أحببت فريستي ج1
ضيقت عيناها وهي تزمجر بضيق :
– بقولك ايه اثبت بقي عايزه اخلص !
هتف بحده وهو يستقيم :
– لا بقولك ايه اضبطي كده بدل ما اقوملك !
لتقول مسرعة وهي تثبته مكانه بابتسامة سخيفة :
– لا مكانك والنبي ما انت قايم دانا بهزر معاك ايه مبتهزرش يا رمضان !
ابتسم ابتسامه جانبيه وهو يهتف بتهديد :
– ايوه كده اتعدلي ولو عملتي اي خدش تاني لهقلبلك وشك خريطة
أومأت لتكمل وبعد دقائق معدودة قالت بابتسامة راضيه وهي تقف وتضع امامه مرآه :
– خلاص يا باشا متزعلش نفسك انا خلصت اهو !
ليغمغم ببطء وعيناه تحمران بغضب ودهشه :
– نهار ابوكي إسود ايه دا دانتي شوهتيني خالص !
هتفت بابتسامة متوترة وهي تتراجع بخوف :
– ما ما انت حلو اهو !
التقط اداه الحلاقة الحادة وهو يهتف بوعيد :
– مهو انا بقي علشان حلو لازم اخليكي حلوة زيي !
لتصيح بخوف وهي تركض بأقصى سرعتها وهو يلحق بها بخطوات غاضبه :
– لا بقولك ايه اعقل يا يوسف دانا مراتك حبيبتك !
اخد يعدو خلفها بتوعد وهي تصرخ بفزع حتي خرجت من المنزل الصيفي الذي يتصل بالبحر وكانت تبعد خطوه واحده عن البحر هتفت بخوف :
– خلاص يا چو قلبك ابيض…
ابتسم ابتسامة جانبية قائلاً بوعيد :
– انا بقي قلبي اسود ومبسامحش في حقي أبداً !
هتفت ببراءة وهي تتوسل الا ينتقم من تلك الخدوش التي احدثتها في وجهه :
– كده هقع في البحر والجو تلج اهون عليك يا چو دانا حبيبتك
رمي من يده اداه الحلاقة وهو يقترب ببطء وحذر ويهتف بحنو مصطنع :
– لا طبعاً متهونيش يا قلب چو !
تنفست الصعداء حتي باغتها بجذبها اليه بسرعه وحملها الي صدره لفت زراعيها حول رقبته تلقائيا ًفهتف بمرح :
– متهونيش عليا تقعي في المياه الساقعة….. وغمز لها بابتسامة ماكره واكمل:
– لوحدك !
استعت حدقتيها في فزع وهي تصرخ به برعب ما ان ادركت معني حديثه :
– لالالا يا يوسف بلاش جنان.!
ولكن سبق السيف العزل فقد عزم علي سباحتهم في تلك المياه الباردة فهتف بمرح وهو يقفز بقوه في تلك المياه الباردة وصوت صراخ ميرا يكاد ان يصم الاذان :
– امسكي كويس !
الحلقة 12
.
.
.
رواية / احببت فريستي
_ خطر _
– حسبي الله ونعم الوكيل فيك يالي في بالي !
هتفت بها “ميرا” وهي ترتجف من البرد وتلف حولها غطاء سميك وتنظر لذلك الجالس بغطاء أخر امامها بغضب وهو يجلس ببرود أخفي نظراته المستمتعة بغضبها ليقول ببرود :
