جنة الياسين ج5
فتحت عينيها تستوعب أنه حقيقي لتص.رخ بفزع ” انتي هنا ايه ده أنا فين ايوة انت خطفتني ”
سيف بحب ” ماحدش بيخطف مراته ”
شام بغيظ ” رجعني لبابي حالا زمانه قلقان عليا وتطلقني ”
امتلأت عينيه بالدموع وهمس برجاء ” هتقدر تعيشي من غير سيف ”
آلمها صوته لتهمس بدموع ” زي ما هو قدر يعمل فيا كدة ”
امسك يدها وهمس بندم ” ندمت اقسم بالله ندمت محتاج فرصة أخيرة آخر فرصة والله لو زعلتك تاني او تعصبت عليكي ابعدي وما تبصيش عليا تاني ”
نظرت لحالته والصدق في عينيه ونبرة التوسل بصوته ليكمل ” وحدة بس ”
شام بحزن ” ولو زعلتني ”
قاطعها بنفي ” بعد اللي حصلي هعد لمية قبل ما أتكلم او اعمل حاجة ”
شام بخجل ” هتكون آخر فرصة ”
انشرح صد.ره ليضمها بقوة ” ومش محتاج غيرها لاني هأمحي أي خوف او زعل مني وحشتيني اوي اوي يا شام ”
شام بحزن ” سيف انا زعلانة منك اوي”
ابتلع غصة في حلقه وقال بندم ” حقك عليا يا قلب سيف والله وجعك ولا حاجة جمب وجعي بس أعطيني فرصة امحي كل حاجة ”
شام بحب ” وحشتني ”
وكيف لعاشق ان يصمد أكثر من ذلك بدأ يقترب منها بكل ما اوتي من اشتياق بعد وقت تركها نائمة وخرج يتصل بوالدها وهو يضحك عندما يتخيل ردة فعله
استيقظ على رنين هاتفه فتح نصف عين ليجده سيف لم يهتم عاود الرن مجددا ليرد بغيظ ” عايز ايه يا رخم ”
سيف ببرود ” ايه وحشتني يا باشا مش حمايا الغالي وبصبح عليه ”
علي بغيظ ” انسى ي سيف انسى شام مش هرجعهالك ”
أغمض عينيه بتعب فهو لا يريد خصاما معه لكن عندما يخصها الموضوع سيقت.ل دون تفكير ..
فتح الكاميرا ليشهق علي وهو يراه يحتض.ن تلك النائمة بحض.نه انتفض من مكانه وركض لغرفتها ولم يجدها صرخ بحدة ” بنتي فين يا زفت ”
سيف بهدوء ” سافرت يا عمي خدتها وسافرت انت اللي اطريتني لكدة شام دي روحي واكتر من روحي وانا متأكد لو انت مكاني وحاول حد يحرمك من مراتك حتعمل أي حاجة ”
كان محقا كل الحق وعلي كان مكانه قبل ذلك وكاد يموت حسرة وندما لكنه يجب أن يعلمه درسا يجعله يفكر مليون مرة قبل أن يحزنها ..
كز على اسنانه وهمس بعصبية ” بنتي ترجع احسن الك والا هأروح للي جه وطلبها مني وأمنته عليها وبالاخر استلمتها بتنز.ف ”
امتلأت عينين سيف بالدموع عندما تذكر ما حدث وهمس بندم ” قسما بربنا اللي حصل بيحرق قلبي اكتر ما هو واجعكوا ان انته سامحتوني انا مش هسامح نفسي بس اعمل ايه ما أقدرش فوق اللي حصلي أتعاقب ببعدها ما أقدرش قولتلك اقت.لني وانا والله مسامحك بس مش مسامحك ان خدتها مني “
