ياقوت الهجان

جواد مسكها من دراعها بغضب وقال بزعيق..اكتمي بقى اسكتي خليني اتصرف… ومسك التليفون واتصل بشخص وقال…صدام الحقني تعالى بسرعه

بره كانت الناس متعصبه ومصرين يخلوه يخرج
وبعد دقايق كانت للنار مسكت في المكان جامد ودخلت المكان

جواد مسك الملايه وبقى يضر.ب بيها النا,ر بس اتاكلت بسرعه

ياقوت كانت بتبكي ومرعوبه والناس بره بيقولو..اطلعو
.اطلعو ..اطلع يا ولد الهجان هتتحرق..اطلع احسنلك

هنا وصل شاب في الأربعين وله طله وهيبه نزل من العربيه بزهول وقال بغضب …بتعمل ايه انت وهوه

الناس وقفت تبصلو بخوف وواحد قال بارتباك…قول لاخوك يطلع..احنا حذرناكم قبل سابق يا صدام بيه

صدام مهتمش لكلامو وبص لرجالتو وابتدو بسرعه يطفو النار من الترعه وفي دقايق طفوها

جواد كان ضامم ياقوت بين اديه ومخبيها من النار ودخانتها وهيه كانت بتكح بتعب وضيق
بقلم…زهرة الربيع
صدام اول ما هديت النار وقع باب العشه ودخل واتنهد براحه لما لقاه لسه عايش

بس بصلو بغضب وقال…ودي مين دي كمان ان شاء الله..الوجه جديد المرادي

جواد بعد عن ياقوت ونزل عيونه في الأرض بحرج وياقوت قالت وهيه بتكح. لا..لا معلش..انا..انا معرفوش..انا دخلت هنا غلط والله

صدام قال بسخريه…صادقه…صادقه يا عفيغه والكعبه الشريفه…يلا اطلعو قدامي

جواد قال بسرعه..لا مهنطلعش..البت دي جات غلط صوح..لهيفكروها كانت معاي

صدام بصلو بدهشه وقال..يا سلام على الحنيه…من امتى يا خوي

صدام اتقدم عليه وقال بهمس…دي مش حنيه…البت دي عروسة عيسى النميري…هربت من فرحها وبيدور عليها لو عرف انها معاي هنفتح علينا ابواب متتسدش

صدام قال بزهول..بخرب بيتك وبيت الي جابوك واحد واحد…ده انهارده فرحو يا حزين وقالب عليها الدنيا …انا كنت بدور معاهم قبل ما اجي

جواد قال ..بقولك والله ما اعرفها اول مره اشوفها.

ياقوت قالت بشك..بتتودو في ايه.. .كل ده

صدام لسه هيتكلم سمع صوت يعرفو كويس بيقول…فيه ايه اهنه…متجمعين ليه

واحد من الرجاله قال..زي العاده ولد الهجان مجيبهاش لبرر..ومعاه واحده جوه

صدام بلع ريقه بارتباك وجواد بصلو بتوتر وقال…عيسى …ده صوت عيسى

ياقوت لطمت وقالت بخوف وصوت عالي.. يا مراااري ده عيسى

جواد جري عليها حط ايده على بقها وقال بغضب…اشش اكتمي…روحي ناديلو احسن