جريمة لا تُغتفر ج2

سيف باعجاب : اممم جميل فعلا قريت كتاب عن انجازات يوسف القاضي … لكن انا كانت ما بتخلنيش اروح المدرسة عشان جبت الأول عشان كنت اشطر من عيالها … فاكر يا محمد كم مرة غبت عن المدرسة طيب فاكر كم قعدت اكل معاكو ولا مرة كنت باكل في المطبخ اللي يزيد من وراكو سليم باشا
نظر له سليم وهبطت دموعه ليكمل سيف بصوت متامسك خلفه قهر الكون : كم مرة دورت عليا سألت انا ليه ما باكلش معاكو .. علا صوته وقال… جاوبني
عارف يا محمد انا كنت عايز روان مش عشان حبيتها انا فعلا حبيتها زي اختي من طيبتها بس كنت عايز احرمك من حاجة ماهو انتو خدتو كل حاجة وانا ولا حاجة انا لو غبت عن البيت سنة ماحدش بيفتقدني
وجه نظره لجيهان التي كانت قد انهارت من شدة البكاء وقال بوجع: المهم عندك حبيبك نمتي في حضنه كان يستاهل تضحي بابنك عشانه .. بصي قسمت العدل يوسف عاش معاكي عمرو كله ححرمه من حب عمرو مش حيبقى في يوسف
يوسف : س..
قاطعه بصراخ انت تسكت وتسيبني اكمل : هيثم ابنك كان غلبان يوسف كان بيتصدق عليه فما حبتش اضرو صراحة بس يوسف القاضي خد كل حاجة اب وام وفلوس وحب دلوقتي انا حاخد روحوا وروحوا
وجه سلاحه ليوسف لتقف ألاء امامه وقالت بدموع : بلاش عشان خاطري
سيف : الاء ابعدي بتدافعي عنه ده حرمك من حبيبك عشر سنين
آلاء : بس كان اخ حنون عوضني عن كل حاجة
سيف : انا حعوضك بداله
آلاء : انت حتتسجن مش حتبقى معايا … يرضيك اختك الوحيدة ما يكونش ليها حد
سيف بدموع : عارفة انا بحبك اوي متابعك من زمان وعندي ليكي صور بشوفها دايما من زمان نفسي باخت اتشاكل وياها واضـ,ـربها على قفاها
الاء بابتسامه ودموع : وتحضنها وتعزمها على ايس كريم وتيجي تتسحب بالليل وانا افتحلك البيت
سيف بابتسامه : وتعمليلي عشا واقولك عن البنت اللي عيني منها
آلاء: وانا احاول اقربك منها واشبكك وياها وتيجي تتعصب عليا وازعل منك وتشلني لغاية السوبر ماركت تجبلي شوكلاتة عشان ما ازعلش
سيف بدموع : انا تخيلت كل ده وانا ماسك صورتك
آلاء ببكاء شديد : ياريتك جيت كنت محتاجاك اوي كنا عملنا كل اللي انت قولت عليه نزل سلاحك يا سيف وخلينا نعيش الباقي من حياتنا سوا انا مش حخرج من حضنك ابدا ابدا
سيف : بجد يا الاء حتسامحيني وتخليكي معايا
اقتربت منه بخطوات حذرة وهمست برجاء : بلاش تضيع نفسك والباقي من عمرك لسة في امل تكون عيلة زي اللي بتتمناها
رفع نظره ليجد ملاكه البرئ أمل لطالما ابعد نفسه عنها وانكر حبه لها حتى لا يوجعها بمرضه النفسي فهو غير سوي
أمل برجاء : انا بحبك اوي عمري ما بطلت احبك
سيف : بس انا مش كويس حأذيكي انا بكرهم كلهم وحكرهك زيهم انا ما استاهلش حبك
امل بنفي : انت اطيب واحد في الدنيا انا حبيت قلبك احنا حنخرج من هنا عالمؤذون حتجوزك غصب عنك
ابتسم وهمس أفكر
واخيرا استطاعت جيهان انا تنطق بألم وصوت خافت : سامحني يا ابني سامحني حافضل لآخر يوم في عمري احاول اعوضك عن اللي عملته فيك سيب اسراء مالهاش ذنب
سقط السلاح من يده ركضت اسراء لحضن يوسف الذي ضمها بكل قوته وركضت آلاء لحضن سيف الذي وجد طوق نجاته في حضن اخته فطالما تمنى عائلة ضمها بقوة
آلاء : كلام بسرك حاسة حالي بحبك اوي اكتر من يوسف والله
يوسف : سمعتك على فكرة
اقترب يوسف من سيف وهو ينظر داخل عينيه كان يود قـ,ــ,ـتله لكنه معذور بكل شئ
مد يده سيف بدموع وهمس : انا اسف
سحبه يوسف من يده وضمه بحب وسيف دموعه لم تتوقف
تركه قليلا ليمسكه يوسف من أذنه وهمس بهزار : بص انت اخويا الكبير وكل حاجة بس مش حسمحلك تقرب منها بعد كدة
سيف بضحك : لا يا عم الله يجعل كلام مجنون اسراء خفيف علينا..
نظر يوسف لاسراء وهمس : هما فاكرين نفسهم بهزئوني اما يقولولي مجنون اسراء
من كتفها وهمس : وأفتخر
سيف :يوسف مش انا اللي حرقت الفيلا علاء مسعود بس انا كنت هناك حاولت امنعه واطفيها انا ورجالتي عشان كدة تثبتت عليا
يوسف بسعادة : يا جدع تعالا بحضن اخوك واخيرا ليا اخ كبير حمرمطه ورايا
سيف بحب : وانا جاهز عينيا ليك .. تنهد بوجع وهمس انا عملت كل ده عشان نفسي اتشاف نفسي ابقى موجود
يوسف بحنان : اوعدك مش حنسيبك تاني ابدا
وجه نظره لاسراء وهمس : انا اسف
اسراء : حصل خير المهم سوء الفهم تحل ورجعتوا لبعض.. يوسف عندي سؤال
يوسف : ايه يا قلبي
اسراء : في شهر طلعلك اخ واخت في غيرهم
ضحك الجميع عليها بشدة
يوسف بضحك : والله ما اعرف لحد علمي لا
وقف سيف امام جيهان ينظر داخل عينيها يلومها بشدة انها سبب عذابه وكرهه لنفسه طوال السنوات الماضية
فتحت له يديها وهمست ببكاء: تعال في حضني يا ابني