جريمة لا تُغتفر ج2

في الشركة يتم بعض الصفقات المهمة لكنه يشعر بصداع يفرتك رأسه
ليتفاجأ بسيف امامه
يوسف بضيق : خير
سيف : ايه خير دي .. عايزك تصالحني على محمد .. محمد بحبك وبسمع منك
يوسف بسخرية : ليه انت عملت حاجة عشان يصالحك
سيف : بدون استظراف عادي واحد طلق وحدة والتاني اتجوزها ايه المشكلة
يوسف : لا ابدا انا مكانه ااقـ,ــ,ـتلك
سيف بسخرية : لا محمد بحب روان اه .. لكن مش مجنون بيها زي ناس
يوسف بابتسامه: وافتخر احسن من ناس مريضة ما بيحلاش ليها غير اللي في ايد غيرهم

دق باب المكتب ليتفاجأ بالآء
يوسف : حبيبتي تعالي يا روحي
الاء : حعطلك .. قلقت عليك وانت ما بتردش
يوسف : لا يا قلبي حخلص العقد وامشي معاكي

كان سيف ينظر لها دون ان يرمش بعينيه حتى هيا تنظر له كأنها رأته قبل ذلك
الاء : اهلا هو انا شوفتك قبل كدة
سيف : ما اعتقدش اني شوفت القمر ده قبل كدة

يوسف بضيق : فرصة سعيدة يا سيف اكيد حشوف موضوعك
سيف : ضروري عشان خاطرو مش خاطري
لاحظت الاء نظرته لها وابتسامته لكنها لم تتضايق
قام سيف للذهاب لكنه استدار ينظر لالاء بابتسامه وهمس : ابقي خلينا نشوفك … وخرج
الاء باستغراب : مجنون ده ..
يوسف : ما تاخديش في بالك اقعدي هنا حمضي العقد ونخرج

وفي اليوم التالي ذهب أيضا لاعادتها لن يغادر بدونها لن يهمه كرامة المهم ان تعود لقلبه
(يوسف واسراء أبطال انقلب السحر على الساحر قصة حبهم فخمة اقروها)
كانت تجلس في الصالة واول ما رأته ذهبت لغرفتها ركض ناحيتها امسك يدها ودخل الغرفة وأغلق الباب ضمها لحضنه دون كلام طال حضنه كثيرا
ثم اجلسها على السرير وجلس على ركبتيه امامها امسك يدها وقبل كفها وهو ينظر لها وهمس بحنان شديد : انا زعلتك في حاجة… عاتبيني قوليلي بس مالك من امتى بتبقي بالقسوة دي يا اسراء
اسراء ببكاء : ومش حارجع
يوسف بفزع : في ايه .. ايه مش حارجع دي انتي فاكرة انه بكيفك وانا مش حمشي اموت ولا اعيش يوم تاني بدونك بس فهميني مالك
اسراء : بس اخترت اهلي دي الحكاية
يوسف بعدم فهم : هو انا بعدتك عن اهلك
اسراء : حاسس بايه وانا بعيدة عنك
يوسف : اني بموت حرفيا بموت
ضمت وجهه بكفيها وقبلت جميع انحاء وجهه وهمست امام شفتيه : انا بحبك اوي
اقتنص شفتيها بغرام واعتلاها على السرير وهو ما زال يقبلها بشوق كبير
يوسف : وانا بعشقك … اتكلمي يا رومي وانتي بحضني
اسراء : شوفت يوم واحد بعدت عنك توجعت … سألت نفسك آلاء عاملة ايه دلوقتي
تركها وجلس بجوارها لتكمل : مهما كانت بتحبك مش حتعوضها عن حبيبها انا شوفت بعيونها نظرة هدتني شقت قلبي نصين وهيا بتبص لعادل بكسرة انها اختارتك انا سمعت صوت قلب جوزها وهي بتقوله بكرة نمشي بإجراءات الطلاق.. ما توقعتش انك بالقسوة دي ازاي هانت عليك كانت بتضحك معاك بس قلبها بعيط حطيت نفسي مكانها لو حد حرمني منك حانتـ,ـحر فمكنتش حتسمع مني غير لو جربت الوجع نفسه
كان يستمع لها دون أي ردة فعل قبل جبينها وخرج يدور حول نفسه كيف فعل باخته توأم روحه هكذا فعلا لن يغنيها عن حب عمرها
وبعد فترة ذهب اليها
آلاء : ايه يا حبيبي برضو ما رجعتش ولا تهتم بكرة تيجي تحت رجليك ما تعملش بنفسك كدة
يوسف؛ حاسة بايه وعادل بعيد عنك
نظرت له بصدمة ليكمل هو : معقول موجوعة زيي كدة وانا مش حاسس معقول ان بموت فيكي بالبطئ وواقف اتفرج ليه وافقتيني ليه وافقني تدفني قلبك
آلاء ببكاء شديد : عشان بحبك اوي اوي
امسك يدها وخرج بها بسرعة
آلاء بدموع : رايح فين .. ساكت ليه
لم يتكلم فقط يسوق بسرعة شديدة إلى ان وقف امام بيت زوجها
آلاء: انت جاي هنا ليه انت لسة مش مسامحني يوسف اسمعني
هبط من سيارته دون كلام امسك يدها ودق الباب فتح له عادل ليشهق عندما رأى حبيبة قلبه
عادل بخوف : في ايه ابني كويس
سحب يوسف الاء ودفعها بحضن عادل برفق
عادل بعدم فهم: في ايه
يوسف : خبي مراتك بحضنك ما تسمحش لحد ياخدها منك
آلاء بدموع : يوسف انا مش عايزة غيرك
يوسف بابتسامه: انا ما انفعش اتجوزك خليكي في حضن حبيبك يا حبيبتي والليلة مستنيكي عالعشا انتي واياه
نظروا له بصدمة دون استيعاب ما قال
عادل بدموع شديدة : انت قولت ايه قول تاني كدة
سحب يوسف يده وضمه بحب وهمس وهو يربت على كتفه : يمكن اسف ما تكفيش بس ياريت تسامحني مراتك بحضنك احتفل معها والليلة تعال عندي خود ابنك
كانت تنظر له آلاء بصدمة فقط تبكي ايعقل ان اكبر أحلامها تحقق بيوم وليلة
عادل بدموع : ايه اللي خلاك تغير رأيك كدة فجأة
يوسف : تقدر تقول جربت الوجع نفسه ربنا يسعدكو مستنيكو عالعشا
عادل : ينفع بكرة
يوسف بضحك : هههه مش مكفيك للعشا ماشي يا سيدي بكرة
وما ان مشى حتى ركضت الاء تحتضنه بحب شديد ودموع الفرحة وهو يربت على ظهرها بحنان
عاد بيته للاطمئنان على يوسف الصغير ليوقفه رائحتها استدار ليجدها في اجمل طلة واجمل ابتسامة
يوسف بحب : لو قالولي كسبت مية مليون مش حابقى مبسوط ربع ده
اسراء : يعني انا اغلى من المية مليون معقول
يوسف : وأغلى من كنوز الدنيا
ركضوا لحضن بعضهم يريد ادخالها داخل قلبه
اسراء : انا اسفة
يوسف: انا اللي اسف وانا اللي متشكر اوي انك خلتيني اشوف اختي فرحانة كدة وأصلح الذنب اللي عملته
اسراء : طيب انت وحشني حتقضيها كلام
يوسف : احنا بعون الله بتوع فعل بس