جنة الياسين ج3
ثم اتصلت بأحد الخادمات التي ساعدتها وقالت برجاء ” طمنيني عرفتي تجيبي ”
سكتت ثم قالت ” ربنا يخليكي انا مستنياكي في مستشفى الرحمة ”
*****
دخل البنك يريد قرض لانقاذ نفسه وشركاته بأي طريقة ليهتف مدير البنك الذي يعتبر صديق له ” انا عندي اقتراح ممكن بعد ما تسحب قرض تستثمر باسم بنتك كتمويه لغاية ما تشد حيلك ”
كان أصبح شخصا آخر بعد أن بحث عنها بيت بيت رد بسخرية ” ان شاء الله هأستنى أخلف وأعمل مشروع باسمها حاضر طيب لو جه واد مش هينفع ”
ابتلع حسن ريقه وقال بتوجس ” احم وليه تستنى تخلف هو حضرتك مش عندك بنتين ”
رفع حاجبه بعدم فهم ليهز رأسه ويهتف بقلق عندما شعر أن هناك خطب ما ” يعني هيا ماتوا ”
مسح ياسين وجهه وقال بضيق ” حسن انا مش ناقصك مين دول اللي ماتوا انا ما خلفتش أساسا ”
ابتلع حسن ريقه وقال بقلق ” ازاي انا ظهر عندي في بياناتك انه عندك بنتين اسمهم عشق وغرام ياسين الخالدي ”
” انت فسخت خطوبتك بشهد ”
أغمض عينيه فقد حان وقت المواجهة ثم التف يهز رأسه نهرته والدته في غضب وقالت بحدة ” بتعشمني وبتعشم البنت وفي الآخر تتطلع بتضحك علينا ”
حاول الثبات والهدوء ثم همس ” أنا ما ضحكتش على حد الكل كان عارف اني كنت بقاوم وبحاول ما قدرتش مش ذنبي ”
سكتت والدته قليلا تنظر له بغيظ ثم سألت بجدية ” وناوي تتجوز مين بقى ”
ابتلع ريقه وقال بتوجس ” د.. دلال ”
كانت ملامحها ثابتة لتسأله مجددا ” مين دلال بقى أعرفها ”
دق قلبه بقلق من ردة فعلها تنهد بخوف ثم أجاب ” دلال الباشا ياماما اللي فضلت من غير جواز عشانها ”
حدقت بعينيها في ذهول وقالت بصدمة ” هيا مش متجوزة ”
رد باختصار ” واتطلقت “
