جريمة لا تُغتفر ج2

ربت على ظهرها بحنان وهمس : مش عايزاني اخف وارجعلك واقف واشيلك كل شويا معلش خلينا نستحمل الشهر ده غصب عني صدقيني بس مش حابقى مطمن وانتي لوحدك هناك
شهد ببكاء شديد : بس خليك واثق اني حكمل معاك ايا كانت النتيجة
آدم بحب: غصب عنك اساسا
قبلها قبلة طويلة عاشقة ..ووضع جبهته على جبهتها وهمس : اشوف وشك بخير يا قلبي خلي بالك من نفسك
وما ان وصل باب المنزل حتى ركضت لحضنه مرة أخرى تبكي بشدة ضمها بكل قوته وهمس : خلاص مش حسافر حارجع مش حاقدر اسافر وانتي كدة
روان بدموع وهي تسحب شهد : شهد ما ينفعش خلي يسافر مطمن .. مش عايزاه يرجع لشغله ويرجع حياته طبيعي سيبي يسافر
هزت شهد رأسها وذهبت في حضن اختها حتى سافر ومن وقتها وهي في غرفتها تنتظره بفارغ الصبر
بااااك

رن هاتفها لتمسكه بلهفة : حبيب قلبي عامل ايه
آدم بحنان : كويس اوي يا روحي لسة حابسة نفسك في الغرفة برضو
شهد : مش حاخرج غير اما ترجع
آدم: طيب ينفع تعطيني روان اصلها وصتني على برفن نسيت اسمه وباتصل بيها مش بترد اعطيها التلفون بس
شهد : ماشي
خرجت للصالون لتشهق من المفاجأة فآدم أمامها يقف على قدميه وفي يده عكاز سقط هاتفها منها وما زالت تحدق به غير مصدقة وهو ينظر لها بابتسامه وسعادة فتح يديه لها لتركض لحضنه حتى كاد يسقط وصوت بكاءها عال جدا وهو يبكي ويربت على ظهرها
شهد : مش بيفرق معايا واقف قاعد نايم المهم انك رجعت وحشتني اوي اوي اوي
آدم بحب : وانتي يا نور عيني ربنا يعلم الايام اللي فاتت عدت عليا ازاي
روان : الحمد الله احسن كتير حتكمل العلاج الطبيعي هنا عشان نستغنى عن العكاز
آدم: ان شاء الله بس كنا فين وبقينا فين
شهد : ليه ما قولتليش انك جاي كنت استنيتك
آدم: حبيت اعملك مفاجأة
شهد : اجمل مفاجأة بالدنيا
آدم : احم منورين يا خالتو وياماما ويا روان ولا ايه يا روان
روان: ييي خالتو الاكل عالنار تحت حيتحرق
فاطمة : اكل ايه
امسكت يد والدتها وخالتها وهمست : تعالوا ساعدوني الجدع مسافر وعايز يتغذى
وما ان خرجوا حتى اقتنص شفتيها بغرام وحملها على خصره وصار بها الى غرفته يعبر لها عن مدى شوقه محتضن وجهها بكفيه ويهمس بدموع : قوليلي اني مش بحلم

آلاء بضحك: اما اصدق انا الاول ابقى اقولك
عادل : ياريت اسراء ظهرت من زمان
آلاء : اسراء؟؟ وايه دخلها بالموضوع
عادل باستغراب : انتي ما تعرفيش انها كلمتني يوم ما سبتك وقالتلي انها خدت الرقم من تلفونك .. سألتني انت بتحب الاء بجد.. استغربت قولتلها ايوة ليه .. قالتلي عشان عايزة اعرف حتستاهل التضحية
آلاء باستغراب : يعني هيا سابت البيت وخلت يوسف يلف حوالين نفسه عشان ترجعنا لبعض .. انا عايزة ابوسها
عادل : طيب ما انا بدالها ممكن توصليلي اياها عادي
ليضمها لقلبه غير مصدق ان حلمه تحقق بعد ١٠ سنوات
آلاء : يا بنتي رجليا تهدوا وانتي ما اشترتيش حاجة
اسراء : انتي عارفة انا حامل بواد ولازم يبقى جنتل لابوه
آلاء: جيبي ابوه يشتري انا تشويت
اسراء : لا حخلي آرون يقول لعادل معندناش بنات للجواز
آلاء بغيظ : يا ندلة هيا بقت مساومة ماشي ماشي
اسراء بضحك : انا عملت فيكي جميل عمرك ما تقدري تسدي
الاء بحب : فعلا انتي حققتيلي حلم عشر سنين ياريتك كنتي موجودة من زمان
حضنتها اسراء وهمست : من زمان نفسي يبقى ليا اخت والحمد لله قابلتك انتي
آلاء : تفتكري لو في يوم تشاكلنا يوسف حيوقف بصف مين فينا
اسراء : اممم تعالي نجرب ..
امسكت هاتفها واتصلت به وكالعادة مع اول رنة
يوسف: قلبي خلصتي اجي اوصلك
اسراء باصطناع الحزن : آلاء ضايقتني عشان تأخرت وانا باشتري وتعصبت عليا
يوسف بضيق : بجد .. طيب اقفلي حكلمها
اسراء : بس ما تزعلهاش عشان ما يرضنيش تتخانقوا
اغلق الهاتف واخذ نفسا عميقا واتصل بالآء
آلاء: اه يا قلبي
يوسف بحب : آلاء هو انتي زعلتي اسراء
آلاء: مش قصدي بس شويا بسبب انها ما شرتش حاجة من كذا محل
يوسف بحنان : آلاء انا بحبك اوي والله العظيم اوي انتي أغلى من نفسي بس لو سمحتي عشان خاطري بلاش تزعلي اسراء لو اي حاجة حصلت تحملي عشان ما اقدرش اشوفها زعلانة والله العظيم غصب عني يعني مش عايز يجيلي وقت اختار لاني مش حاقدر انتي غالية عندي اوي اوي بس اسراء روحي من جوة يعني بس اعرف انها متضايقه ما بقدرش اتنفس يعني ان ينفع تشوفيها وتتصالحوا لو ليا خاطر عندك