسلونا،لتكون مناسبة لي كمرت الكبير،وعلشان اكده اللي يسالك عنيها جولي ان عمي منصور مات ومرته وبته جم يعيشو معانا وده حجهم

تلطم عديلة صدرها بصدمة ”
بتجول اية ياولدى،افرض حدا من ولاد عمها ندرها وزاد يخطبها ، او حبلت منيك هنجول اية وجتها

يبتسم رياض بمرح ليرد علي امه بالحجه ”
يا ست الكل،في وسيلة لمنع الحمل ، وكمان ورد لستها بتتعلم اي حد هيريد يخطبها هنجول لما تخلص علامها كي وصية بوها متجلجيش، بس زي ما جولتلك مرايدش حد يأخد خبر بجوازي منيها ولما تتتعود علينا، وتعرف كل حاجه عن عاداتنا انا اوعدك اعملها فرح كبير يكون ٧ ليالي بحالهم

تأخذ نفس عميق وتزفر براحه وهدوء”
خلاص يا ولدى اللي تجوله، لتنظر الي اختها بمودة
وانتي يا حفيظة موافجة ولدى علي اللي جاله وهيعمله

تؤمى حفيظة برأسها بالموافقة”
اللي يجوله رياض انا موافجة عليه يا خيتي اكيد

لتقترب منه وتساله بصوت خافت”
اوعاك يا رياض تكون لمستها انت وعدتني، ولية جفلت عليها الاوضة انا رايدة ادخل اطمن عليها